Leikur flautaður af vegna lífshættulegra meiðsla

Engar frekari upplýsingar liggja fyrir á þessari stundu en ljóst er að meiðslin hafa verið alvarleg. Hlé var lengi gert á leiknum áður en dómarinn tók þá ákvörðun í samráði við liðin að leikurinn yrði flautaður af. 

Atvikið átti sér stað þegar framherji Ajax, Brian Brobbey og markvörður RKC, Etienne Vaassenn skullu saman í kapphlaupi að boltanum. Markvörðurinn fékk slæmt högg á sig og óttast er að hann sé hálsbrotinn. 

Leikmenn voru með tárin í augum þegar hann fékk aðhlynningu og var á endanum borinn af velli. 

Staðan var 3-2 fyrir Ajax og aðeins örfáar mínútur eftir, ákvörðun verður væntanlega tekin eftir helgi um framhaldið en líklegast þykir að leikurinn verði endurtekinn frá byrjun.