Arna Ýr Jónsdóttir fegurðardrottning og Vignir Þór Bollason kírópraktor gengu í það heilaga síðastliðinn laugardag. Ragga Hólm, rappari, upplifði æskudrauminn þegar hún sá poppgoðsögnina Beyoncé á sviði í Varsjá í Póllandi. Þá fór tónlistarmaðurinn Bubbi Morthens í veiði með syni sínum í Laxá í Aðaldal.
Gefst aldrei upp
Athafnakonan Camilla Rut Rúnarsdóttir tók þátt í herferð ljósmyndarans Kára Sverrissonar, Listin að vera ég.
„Kjarkurinn og drifkrafturinn er ofurkrafturinn minn. Staðfestan á því að aldrei gefast upp, snúa raunum upp í sigra og nýta örin til þess að lyfta sjálfri mér og öðrum upp.
Það sem gerir mig hamingjusama eru morgunkossar frá öllum strákunum mínum, góð tónlist, sjá hugmyndirnar mínar verða að veruleika, elska og vera elskuð á sama tíma,“ skrifar Camilla við mynd af sér.
Brúðkaupsafmæli á fótboltamóti
Tónlistarmaðurinn Jón Jónsson og eiginkona hans, Hafdís Jónsdóttir, fögnuðu sex ára brúðkaupsafmæli sínu á Orkumótinu í Vestmannaeyjum um helgina, þar sem elsti sonur þeirra var að spila með Gróttu.
Fegurðardrottning gift kona
Arna Ýr Jónsdóttir fegurðardrottning og Vignir Þór Bollason kírópraktor gengu í heilagt hjónaband um helgina. Athöfnin var haldin í Háteigskirkju í Reykjavík þar sem séra Guðni Már Harðarson gaf þau saman.
Að athöfn lokinni var haldið í glæsilega skreyttan sal á veitingastað Sjálands í Garðabæ þar sem ástinni var fagnað langt fram eftir kvöldi undir veislustjórn Evu Ruzu Miljevic.
Eftir veisluna birti Eva mynd af sjálfri sér í hringrásinni (e. story) á Instagram með textanum, heitasti rassinn er loksins kominn í mjög langþráð sumarfrí.
Fyrrverandi fegurðardrottningar
Manúela Ósk Harðardóttir, fyrrverandi Ungfrú Íslands og framkvæmdastjóri fegurðarsamkeppninnar Miss Universe Iceland/Ungfrú Ísland fagnaði hjónunum um helgina.
Tanja Ýr Ástþórsdóttir, athafnakona og Ungfrú Íslands 2013, var meðal gesta og mætti í glæsilegum bleikum kjól.🫶🏻
Feðgar í Laxveiði
Tónlistarmaðurinn Bubbi Morthens og sonur hans, Brynjar Úlfur Morthens, fóru í laxveiði í Laxá í Aðaldal þar sá síðarnefndi veiddi sinn fyrsta lax í umræddri á.
Pottapartý á Ítalíu
Kristín Pétursdóttir, áhrifavaldur og flugfreyja, er stödd í fríi með fjölskyldunni á Ítalíu þar sem hún slakaði á í heitum potti með drykk við hönd.
Hafmeyjudagur og sesarsalat
Sunneva Einars, áhrifavaldur og raunveruleikastjarna ,virðist hafa átt ljúfan sólardag við rönsku rívíeruna í vikunni. Sunneva er stödd í Frakklandi með kærastanum Benedikt Bjarnasyni ásamt vinahópi þeirra.
Bestu vinkonur í sólinni
Áhrifavaldurinn Pattra Sryanonge naut íslensku veðurblíðunnar með vinkonu sinni og börnum um helgina.
Gaf tónleikunum tíu í einkunn
Rapparinn og plötusnúðurinn Ragga Hólm lét æskudrauminn rætast þegar hún sá bandarísku poppdrottninguna Beyoncé með berum augum á tónleikum höfuðborg Póllands, Varsjá.
Ítalía betri fyrir utan spillingu
Edda Falak baráttukona er ánægð með lífið á Ítalíu þar sem hún er stödd í fríi með kærastanum og glímukappanum Kristjáni Helga Hafliðasyni.
Ráðherra í Ásbyrgi
Bjarni Benediktsson, formaður Sjálfstæðisflokksins og ráðherra, naut veðurblíðunnnar í Ásbyrgi með eiginkonu sinni, Þóru Margréti Baldvinsdóttur um helgina.
Pálmatré og blúnduföt
Tískudrottningin Elísabet Gunnars er mætt til Valencia á Spáni og birti mynd af sér í smörtu, hvítu blúndudressi með yngstu dóttur sinni og með kaffibolla í hönd.
Töff í bleiku
Kírópraktorinn Gummi kíró klæddist smart bleikum buxum á góðum sumardegi í vikunni. Óhætt er að segja að Gummi sé með puttann á púlsinum hvað varðar nýjustu tísku.
Gummi Kíró leggur línurnar fyrir sumartískuna í ár
Þakklátur viðtökunum
Tónlistarmaðurinn Júlí Heiðar Halldórsson þakkar viðtökurnar á nýrri og ritskoðaðri útgáfu af laginu Blautt dansgólf sem kom út á dögunum.
Flottir feðgar
Tónlistarmaðurinn Aron Can Gultekin birti fallega feðgamynd.
Brúðkaupsgleði
Diljá Mist Einarsdóttir, þingmaður Sjálfstæðisflokksins, skemmti sér í brúðkaupi með vinkonum sínum um helgina.
Ítalskur draumur
Dansarinn og raunveruleikastjarnan Ástrós Traustadóttir er komin heim úr fríu á Ítalíu og segist langa aftur. Af myndum að dæma var ferðin draumi líkust.
Súkkulaðistrákur í sólinni
Tónlistarmaðurinn Patrik Atlason, eða Prettyboitjokkó, varði síðastliðinni viku á grísku draumaeyjunni Mykonos með kærustunni Friðþóru Sigurjónsdóttur, líkt og Vísir greindi ítarlega frá á dögunum.
Dóra Dúna og Guðlaug nefndu stúlkuna
Ljósmyndarinn Dóra Dúna Sighvatsdóttir og Guðlaug Björnsdóttir, markaðsstjóri Viss, nefndu yngstu dótturina um helgina. Stúlkan fékk nafnið Ragnhildur Sesselja Guðlaugardóttir. Hún er fyrsta barn þeirra saman en fyrir á Guðlaug þrjú börn.
Danskt sumarfrí
Erna Hrund Hermannsdóttir, förðunarfræðingur og vörumerkjastjóri, og kærastinn hennar, Jón Kristófer Sturluson, eru stödd í Danmörku í sumarfríi með börnum sínum, nánar tiltekið í Marielyst.
