Enginn draumaprins sjáanlegur í firðinum Íris Hauksdóttir skrifar 26. október 2023 07:01 Tónlistarmaðurinn Friðrik Ómar Hjörleifsson hefur bætt við jólatónleikum en þegar er uppselt á tólf þeirra sem haldnir eru á fjórum stöðum. Hann gefur samhliða út plötu og flyst búferlum í Borgarnes í byrjun næsta árs. Helgi Steinar Friðrik Ómar Hjörleifsson var nánast búinn að keyra sig í kaf með mikilli vinnu fyrr í sumar en hann segir haustið hafa sömuleiðis verið hressandi. Framundan taki nú við útgáfa nýrrar plötu, jólatónleikar og flutningar. „Maður var orðinn svolítið framlágur á tímabili en ég er allur að koma til,“ segir Friðrik í samtali við blaðakonu. „Ég á það til að gleyma að hlúa að sjálfum mér og detta úr rútínu þegar mikið er um að vera. Ég viðurkenni að það gerðist núna og þá grípur maður bara það sem hendi er næst hvað matarræði varðar og sleppir því að fara í ræktina. Þetta er samt allt á uppleið og ég er að komast aftur á skrið. Það er líka eins gott að byggja sig vel upp fyrir komandi átök því áður en jólatónleikatörnin hefst mun ég gefa út plötu sem tekur á að fylgja úr hlaði. Eftir það fer ég svo í að pakka búslóðinni minni saman og flytja í annað sveitarfélag. Það verður sennilega ágætis líkamsrækt.“ Friðrik Ómar undirbýr sig fyrir jólatörnina.Helgi Steinar Platan heitir í Fjarlægð og inniheldur tíu lög. Titillag plötunnar er hundrað ára gamalt og segir Friðrik þema plötunnar vera saknaðarsöngva. „Þetta er ballöðuplata og kemur út um mánaðarmótin nóvember, desember. Hún hefur verið lengi í vinnslu og ég er spenntur að sjá hvernig viðtökur hún fær.“ Í beinu framhaldi hellir Friðrik sér svo í jólatónleikahald en nú þegar er uppselt á tólf tónleika sem haldnir verða víða um land. „Ég mun syngja í Silfurbergi í Hörpu, Hofi á Akureyri og Selfossi en byrja að sjálfsögðu í Borgarnesi. Við erum að bæta við fleiri tónleikum sem fara í sölu á morgun, föstudaginn 27. október klukkan tíu fyrir tónleikana í Borgarnesi. Aðrir tónleikar fara svo í sölu í næstu viku. Miða er hægt að nálgast hér.“ Ég er að ljúka þessum kafla Spurður hvort hann finni fyrir aukinni pressu þegar svo vel gengur að selja miða segist Friðrik alltaf setja sömu kröfur á sjálfan sig sem listamann. „Þetta er níunda árið sem ég held þessa tónleika og það síðasta. Ég er að ljúka þessum kafla. Pressan er alltaf sú sama því ég veit að fólk er að velja á milli viðburða og aðgangseyrinn er frekar hár. Markmiðið er alltaf það sama: Að ná sem flestum ánægðum út eftir showið. Með árunum venst maður því að einhverju leyti að lifa með þessari pressu en það skiptir öllu máli að velja gott fólk í kringum sig. Ég er alltaf með sömu hljómsveitina og í flestum tilfellum mæta þeir Eyþór Ingi og Jógvan Hansen og syngja með mér en svo er rokkandi hvaða leynigestir mæta á svæðið. Dagskráin er aldrei sú sama en auðvitað er ákveðin grunnur sem fólk vill heyra. Það vilja ekkert endilega allir heyra einungis jólalög heldur er fólk komið til að skemmta sér. Ég hef alltaf sófa á sviðinu og búta kvöldið niður í spjall við listafólkið og söng þess á milli. Það hefur gefið góða raun.