Bíræfnir blómaþjófar í bænum Magnús Jochum Pálsson skrifar 26. júní 2023 12:13 Fólkið sem gekk fram hjá forsetanum um þrjúleytið sá sér leik á borði og ákvað að kippa með sé blómapotti. Aðsent Fjölda blómapotta í Miðborginni hefur verið stolið á undanförnum vikum. Bæði íbúar og veitingastaður hafa lent í því að blómapottar hverfi. Hvort um er að ræða markvissan þjófnað eða handahófskennd fíflalæti er ekki víst. Undanfarnar tvær vikur hefur þrisvar sinnum birst færsla á íbúahóp Miðborgar á Facebook um að blómapottum hafi verið stolið. Í ummælum við færslurnar kannast enn fleiri við að hafa lent í blómastuldi og reyndar líka stuldi á enn fleiri hlutum. Þá vekur sérstaka athygli hve oft hortensíum var stolið en þær kosta á bilinu 3.500 til átta þúsund krónur í blómabúðum. Kipptu monsteru með sér Á fimmtudaginn deildi veitingastaðurinn ForsetinnCafé myndum úr eftirlitsmyndavélum af fólki sem gekk fram hjá staðnum um miðja nótt og tóku með sér monsteru í potti. Við færsluna stóð „Þurfum við virkilega að tæma útisvæðið okkar vegna svona vitleysinga. Erum að reyna að lífga upp á miðbæinn. Er ekki á vegum borgarinnar!“ Daginn eftir deildu forsvarsmenn færslunni og óskuðu eftir upplýsingum um þjófana. Hér fyrir neðan má sjá myndir af fólkinu fyrir og eftir stuldinn (ef maður rennir strikinu til hliðar). Vísir ræddi við Soffíu Böðvarsdóttur, eiganda ForsetansCafé, sem sagði þetta vera annað skiptið sem blómapottar eru fjarlægðir fyrir utan staðinn. „Í fyrra skiptið var farið klukkan hálf þrjú um nótt og einn pottur tekinn og settur í stigaganginn á næsta veitingastað. Það var nágranni okkar sem sagði að blómið væri þar. Við gátum þá tekið það til baka,“ sagði Soffía. „Svo kom þetta fólk og ákvað að taka báða pottana,“ sagði hún og bætti við „fólk er labbandi um bæinn eftir djammið og finnst þetta eitthvað voða sniðugt. Ég skil það þannig.“ Lítil verðmæti en kostar tíma og vinnu Soffía segir að þó um sé að ræða lítil verðmæti þá kosti það tíma, vinnu og pening að standa í því að fegra umhverfi sitt og það sé leiðinlegt að fólk geti ekki látið hlutina í friði. „Ég er búin að kaupa tvo blómapotta og allt skiptir nú máli í rekstri þó fólk átti sig kannski ekki á því. Maður er búinn að hafa fyrir því að kaupa þetta og setja þarna út til að fegra umhverfið á okkar stutta sumri hérna heima og manni finnst leiðinlegt að þetta skuli vera í gangi,“ segir Soffía. Búið er að má burt andlit þjófanna að beiðni eiganda ForsetansCafé. Einn þeirra heldur á monsteru en að sögn Soffíu tóku þau tvo potta.Aðsent „Ég sá á viðbrögðunum hjá mér að þetta er ekki bara hjá okkur. Þetta er eitthvað sem virðist vera mjög algengt hérna niðri í bæ, að eyðileggja fyrir fólki,“ segir hún. En við færsluna skrifaði kona nokkur að hún hefði lent í því daginn áður að blómapotti hefði verið stolið fyrir utan húsið hennar um miðjan dag. „Svo finnst manni mjög leiðinlegt að fólk skuli hugsa svona og geti ekki látið hlutina í friði,“ segir Soffía. Þið hafið ekkert heyrt meira um blómaþjófana eftir að þið greinduð frá þessu? „Það kemur bara í ljós. Við ætlum bara að halda því fyrir okkur og þá mundum við kannski bara tala við viðkomandi ef þetta er einhver sem fólk kannast við úr nærumhverfinu,“ sagði Soffía. Hortensíur hverfa sporlaust Forsvarsmenn ForsetansCafé eru þó ekki þeir einu sem hafa lent í því að blómapottum er hnuplað. Hannes Björnsson, íbúi í Miðbænum, greindi frá því í færslu á hópnum 21. júní að tvær hortensíur hefðu horfið fyrir utan Bergstaðastræti 14 á milli hálf sex og hálf sjö á miðvikudag. Þær hafi kostað sitt í Gróðrastöðinni Mörk og upplýsingar væru vel þegnar. Við færsluna skrifar Guðbjörg Lilja Pétursdóttir „Ég lenti í þessu er á Skólavörðustíg, er löngu hætt að gera fínt við gangstéttina fékk aldrei frið með blómin.