Love Island stjarna situr fyrir hjá ís­lensku fyrir­tæki

Íslenska skartgripamerkið hefur farið mikinn undanfarið ár og öðlast vaxandi vinsælda. Dagmar segir bresku stjörnuna smellpassa í auglýsingar fyrir skartgripi 1104 by MAR.

Leah tók þátt í síðustu seríu af raunveruleikaþáttunum Love Island. Í þáttunum leitar fallegasta fólk Bretlandseyja að ástinni. Leah öðlaðist mikla frægð eftir að hafa tekið þátt í nýjustu seríunni, þó henni hafi gengið erfiðlega að finna ástina. Hún er með um hálfa milljón fylgjenda á miðlunum.

„Þetta er auðvitað risa stórt fyrir okkar merki og við erum gríðarlega ánægð með þetta. Hún tikkar í öll okkar box,“ segir Dagmar í samtali við Vísi. Hún segist sjálf vera aðdáandi raunveruleikaþáttanna og segir ljóst að Leah hafi þar vakið mikla athygli.

„Hún var mjög vinsæl í þáttunum og maður tók alveg eftir því að hún klæddi sig alltaf gífurlega vel og var virkilega flott týpa. Svo hefur hún verið dugleg að miðla skemmtilegu efni á miðlunum og hennar ímynd hentar okkar vörumerki virkilega vel.“