Í­búar minntir á að veiða ekki mýs með frostlegi

Sveitarstjórn samþykkti nýverið að vekja athygli bæjarbúa á því að veiðar með þessum hætti séu ólöglegar. Erindi barst til sveitarstjórnar hreppsins varðandi veiðarnar, að því er fram kemur í fundargerð sveitarstjórnar. Gæti þetta reynst hættulegt húsdýrum, nánar tiltekið köttum þar sem þeir veiða mýs og gætu átt í hættu á að komast í snertingu við frostlöginn.

Finnur Ólafsson, oddviti sveitarstjórnar, segir í samtali við Vísi að um almenn tilmæli séu að ræða, sveitarstjórn viti ekki um nein staðfest dæmi þar sem slíkt hafi verið gert.

„Við höfðum frétt af þessu og ákváðum að gefa út almenn tilmæli. Þetta snýst í raun bara um okkar áhyggjur af málinu,“ segir Finnur. Engin illindi felist í tillögunni. Tilkynning um málið verði send út á heimasíðu sveitarfélagsins og á Facebook hópi íbúa.

„Við reynum bara að tækla þetta án þess að blása þetta upp, af því að það eru engin illindi. Það er svo sem aldrei of oft sú vísa kveðin að allir eigi að sýna öllum tillitssemi.“