„Mest þakklátur fyrir að dóttir mín hafi sloppið“ Jón Þór Stefánsson skrifar 13. október 2023 18:46 Oddur og dóttir hans sem er 21 mánaða gömul lentu í harkalegum árekstri á mánudaginn. Aðsend Oddur Þórir Þórarinsson lenti í bílslysi á Hellisheiðinni síðastliðinn mánudag. Með honum í bílnum var dóttir hans, sem er á öðru ári. Þau hafa fundið fyrir minni háttar áverkum og segist Oddur þakklátur fyrir að ekki hafi farið verr. Hann veltir þó fyrir sér hvort stjórnvöld geti ekki gripið til aðgerða sem myndu fækka slysum sem þessum. „Maður er enn þá í sjokki að reyna að átta sig á þessu,“ segir Oddur sem fer yfir atburðarás mánudagskvöldsins. Þegar hann var að keyra Hellisheiðina segist hann hafa orðið þess áskynja að bíllinn væri ekki stöðugur á veginum. „Þannig að fljótlega eftir að ég kem á heiðina stöðva ég bílinn og velti fyrir mér hvað sé í gangi. Ég stíg út úr bílnum og átta mig þá á því að það er glær ísing á veginum,“ segir hann. „Og af því að ég var með 21 mánaða gamla dóttur í aftursætinu þá fór ég sérstaklega varlega.“ Oddur segist enn vera að jafna sig eftir áreksturinn.Aðsend Munaði nokkrum sentímetrum Oddur segist hafa keyrt á um það bil fjörutíu kílómetra hraða, sem hann hafi upplifað sem raunverulegan hámarkshraða vegna hálkunnar. Þegar hann var að keyra niður Hveradalabrekkuna varð hann var við bifreið sem ók talsvert hraðar en hann sjálfur. „Það kemur bíll aftan að okkur á ofsaferð. Ökumaður þeirrar bifreiðar augljóslega reyndi að bremsa á sléttum sumardekkjum, en hún náði því ekkert. Þau lenda aftan á okkur og við förum í tvo hringi áður en bíllinn stöðvast. Hinn bíllinn rennur líka áfram eftir að hann lendir á okkur,“ lýsir Oddur. Þegar hann komst úr bílnum segir hann að það hafi verið svo hált að hann hafi hreinlega átt erfitt með að standa á veginum. „Það munar ekki nema einhverjum sentímetrum að afturhlutinn á bílnum fari inn í aftursætið þar sem dóttir mín var,“ bætir Oddur við og vísar í myndir sem hann hefur tekið af bílnum. Líkt og sjá má er afturendi bílsins ekki langt frá barnabílstólnum.Aðsend Oddur þakkar fyrir aðstoð vegfarenda, slökkviliðs, sjúkraflutningamanna, og lögreglu sem komu á vettvang. „Dóttir mín er enn þá lítil í sér. Hún var töluvert marin og var skorin í andliti eftir glerbrot,“ segir hann og útskýrir að sem betur fer virðist hún ekki hafa hlotið neina alvarlega áverka. Sjálfur sé hann slæmur í baki og hálsi, en hundurinn þeirra, sem var í framsæti bílsins, slapp vel. „Ég er mest þakklátur fyrir að dóttir mín hafi sloppið. Ég get ekkert neitað því.“ Hægt að gera meira Oddur segir að tilfinningar líkt og reiði í garð hins bílstjórans hafi vissulega komið upp. Hann telur þó að slíkar tilfinningar gagnist manni lítið. „Það gera allir mistök í lífinu,“ segir Oddur. Hins vegar segist hann hugsi yfir reglum varðandi mál sem þessu og veltir fyrir sér hvað stjórnvöld geti gert. Þarna hafi hann verið í mikilli hálku á vegi sem er fjölfarinn, en tæknilega séð ekki mátt vera á nagladekkjum. „Það er miðað við að það megi ekki setja nagladekkin undir fyrr en eftir fyrsta nóvember. Það á augljóslega ekki við um fjallvegi á Íslandi,“ segir hann. „Það er óeðlilegt að það séu ekki gefnar ráðleggingar til fólks að setja undir vetrardekk eða nagladekk fyrr en fyrsta nóvember.“ Að mati Odds er hægt að grípa til aðgerða sem myndu auka umferðaröryggi.Aðsend Hann segir að stjórnvöld hafi undanfarið verið dugleg að loka vegum þegar það sé vont veður „Yfirvöld þurfa líka að taka af skarið og koma ráðleggingum áleiðis til fólks um til dæmis um að hámarkshraðinn sé ekki níutíu þegar skilyrðin eru slæm.“ Oddur nefnir sem dæmi að hægt væri að koma fyrir sérstökum skiltum með ráðlögðum hámarkshraða á fjölfarna vegi eins og Hellisheiðina og Reykjanesbrautina. Hægt sé að auka upplýsingagjöf til ökumanna og auka þar með umferðaröryggi til muna. „Ég tala nú ekki um þegar útlendingar eru að keyra og kunna ekkert á íslenskar aðstæður,“ segir Oddur og bætir við: „Þau eru jafnvel að sjá snjó í fyrsta skipti og fá bílaleigubíl í Keflavík og halda svo bara af stað.“ Umferðaröryggi Umferð Bílar Veður Mest lesið Reiður Trump segir Schumer að fara til helvítis Erlent Segir „erfiðara“ að náða Diddy eftir „hræðilegar yfirlýsingar“ Erlent „Við erum auðvitað mjög slegin yfir þessu slysi“ Innlent Vestmanneyingar „slógu velferðarskjaldborg“ yfir gesti Innlent Níu ára stúlka frá Þýskalandi sem lést Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Leiddi fordæmalausa bænastund á Musterishæð Erlent Fleiri fréttir Leggjast yfir hvað megi bæta í Reynisfjöru „Við erum auðvitað mjög slegin yfir þessu slysi“ Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir Sjá meira
