Andri Fannar: Fannst ég skulda liðinu þetta

„Það er gríðarlega ljúft að ná að landa þessum sigri og tilfinningin var geggjuð þegar ég sá boltann í netinu. Ég fann það strax að ég hafði hitt boltann vel og var viss um að hann myndi lenda í netinu. Þetta var alveg frábært,“ sagði Andri Fannar Baldursson, hetja íslenska liðsins. 

„Mér fannst ég skulda liðinu aðeins eftir að hafa átt nokkur slök horn og föst leikatriði. Það var gott að geta lagt sitt að mökrum og ánægjulegast er auðvitað bara að hafa landað þessum sigri sem við unnum vel fyrir,“ sagði hann auðmjúkur.

„Við vorum þéttir til baka og gáfum fá færi á okkur í þessum leik. Við getum svo sem alveg gert betur en það er öflugt að byrja undankeppnina á þremur stigum,“ sagði Andri Fannar.