Níðþunga dómsdagsrokkssveit rekur á strendur landsins Hjalti Freyr Ragnarsson skrifar 24. október 2023 12:24 Flutningur Bongripper á tónlist sinni á sviði er talinn trompa stúdíóútgáfur þeirra í þyngslum. bongripper Dómsdagsrokkssveitin Bongripper leikur fyrir hausaskaki fimmtudaginn 26. október á Gauknum, í fyrsta sinn á Íslandi. Koma sveitarinnar hlýtur að teljast hvalreki fyrir unnendur stefnunnar hérlendis og hljómur sveitarinnar verður jafnframt að teljast hvalvaxinn. Það stafar að miklu leyti af því að gítarar og bassi eru stilltir niður um næstum áttund (í F) og að mikil natni er lögð í að útkoman úr slíkri bassasúpu skili sér áheyrilega til tónleikagesta. Enginn söngvari er í sveitinni, lögin eru hæg og meiri líkur en minni að þau séu lengri en tíu mínútur. Jafnvel miklu lengri, en fyrsta útgáfa sveitarinnar innihélt einungis 79 mínútna langa lagið The Great Barrier Reefer. Sagan segir að þeim hafi langað að skáka Dopesmoker, sem er 63 mínútna langt lag eftir goðsagnakenndu hljómsveitina Sleep, og hafi sett markið á 80 mínútna hámarkslengd geisladiska. Haft hefur verið eftir meðlimum bandsins að þeir hafi eitt sinn verið dauðarokks hljómsveit en eftir að söngvarinn hætti og tvífetill trommarans brotnaði var ákveðið að skipta um takt og hægja töluvert á allri músíkinni. Árið 2010 jukust vinsældir sveitarinnar til muna með tilkomu plötunnar Satan Worshipping Doom. Hljómurinn var orðinn meira einkennandi fyrir sveitina, bitmeiri og með dassi af svartmálmsáhrifum. Til stuðnings Bongripper koma fram reykvísku sveitirnar Morpholith og Slor, hvor annarri þyngri og hægari. ReykjaDoom (áður Doomcember) stendur fyrir tónleikunum. Morpholith og magnaraboxin.Verði ljós Morpholith eru undir áhrifum frá skynvíkkunarrokki í sínum níðþunga dómsdagshægagangi, og reisa meðlimir magnaramúr fyrir hverja tónleika. Sækadelían er einnig skammt undan hjá Slor, en hljómurinn örlítið teppalagðari og undir meiri áhrifum frá bandarísku eðju- og eyðimerkurrokki. Miða má finna á tix.is. Tónleikar á Íslandi Tónlist Mest lesið Frægustu vinslit Íslandssögunnar Lífið Bíllinn fannst þremur vikum eftir þjófnaðinn og þá lögfræðibók með Lífið Stefán Einar og Sara Lind í sundur Lífið Elti ástina til Íslands Tónlist Bryan Adams breytti Eldborg í grátkór íslenskra karla Gagnrýni Taka ákvörðun á hverjum degi að elska hvort annað Lífið Hjartaknúsarinn tileinkaði íslenskri fyrirsætu rómantískan slagara Lífið „Gæti skrifað bókaseríu um vandræðileg stefnumót“ Makamál Tólf og þrettán ára fatahönnuðir á Akureyri slá í gegn Lífið Ósamþykkt kjallaraíbúð á rúmar 44 milljónir Lífið Fleiri fréttir Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Í skýjunum með að vera fyrstir Önnur platan komin út: Kyrrstæður heimur Kára Egils Varð að fara gubbandi í Herjólf Aldrei fór ég suður í endurbættri útgáfu Lærði að byggja sig upp og elska úr fjarlægð Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi Sjá meira
Koma sveitarinnar hlýtur að teljast hvalreki fyrir unnendur stefnunnar hérlendis og hljómur sveitarinnar verður jafnframt að teljast hvalvaxinn. Það stafar að miklu leyti af því að gítarar og bassi eru stilltir niður um næstum áttund (í F) og að mikil natni er lögð í að útkoman úr slíkri bassasúpu skili sér áheyrilega til tónleikagesta. Enginn söngvari er í sveitinni, lögin eru hæg og meiri líkur en minni að þau séu lengri en tíu mínútur. Jafnvel miklu lengri, en fyrsta útgáfa sveitarinnar innihélt einungis 79 mínútna langa lagið The Great Barrier Reefer. Sagan segir að þeim hafi langað að skáka Dopesmoker, sem er 63 mínútna langt lag eftir goðsagnakenndu hljómsveitina Sleep, og hafi sett markið á 80 mínútna hámarkslengd geisladiska. Haft hefur verið eftir meðlimum bandsins að þeir hafi eitt sinn verið dauðarokks hljómsveit en eftir að söngvarinn hætti og tvífetill trommarans brotnaði var ákveðið að skipta um takt og hægja töluvert á allri músíkinni. Árið 2010 jukust vinsældir sveitarinnar til muna með tilkomu plötunnar Satan Worshipping Doom. Hljómurinn var orðinn meira einkennandi fyrir sveitina, bitmeiri og með dassi af svartmálmsáhrifum. Til stuðnings Bongripper koma fram reykvísku sveitirnar Morpholith og Slor, hvor annarri þyngri og hægari. ReykjaDoom (áður Doomcember) stendur fyrir tónleikunum. Morpholith og magnaraboxin.Verði ljós Morpholith eru undir áhrifum frá skynvíkkunarrokki í sínum níðþunga dómsdagshægagangi, og reisa meðlimir magnaramúr fyrir hverja tónleika. Sækadelían er einnig skammt undan hjá Slor, en hljómurinn örlítið teppalagðari og undir meiri áhrifum frá bandarísku eðju- og eyðimerkurrokki. Miða má finna á tix.is.
Tónleikar á Íslandi Tónlist Mest lesið Frægustu vinslit Íslandssögunnar Lífið Bíllinn fannst þremur vikum eftir þjófnaðinn og þá lögfræðibók með Lífið Stefán Einar og Sara Lind í sundur Lífið Elti ástina til Íslands Tónlist Bryan Adams breytti Eldborg í grátkór íslenskra karla Gagnrýni Taka ákvörðun á hverjum degi að elska hvort annað Lífið Hjartaknúsarinn tileinkaði íslenskri fyrirsætu rómantískan slagara Lífið „Gæti skrifað bókaseríu um vandræðileg stefnumót“ Makamál Tólf og þrettán ára fatahönnuðir á Akureyri slá í gegn Lífið Ósamþykkt kjallaraíbúð á rúmar 44 milljónir Lífið Fleiri fréttir Elti ástina til Íslands „Þetta er allt partur af plani hjá guði“ Eyddi unglingsárunum inni í þvottahúsi Gefa út sína fyrsta plötu síðan 2001 Þrumustuð þegar lag Barnamenningarhátíðar var frumflutt Sækir innblásturinn í rússnesku ræturnar Í skýjunum með að vera fyrstir Önnur platan komin út: Kyrrstæður heimur Kára Egils Varð að fara gubbandi í Herjólf Aldrei fór ég suður í endurbættri útgáfu Lærði að byggja sig upp og elska úr fjarlægð Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi Sjá meira