Fótbolti

Mbappé á skotskónum í stórsigri PSG

Siggeir Ævarsson skrifar
Mbappé skoraði tvö í kvöld.
Mbappé skoraði tvö í kvöld. Ibrahim Ezzat/Getty Images

Eftir að hafa byrjað tímabilið utan hóps hefur Kylian Mbappé heldur betur reimað á sig markaskóna með PSG en hann skoraði tvö mörk í öruggum sigri liðsins á botnliði Lyon í kvöld.

PSG sóttu Lyon heim í 4. umferð frönsku úrvalsdeildarinnar í kvöld og Mbappé kom sínum mönnum yfir strax á 4. mínútu með marki úr vítaspyrnu. Mörk PSG komu svo nánast á færibandi en Mbappé var svo aftur á ferðinni í uppbótartíma fyrri hálfleiks og kom gestunum í 0-4.

Fleiri urðu mörk PSG ekki en Corentin Tolisso náði að klóra aðeins í bakkann fyrir Lyon með marki úr vítaspyrnu á 74. mínútu.

Mbappé hefur þá skorað fimm mörk í þremur leikjum og er markahæstur í deildinni.

Fótbolti Franski boltinn

Mest lesið


Fleiri fréttir

Sjá meira


×

Mest lesið