Fjölskylda Fiskikóngsins horfði á Skaupið á slysó eftir flugeldaslys Magnús Jochum Pálsson skrifar 1. janúar 2024 22:13 Á hægri hönd má sjá Kjartan Kristjánsson, fjórtán ára, sem hlaut áverka á andliti eftir að raketta, sem hann og bróðir hans kveiktu í, sprakk í höndunum á þeim. Synir Kristjáns Bergs, Fiskikóngsins, lentu í slysi á gamlársdag þegar raketta sprakk í höndunum á þeim. Bræðurnir hlutu skaða á heyrn og brunasár en faðir þeirra segir það heppni að ekki fór verr. Ekki verði fleiri flugeldar sprengdir í fjölskyldunni framar. Kristján Berg Ásgeirsson, betur þekktur sem Fiskikóngurinn, greindi frá flugeldaslysinu í Facebook-færslu í gær sem hefur fengið mikil viðbrögð. „Farið varlega með ALLA flugelda. Fyrsta flugeldaslysið í kvöld. Er með tvo drengi mína á slysó. Kjartan er með ískur í eyrum. Held að lukkan hafi verið hliðholl okkur í dag. Heppnir að missa ekki hendi eða augun,“ sagði í færslunni. Einnig sagði Kristján að sprengjan hefði sprungið um leið og eldur kom að kveiknum og að fleiri flugeldar yrðu ekki sprengdir á hans vakt í þessu lífi. Loks sagði í færslunni „Strákarnir vildu að ég póstaði þessu sem fyrst til þess að vara aðra við. Þeir bíða eftir læknisaðstoð í þessum töluðu orðum.“ Hér fyrir neðan má sjá myndbandið af rakettunni springa í höndunum á þeim. Fjölskyldan í sjokki en glöð að ekki fór verr „Ég er náttúrulega bara feginn að það fór ekki verr,“ sagði Kristján þegar blaðamaður hafði samband til að spyrja út í slysið. „Ég er búinn að kaupa svo mikið undanfarin tvö ár þannig ég keypti ekkert á þessu ári. Þannig í raun vorum við að vinna með flugelda frá því í fyrra,“ segir hann. Kristján Berg á fiskbúðina Fiskikónginn og verslunina Heitirpottar.is. Hann segir að fjölskyldan muni ekki kaupa eða sprengja fleiri flugelda.Vísir/Vilhelm „Þetta er raketta og strákarnir fóru síðan bara í kassann sem pabbi átti og héldu að þetta væri bomba. Þá hafði rakettuprikið dottið af einhvern tímann í fyrra,“ sagði Kristján um rakettuna sem sprakk. „Ég fékk nú eitthvað komment að þetta væri fikt með flugelda en þetta var ekkert þannig. Ég hef verið frekar mikill flugeldakall í gegnum árin. Þetta voru rosaleg mistök hjá strákunum og þekkingarleysi,“ segir hann og bætir við „Ég er bara feginn að þeir hafi ekki misst augun eða hendina.“ „Það er búið að vera mikið sjokk í fjölskyldunni. Samt ákveðin gleði að það hafi ekki farið verr,“ segir hann um líðan fjölskyldunnar. Horfðu á Skaupið á slysó Aðspurður hvenær slysið hefði átt sér stað segir Kristján að það hafi verið um átta, hálf níu. „Við tókum Skaupið á slysó. Þetta verða fyrir vikið kannski eftirminnilegustu áramótin. Komum heim bara rétt fyrir tólf,“ sagði Kristján. Sluppu þeir þá bara vel? „Hljóðhimnan rifnaði hjá öðrum þeirra og þeir eru báðir með þriðja stigs brunasár. Það var svona hvítur blettur á hendinni sem okkur fannst ekkert vera merkilegur. Maður var frekar að horfa á blóðið en þá sagði læknirinn að þetta væri það alvarlegasta, þetta væri þriðja stigs brunasár,“ sagði Kristján. Hendurnar á Kristjáni eru illa farnar eftir rakkettuna en það er lukka að ekki fór verr. „Það er svo mikið púður á sprengjunum að ef þetta fer í andlitið á fólki þá þeysist púðrið framan í fólk og þú ert kominn með varanlegt tattú. Ég var ekki búinn að átta mig á því en mér sýnist