„Maður er enn þá í sjokki að reyna að átta sig á þessu,“ segir Oddur sem fer yfir atburðarás mánudagskvöldsins. Þegar hann var að keyra Hellisheiðina segist hann hafa orðið þess áskynja að bíllinn væri ekki stöðugur á veginum. „Þannig að fljótlega eftir að ég kem á heiðina stöðva ég bílinn og velti fyrir mér hvað sé í gangi. Ég stíg út úr bílnum og átta mig þá á því að það er glær ísing á veginum,“ segir hann. „Og af því að ég var með 21 mánaða gamla dóttur í aftursætinu þá fór ég sérstaklega varlega.“ Oddur segist enn vera að jafna sig eftir áreksturinn.Aðsend Munaði nokkrum sentímetrum Oddur segist hafa keyrt á um það bil fjörutíu kílómetra hraða, sem hann hafi upplifað sem raunverulegan hámarkshraða vegna hálkunnar. Þegar hann var að keyra niður Hveradalabrekkuna varð hann var við bifreið sem ók talsvert hraðar en hann sjálfur. „Það kemur bíll aftan að okkur á ofsaferð. Ökumaður þeirrar bifreiðar augljóslega reyndi að bremsa á sléttum sumardekkjum, en hún náði því ekkert. Þau lenda aftan á okkur og við förum í tvo hringi áður en bíllinn stöðvast. Hinn bíllinn rennur líka áfram eftir að hann lendir á okkur,“ lýsir Oddur. Þegar hann komst úr bílnum segir hann að það hafi verið svo hált að hann hafi hreinlega átt erfitt með að standa á veginum. „Það munar ekki nema einhverjum sentímetrum að afturhlutinn á bílnum fari inn í aftursætið þar sem dóttir mín var,“ bætir Oddur við og vísar í myndir sem hann hefur tekið af bílnum. Líkt og sjá má er afturendi bílsins ekki langt frá barnabílstólnum.Aðsend Oddur þakkar fyrir aðstoð vegfarenda, slökkviliðs, sjúkraflutningamanna, og lögreglu sem komu á vettvang. „Dóttir mín er enn þá lítil í sér. Hún var töluvert marin og var skorin í andliti eftir glerbrot,“ segir hann og útskýrir að sem betur fer virðist hún ekki hafa hlotið neina alvarlega áverka. Sjálfur sé hann slæmur í baki og hálsi, en hundurinn þeirra, sem var í framsæti bílsins, slapp vel. „Ég er mest þakklátur fyrir að dóttir mín hafi sloppið. Ég get ekkert neitað því.“ Hægt að gera meira Oddur segir að tilfinningar líkt og reiði í garð hins bílstjórans hafi vissulega komið upp. Hann telur þó að slíkar tilfinningar gagnist manni lítið. „Það gera allir mistök í lífinu,“ segir Oddur. Hins vegar segist hann hugsi yfir reglum varðandi mál sem þessu og veltir fyrir sér hvað stjórnvöld geti gert. Þarna hafi hann verið í mikilli hálku á vegi sem er fjölfarinn, en tæknilega séð ekki mátt vera á nagladekkjum. „Það er miðað við að það megi ekki setja nagladekkin undir fyrr en eftir fyrsta nóvember. Það á augljóslega ekki við um fjallvegi á Íslandi,“ segir hann. „Það er óeðlilegt að það séu ekki gefnar ráðleggingar til fólks að setja undir vetrardekk eða nagladekk fyrr en fyrsta nóvember.“ Að mati Odds er hægt að grípa til aðgerða sem myndu auka umferðaröryggi.Aðsend Hann segir að stjórnvöld hafi undanfarið verið dugleg að loka vegum þegar það sé vont veður „Yfirvöld þurfa líka að taka af skarið og koma ráðleggingum áleiðis til fólks um til dæmis um að hámarkshraðinn sé ekki níutíu þegar skilyrðin eru slæm.“ Oddur nefnir sem dæmi að hægt væri að koma fyrir sérstökum skiltum með ráðlögðum hámarkshraða á fjölfarna vegi eins og Hellisheiðina og Reykjanesbrautina. Hægt sé að auka upplýsingagjöf til ökumanna og auka þar með umferðaröryggi til muna. „Ég tala nú ekki um þegar útlendingar eru að keyra og kunna ekkert á íslenskar aðstæður,“ segir Oddur og bætir við: „Þau eru jafnvel að sjá snjó í fyrsta skipti og fá bílaleigubíl í Keflavík og halda svo bara af stað.“
Umferðaröryggi Umferð Bílar Veður Mest lesið Reiður Trump segir Schumer að fara til helvítis Erlent Segir „erfiðara“ að náða Diddy eftir „hræðilegar yfirlýsingar“ Erlent „Við erum auðvitað mjög slegin yfir þessu slysi“ Innlent Vestmanneyingar „slógu velferðarskjaldborg“ yfir gesti Innlent Níu ára stúlka frá Þýskalandi sem lést Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Leiddi fordæmalausa bænastund á Musterishæð Erlent Fleiri fréttir Leggjast yfir hvað megi bæta í Reynisfjöru „Við erum auðvitað mjög slegin yfir þessu slysi“ Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir Sjá meira