Tíska og hönnun

Ferðast um heiminn eins og al­vöru Bar­bie dúkka

Dóra Júlía Agnarsdóttir skrifar
Margot Robbie var glæsileg í Moshino dragt á blaðamannafundi í Seoul í tengslum við Barbie myndina.
Margot Robbie var glæsileg í Moshino dragt á blaðamannafundi í Seoul í tengslum við Barbie myndina. Han Myung-Gu/WireImage

Ástralska leikkonan, framleiðandinn og bomban Margot Robbie fer með hlutverk sögulegu dúkkunnar Barbie í samnefndri mynd. Handrit og leikstjórn þessarar nýstárlegu útgáfu af sögu Barbie er í höndum Gretu Gerwick og kemur hún út hérlendis 19. júlí. Robbie hefur nú verið á ferðalagi um heiminn að kynna kvikmyndina og virðist taka hlutverkinu alvarlega í raunheimum, þar sem hún klæðist oftar en ekki bleikum fötum frá fínustu tískuhúsum heimsins.

Barbie dúkkan var fyrst kynnt til sögunnar árið 1959 og má segja að fatnaður dúkkunnar hafi spilað veigamikið hlutverk í vinsældum hennar, þar sem áhugasamir gátu safnað í fjölbreyttan fataskáp fyrir hana. Við kynningarferðalag kvikmyndarinnar hefur Robbie ekki gefið neitt eftir í fatavalinu og hafa aðdáendur leikkonunnar lofað hana fyrir það á veraldarvefnum.

Hér má sjá myndir af glæsilegu Barbie fatavali Robbie:

Moschino Barbie

Margot Robbie í bleikri pilsadragt með tösku í stíl úr Vintage línu tískuhússins Moschino frá árinu 2015. Bleiku skórnir hennar eru frá skómerkinu Manolo Blahnik sem eru hvað þekktast úr þáttunum Sex and The City en aðalpersónan, Carrie Bradshaw, elskaði Manolo Blahnik. Han Myung-Gu/WireImage

Versace Barbie

Margot Robbie skínandi í Versace kjól með steinaða tösku í stíl, á forsýningunni í Seoul, Kóreu. Innblásturinn fyrir kjólnum kemur frá kjól sem var hannaður fyrir Barbie sjálfa. Það er alvöru! Han Myung-Gu/WireImage

Margot Robbie í Seoul klædd í pilsadragt frá Versace sem dregur einnig innblástur frá fataskápi Barbiedúkkunnar með bleika Versace tösku. Hatturinn og skórnir passa vel við í hvítum og bleikum lit og bleiki glimmer síminn er skemmtileg viðbót. Han Myung-Gu/WireImage

Margot mætti í Barbie fögnuð í Sydney klædd í kampavínsbleikan Vintage Versace kjól sem mætti sannarlega segja að væri alvöru partý kjóll. Don Arnold/WireImage

Versace tískuhúsið nýtur mikilla vinsælda hjá Robbie. Hér er hún klædd í bleikt pils og bleika peysu frá tískulínu hússins sem kom út árið 1994.James Gourley/Getty Images

Valentino Barbie

Halló Los Angeles! Margot Robbie klæddist bleikum Valentino kjól með hvítum doppum á Barbie kynningu á For Seasons lúxushótelinu í Los Angeles, Kaliforníu. Bleiki bíllinn passar heldur betur vel við kjólinn. Jon Kopaloff/Getty Images

Prada Barbie

Góðan daginn Las Vegas! Margot Robbie klæðist hér sumarlegum bleikum og hvítum köflóttum klæðnaði frá Prada í hælum frá Christian Louboutin.Gabe Ginsberg/Getty Images

Bleik prada bomba! Bleikur jakki og bleik taska í stíl. MEGA/GC Images

Bottega Barbie

Tíska og hönnun Bíó og sjónvarp

Tengdar fréttir

Banna Bar­bie vegna landa­korts

Kvikmyndin Barbie verður ekki sýnd í Víetnam sökum landakorts sem kemur fyrir í myndinni. Um er að ræða kort sem sýnir landamæri í Suður-Kínahafi. Á kortinu er Kína með yfirráð yfir hafsvæði sem Víetnam og fleiri þjóðir gera tilkall til.

Fer frá Barbie til Narníu

Netflix ætlar að koma fantasíunni Narníu aftur á stóra skjáinn og hefur leikstjórinn Greta Gerwig gert tveggja mynda samning við streymisveiturisann. Hún er nýbúin að leikstýra Barbie sem kemur út seinna í mánuðinum.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.