nú að andlitin þeirra hafi nokkurn veginn sloppið. Einn fékk tvö-þrjú spor á hökuna,“ segir hann. Vitið þið eitthvað meira með áverkana? „Það er endurkoma eftir tvo daga. Þeir fengu krampasprautu upp á sýkingar og eiga að koma aftur. Að öðru leyti fór þetta eins og best var á kosið,“ segir hann. Lágu í tíu sekúndur áður en þeir föttuðu hvað hefði gerst Ef maður horfir á myndbandið af sprengingunni segir Kristján að þar heyrist hvernig bræðurnir hafi legið á jörðinni í heilar tíu sekúndur áður en þeir áttuðu sig á því hvað gerðist. „Þeim fannst þetta vera eins og tvær en þeir lágu í tíu sekúndur á jörðinni og vissu ekkert hvað hefði gerst,“ segir hann. Að sögn Kristjáns var elsti bróðirinn, sem er 24 ára, ekki sáttur með sjálfan sig fyrir að hafa dregið litlu bræður sína, þrettán og fjórtán, í þetta og kennt sjálfum sér um. „En það þýðir ekkert að hugsa svoleiðis, slysin bara gerast,“ segir Kristján. Ölvað fólk að leika sér með sprengiefni „Þeir voru nú allir edrú en fólk er að meðhöndla sprengiefni og allir að fá sér í glas. Ef maður hugsar út í þetta þá er þetta algjör vitleysa. Við horfum á stríð út um allan heim, allir með sprengjur og svo erum við bara að leika okkur með þetta. „Þetta hvetur mann til umhugsunar um hvað þetta er hættulegt,“ segir Kristján. Að sögn Kristjáns segir hann að eftir að fjölskyldan ræddi saman um málið þá hafi þau ákveðið að það yrðu ekki fleiri flugeldar keyptir á heimilið. Hann bætir við að það sé ekkert mikið af nágrannalöndum sem leyfi flugelda eins og Ísland. „Ég held að það sé ástæða til að endurskoða þetta eitthvað. Ég er kominn á þá blaðsíðu núna,“ segir hann og bætir við „þetta er náttúrulega galið, allir blindfullir með vindla og engan búnað.“ „Svo erum við foreldrarnir ábyrgir, leyfum krökkunum að valsa um með þetta eins og það sé eðlilegt. Þetta á ekkert að vera eðlilegt. Þetta eru sprengjur. Það er ágætt að ræða þessi mál þó það sé örugglega alltaf sama tuggan ár eftir ár,“ segir Kristján. Hljóðhimnan sprungin og brunasár víða Vísir ræddi einnig við Kjartan, næstyngsta bróðurinn, sem kveikti á sprengjunni. Kjartan fékk brunasár víða um líkamanna og skaddaði í sér hljóðhimnuna. Hann hvetur fólk til að sleppa því að sprengja. „Fyrst sá ég allt hvítt, svo vaknaði ég bara á jörðinni og heyrði ískur. Svo lít ég við og sé Ægi, sem hélt á sprengjunni, standa á fætur. Ég sé Kára tíu metra í burtu og Ægir hleypur til hans. Ég stend líka upp og hleyp til þeirra,“ segir hann um atvikið. Aðspurður út í hljóðhimnuna sem sprakk segist hann heyra illa og fari til eyrnalæknis í vikunni. „Nöglin mín er alveg skröpuð og svo er vísifingurinn allur út í sárum og svo er ég með nokkrar brunablöðrur. Svo er ég líka með sár á tvíhöfðanum og eitt lítið á brjóstinu,“ segir Kjartan um áverkana. Þar að auki hafi bæði hárið hans og augabrúnir brunnið. Flugeldar Áramótaskaupið Slysavarnir Mest lesið Björk styður æskuvinkonu sína sem sætir svívirðingum Innlent Bein útsending: Mótmæla handtöku Möggu Stínu Innlent Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Hitnar undir feldi Lilju Innlent Óheppileg „læk“ Reykjavíkurborgar: „Okkur þykir þetta miður“ Innlent Hefur áhyggjur af unga fólkinu Innlent Dularfull brotlending nærri Area 51 Erlent Keyrt á vegfaranda í Skeifunni Innlent Takmörk á því hversu langt Ísraelar geti farið til að verja hafnbann Innlent Fleiri fréttir Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Sjá meira