“ Friðrik Ómar segir smábæjarlífið heillandi.Helgi Steinar Friðrik söðlaði nýverið um og festi kaup á glæsilegu húsi í Borgarnesi. Hann segir sinn innri sveitastrák blómstra í smábæjarlífinu. „Ég er náttúrulega alinn upp út á landi og kann þetta. Mín reynsla er sú að maður hefur miklu meiri tíma til að gera fullt af hlutum þegar maður er ekki alltaf fastur í umferð. Ég er til að mynda ekki í því að sækja og skutla eins og vísitölufjölskyldan og vinn ekki níu til fimm vinnu. Þetta er sirka sama vegalengd og á Selfoss en það er ekki eins algengt að fólk flytji í þessa átt. Hlakkar til að kjarna sig í Borgarnesi Ég er nú búinn að vera búsettur í miðbæ Reykjavíkur í tuttugu ár og langaði að prófa eitthvað nýtt. Ég byrjaði á að skoða eignir í borginni en fannst lítið spennandi. Þetta hús datt svo upp í hendurnar á mér og ég kolféll fyrir staðnum. Ég flyt í febrúar og hlakka mjög til að kjarna mig í Borgarnesi þó það sé nú enginn draumaprins sjáanlegur í firðinum eins og staðan er í dag. Húsið mitt á Akureyri er enn til sölu en ég vildi einfalda lífið og búa á einum stað þó Akureyri eigi alltaf stað í hjarta mínu. Það er alltaf hægt að snúa aftur til baka ef út í það er farið.“ Tónlist Borgarbyggð Ástin og lífið Tengdar fréttir Friðrik Ómar selur slotið Söngvarinn síkáti, Friðrik Ómar hefur sett hús sitt á sölu en eignin er staðsett norður á Akureyri. Ásett verð fyrir fermetrana 139 eru rúmar 68 milljónir. 14. júlí 2023 16:01 Mest lesið Sjóðheitt og splunkunýtt Hollywood par Lífið Ætlar í pásu frá giggum Lífið Langaði að passa inn en nýtur þess nú að skera sig úr Tíska og hönnun Tugþúsundir vottuðu Ozzy virðingu Lífið Forseti Alþingis snæddi kvöldverð með Michael Douglas Lífið Spámenn bjóða betur en veðurfræðingar Lífið Síðasta Þjóðhátíðin í bili hjá FM95BLÖ Lífið Kokkarnir á Strikinu með stjörnur í augunum þegar Bon Jovi mætti Lífið Sweeney sökuð um kynþáttahyggju Lífið Katrín Edda selur í Hlíðunum Lífið Fleiri fréttir Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Fyrstu tónleikar Purrksins í fjörutíu ár Sweeney sökuð um kynþáttahyggju Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Samband Gallagher-bræðra sagt á hálum ís Harrý rétti fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Sjá meira
„Maður var orðinn svolítið framlágur á tímabili en ég er allur að koma til,“ segir Friðrik í samtali við blaðakonu. „Ég á það til að gleyma að hlúa að sjálfum mér og detta úr rútínu þegar mikið er um að vera. Ég viðurkenni að það gerðist núna og þá grípur maður bara það sem hendi er næst hvað matarræði varðar og sleppir því að fara í ræktina. Þetta er samt allt á uppleið og ég er að komast aftur á skrið. Það er líka eins gott að byggja sig vel upp fyrir komandi átök því áður en jólatónleikatörnin hefst mun ég gefa út plötu sem tekur á að fylgja úr hlaði. Eftir það fer ég svo í að pakka búslóðinni minni saman og flytja í annað sveitarfélag. Það verður sennilega ágætis líkamsrækt.“ Friðrik Ómar undirbýr sig fyrir jólatörnina.Helgi Steinar Platan heitir í Fjarlægð og inniheldur tíu lög. Titillag plötunnar er hundrað ára gamalt og segir Friðrik þema plötunnar vera saknaðarsöngva. „Þetta er ballöðuplata og kemur út um mánaðarmótin nóvember, desember. Hún hefur verið lengi í vinnslu og ég er spenntur að sjá hvernig viðtökur hún fær.“ Í beinu framhaldi hellir Friðrik sér svo í jólatónleikahald en nú þegar er uppselt á tólf tónleika sem haldnir verða víða um land. „Ég mun syngja í Silfurbergi í Hörpu, Hofi á Akureyri og Selfossi en byrja að sjálfsögðu í Borgarnesi. Við erum að bæta við fleiri tónleikum sem fara í sölu á morgun, föstudaginn 27. október klukkan tíu fyrir tónleikana í Borgarnesi. Aðrir tónleikar fara svo í sölu í næstu viku. Miða er hægt að nálgast hér.