Fékk af­mælis­gjöf sem kostar milljónir

Um er að ræða bleika Birkin tösku frá franska tískuhúsinu Hermès. Samkvæmt Metro kostar taskan um það bil tuttugu þúsund dollara, sem samsvarar um 2,7 milljónum í íslenskum krónum.

Cardi B birti í gær færslu á samfélagsmiðlinum Instagram þar sem hún óskar dóttur sinni til hamingju með afmælið. „Það er fallegt að sjá stelpuna mína vaxa en á sama tíma gerir það mig smá leiða að barnið mitt er ekki litla barnið mitt lengur,“ skrifar hún.

Það hefur þó ýmislegt gengið á í ástarsambandi rapparana Cardi B og Offset að undanförnu. Fyrir um tveimur vikum síðan ásakaði Offset eiginkonu sína um að hafa haldið framhjá sér. 

Cardi B var allt annað en sátt með ásökun eiginmannsins. Hún skellti sér í beint streymi á samfélagsmiðlinum Twitter þar sem hún sagði að ef hún myndi vilja halda framhjá eiginmanni sínum þá væri það nánast ómögulegt, hún sé svo fræg.

Þau virðast þó hafa náð að sættast því í síðustu viku sáust þau mæta saman á tískusýningu. Þá héldu þau saman upp á afmæli Kulture í gær.