Kristján Berg Ásgeirsson, betur þekktur sem Fiskikóngurinn, greindi frá flugeldaslysinu í Facebook-færslu í gær sem hefur fengið mikil viðbrögð. „Farið varlega með ALLA flugelda. Fyrsta flugeldaslysið í kvöld. Er með tvo drengi mína á slysó. Kjartan er með ískur í eyrum. Held að lukkan hafi verið hliðholl okkur í dag. Heppnir að missa ekki hendi eða augun,“ sagði í færslunni. Einnig sagði Kristján að sprengjan hefði sprungið um leið og eldur kom að kveiknum og að fleiri flugeldar yrðu ekki sprengdir á hans vakt í þessu lífi. Loks sagði í færslunni „Strákarnir vildu að ég póstaði þessu sem fyrst til þess að vara aðra við. Þeir bíða eftir læknisaðstoð í þessum töluðu orðum.“ Hér fyrir neðan má sjá myndbandið af rakettunni springa í höndunum á þeim. Fjölskyldan í sjokki en glöð að ekki fór verr „Ég er náttúrulega bara feginn að það fór ekki verr,“ sagði Kristján þegar blaðamaður hafði samband til að spyrja út í slysið. „Ég er búinn að kaupa svo mikið undanfarin tvö ár þannig ég keypti ekkert á þessu ári. Þannig í raun vorum við að vinna með flugelda frá því í fyrra,“ segir hann. Kristján Berg á fiskbúðina Fiskikónginn og verslunina Heitirpottar.is. Hann segir að fjölskyldan muni ekki kaupa eða sprengja fleiri flugelda.Vísir/Vilhelm „Þetta er raketta og strákarnir fóru síðan bara í kassann sem pabbi átti og héldu að þetta væri bomba. Þá hafði rakettuprikið dottið af einhvern tímann í fyrra,“ sagði Kristján um rakettuna sem sprakk. „Ég fékk nú eitthvað komment að þetta væri fikt með flugelda en þetta var ekkert þannig. Ég hef verið frekar mikill flugeldakall í gegnum árin. Þetta voru rosaleg mistök hjá strákunum og þekkingarleysi,“ segir hann og bætir við „Ég er bara feginn að þeir hafi ekki misst augun eða hendina.“ „Það er búið að vera mikið sjokk í fjölskyldunni. Samt ákveðin gleði að það hafi ekki farið verr,“ segir hann um líðan fjölskyldunnar. Horfðu á Skaupið á slysó Aðspurður hvenær slysið hefði átt sér stað segir Kristján að það hafi verið um átta, hálf níu. „Við tókum Skaupið á slysó. Þetta verða fyrir vikið kannski eftirminnilegustu áramótin. Komum heim bara rétt fyrir tólf,“ sagði Kristján. Sluppu þeir þá bara vel? „Hljóðhimnan rifnaði hjá öðrum þeirra og þeir eru báðir með þriðja stigs brunasár. Það var svona hvítur blettur á hendinni sem okkur fannst ekkert vera merkilegur. Maður var frekar að horfa á blóðið en þá sagði læknirinn að þetta væri það alvarlegasta, þetta væri þriðja stigs brunasár,“ sagði Kristján. Hendurnar á Kristjáni eru illa farnar eftir rakkettuna en það er lukka að ekki fór verr. „Það er svo mikið púður á sprengjunum að ef þetta fer í andlitið á fólki þá þeysist púðrið framan í fólk og þú ert kominn með varanlegt tattú. Ég var ekki búinn að átta mig á því en mér sýnist nú að andlitin þeirra hafi nokkurn veginn sloppið. Einn fékk tvö-þrjú spor á hökuna,“ segir hann. Vitið þið eitthvað meira með áverkana? „Það er endurkoma eftir tvo daga. Þeir fengu krampasprautu upp á sýkingar og eiga að koma aftur. Að öðru leyti fór þetta eins og best var á kosið,“ segir hann. Lágu í tíu sekúndur áður en þeir föttuðu hvað hefði gerst Ef maður horfir á myndbandið af sprengingunni segir Kristján