“ Ég er að ljúka þessum kafla Spurður hvort hann finni fyrir aukinni pressu þegar svo vel gengur að selja miða segist Friðrik alltaf setja sömu kröfur á sjálfan sig sem listamann. „Þetta er níunda árið sem ég held þessa tónleika og það síðasta. Ég er að ljúka þessum kafla. Pressan er alltaf sú sama því ég veit að fólk er að velja á milli viðburða og aðgangseyrinn er frekar hár. Markmiðið er alltaf það sama: Að ná sem flestum ánægðum út eftir showið. Með árunum venst maður því að einhverju leyti að lifa með þessari pressu en það skiptir öllu máli að velja gott fólk í kringum sig. Ég er alltaf með sömu hljómsveitina og í flestum tilfellum mæta þeir Eyþór Ingi og Jógvan Hansen og syngja með mér en svo er rokkandi hvaða leynigestir mæta á svæðið. Dagskráin er aldrei sú sama en auðvitað er ákveðin grunnur sem fólk vill heyra. Það vilja ekkert endilega allir heyra einungis jólalög heldur er fólk komið til að skemmta sér. Ég hef alltaf sófa á sviðinu og búta kvöldið niður í spjall við listafólkið og söng þess á milli. Það hefur gefið góða raun.“ Friðrik Ómar segir smábæjarlífið heillandi.Helgi Steinar Friðrik söðlaði nýverið um og festi kaup á glæsilegu húsi í Borgarnesi. Hann segir sinn innri sveitastrák blómstra í smábæjarlífinu. „Ég er náttúrulega alinn upp út á landi og kann þetta. Mín reynsla er sú að maður hefur miklu meiri tíma til að gera fullt af hlutum þegar maður er ekki alltaf fastur í umferð. Ég er til að mynda ekki í því að sækja og skutla eins og vísitölufjölskyldan og vinn ekki níu til fimm vinnu. Þetta er sirka sama vegalengd og á Selfoss en það er ekki eins algengt að fólk flytji í þessa átt. Hlakkar til að kjarna sig í Borgarnesi Ég er nú búinn að vera búsettur í miðbæ Reykjavíkur í tuttugu ár og langaði að prófa eitthvað nýtt. Ég byrjaði á að skoða eignir í borginni en fannst lítið spennandi. Þetta hús datt svo upp í hendurnar á mér og ég kolféll fyrir staðnum. Ég flyt í febrúar og hlakka mjög til að kjarna mig í Borgarnesi þó það sé nú enginn draumaprins sjáanlegur í firðinum eins og staðan er í dag. Húsið mitt á Akureyri er enn til sölu en ég vildi einfalda lífið og búa á einum stað þó Akureyri eigi alltaf stað í hjarta mínu. Það er alltaf hægt að snúa aftur til baka ef út í það er farið.“
Tónlist Borgarbyggð Ástin og lífið Tengdar fréttir Friðrik Ómar selur slotið Söngvarinn síkáti, Friðrik Ómar hefur sett hús sitt á sölu en eignin er staðsett norður á Akureyri. Ásett verð fyrir fermetrana 139 eru rúmar 68 milljónir. 14. júlí 2023 16:01 Mest lesið Sjóðheitt og splunkunýtt Hollywood par Lífið Ætlar í pásu frá giggum Lífið Langaði að passa inn en nýtur þess nú að skera sig úr Tíska og hönnun Tugþúsundir vottuðu Ozzy virðingu Lífið Forseti Alþingis snæddi kvöldverð með Michael Douglas Lífið Spámenn bjóða betur en veðurfræðingar Lífið Síðasta Þjóðhátíðin í bili hjá FM95BLÖ Lífið Kokkarnir á Strikinu með stjörnur í augunum þegar Bon Jovi mætti Lífið Sweeney sökuð um kynþáttahyggju Lífið Katrín Edda selur í Hlíðunum Lífið Fleiri fréttir Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Fyrstu tónleikar Purrksins í fjörutíu ár Sweeney sökuð um kynþáttahyggju Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Samband Gallagher-bræðra sagt á hálum ís Harrý rétti fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Sjá meira
Friðrik Ómar selur slotið Söngvarinn síkáti, Friðrik Ómar hefur sett hús sitt á sölu en eignin er staðsett norður á Akureyri. Ásett verð fyrir fermetrana 139 eru rúmar 68 milljónir. 14. júlí 2023 16:01