að þar heyrist hvernig bræðurnir hafi legið á jörðinni í heilar tíu sekúndur áður en þeir áttuðu sig á því hvað gerðist. „Þeim fannst þetta vera eins og tvær en þeir lágu í tíu sekúndur á jörðinni og vissu ekkert hvað hefði gerst,“ segir hann. Að sögn Kristjáns var elsti bróðirinn, sem er 24 ára, ekki sáttur með sjálfan sig fyrir að hafa dregið litlu bræður sína, þrettán og fjórtán, í þetta og kennt sjálfum sér um. „En það þýðir ekkert að hugsa svoleiðis, slysin bara gerast,“ segir Kristján. Ölvað fólk að leika sér með sprengiefni „Þeir voru nú allir edrú en fólk er að meðhöndla sprengiefni og allir að fá sér í glas. Ef maður hugsar út í þetta þá er þetta algjör vitleysa. Við horfum á stríð út um allan heim, allir með sprengjur og svo erum við bara að leika okkur með þetta. „Þetta hvetur mann til umhugsunar um hvað þetta er hættulegt,“ segir Kristján. Að sögn Kristjáns segir hann að eftir að fjölskyldan ræddi saman um málið þá hafi þau ákveðið að það yrðu ekki fleiri flugeldar keyptir á heimilið. Hann bætir við að það sé ekkert mikið af nágrannalöndum sem leyfi flugelda eins og Ísland. „Ég held að það sé ástæða til að endurskoða þetta eitthvað. Ég er kominn á þá blaðsíðu núna,“ segir hann og bætir við „þetta er náttúrulega galið, allir blindfullir með vindla og engan búnað.“ „Svo erum við foreldrarnir ábyrgir, leyfum krökkunum að valsa um með þetta eins og það sé eðlilegt. Þetta á ekkert að vera eðlilegt. Þetta eru sprengjur. Það er ágætt að ræða þessi mál þó það sé örugglega alltaf sama tuggan ár eftir ár,“ segir Kristján. Hljóðhimnan sprungin og brunasár víða Vísir ræddi einnig við Kjartan, næstyngsta bróðurinn, sem kveikti á sprengjunni. Kjartan fékk brunasár víða um líkamanna og skaddaði í sér hljóðhimnuna. Hann hvetur fólk til að sleppa því að sprengja. „Fyrst sá ég allt hvítt, svo vaknaði ég bara á jörðinni og heyrði ískur. Svo lít ég við og sé Ægi, sem hélt á sprengjunni, standa á fætur. Ég sé Kára tíu metra í burtu og Ægir hleypur til hans. Ég stend líka upp og hleyp til þeirra,“ segir hann um atvikið. Aðspurður út í hljóðhimnuna sem sprakk segist hann heyra illa og fari til eyrnalæknis í vikunni. „Nöglin mín er alveg skröpuð og svo er vísifingurinn allur út í sárum og svo er ég með nokkrar brunablöðrur. Svo er ég líka með sár á tvíhöfðanum og eitt lítið á brjóstinu,“ segir Kjartan um áverkana. Þar að auki hafi bæði hárið hans og augabrúnir brunnið.
Flugeldar Áramótaskaupið Slysavarnir Mest lesið Björk styður æskuvinkonu sína sem sætir svívirðingum Innlent Bein útsending: Mótmæla handtöku Möggu Stínu Innlent Magga Stína handtekin í nótt af Ísraelsher Innlent Langþreyttur á TikTok áreiti og rasískum orðsendingum skólakrakka Innlent Hitnar undir feldi Lilju Innlent Óheppileg „læk“ Reykjavíkurborgar: „Okkur þykir þetta miður“ Innlent Hefur áhyggjur af unga fólkinu Innlent Dularfull brotlending nærri Area 51 Erlent Keyrt á vegfaranda í Skeifunni Innlent Takmörk á því hversu langt Ísraelar geti farið til að verja hafnbann Innlent Fleiri fréttir Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Fyrri degi heimsóknar lauk með kvöldverði í forsetahöllinni Sást blóðugur fyrir utan fjölbýlishús Langþreyttur á TikTok áreiti og rasískum orðsendingum skólakrakka „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Sjá meira