“ Myndir frá því fyrir og eftir að hortensíum var stolið fyrir framan inngang á Bergstaðastræti 14,Facebook/Skjáskot Sunnudaginn 18. júní birti Hanna G. Sigurðardóttir, fyrrverandi útvarpskona, einnig færslu um hortensíuhvarf. „Það var dapurlegt að koma út um fjögurleytið í dag og sjá að búið var að fjarlægja fallegu hortensíuna sem komið var fyrir í potti fyrir utan húsið okkar að Óðinsgötu 6 aðeins nokkrum dögum áður. Þarna virðist hafa verið einbeittur brotavilji því þetta lítur út eins og notuð hafi verið skófla,“ skrifaði Hanna í færslunni. Þá óskaði hún eftir upplýsingum um stuldinn og hvort fólk hafi séð til hortensíunnar eða þjófsins. Hortensía horfin. Við færslu Hönnu skrifaði Erik Hirt að fyrir nokkrum árum hafi maður keyrt um á pickup-bíl og stolið sumarblómum og nýgróðursettum trjám, meðal annars kirsuberjaréi. Erik segist ekki muna hvort sá aðili náðist en það gæti verið „eitthvað svipað í gangi núna“. Hann bætti við að hortensíur væru ekki ódýrar, kostuðu á bilinu fjögur til sjö þúsund krónur. Það virðist þó ekki bara vera að blómapottar hverfi í Miðborginni heldur birtast þeir einnig fyrirvaralaust. Arnheiður Bjarnadóttir birti mynd í íbúahópinn af stjúpum í blómapotti og skrifar við hana „Er einhver sem saknar blómapotts?“ Í pottinum sem birtist fyrirvaralaust voru gular og fjólubláar stjúpur.Facebook/Skjáskot Reykjavík Blóm Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Mamma bara María þegar mæðgurnar eru saman á vakt Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Önnur vopnageymsla í ljósum logum í Rússlandi Erlent Ekkert sem bendir til þess að sakborningum fjölgi Innlent „Spurðu svo fyrirtækið þitt af hverju það leggur fé í heimsendakölt“ Innlent Hvers vegna að fella ísbirni? Innlent Maður margra storma íhugar stöðu sína Innlent Drengnum hafi ekki verið trúað í fyrstu Innlent Fleiri fréttir „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sjá meira
Undanfarnar tvær vikur hefur þrisvar sinnum birst færsla á íbúahóp Miðborgar á Facebook um að blómapottum hafi verið stolið. Í ummælum við færslurnar kannast enn fleiri við að hafa lent í blómastuldi og reyndar líka stuldi á enn fleiri hlutum. Þá vekur sérstaka athygli hve oft hortensíum var stolið en þær kosta á bilinu 3.500 til átta þúsund krónur í blómabúðum. Kipptu monsteru með sér Á fimmtudaginn deildi veitingastaðurinn ForsetinnCafé myndum úr eftirlitsmyndavélum af fólki sem gekk fram hjá staðnum um miðja nótt og tóku með sér monsteru í potti. Við færsluna stóð „Þurfum við virkilega að tæma útisvæðið okkar vegna svona vitleysinga. Erum að reyna að lífga upp á miðbæinn. Er ekki á vegum borgarinnar!“ Daginn eftir deildu forsvarsmenn færslunni og óskuðu eftir upplýsingum um þjófana. Hér fyrir neðan má sjá myndir af fólkinu fyrir og eftir stuldinn (ef maður rennir strikinu til hliðar). Vísir ræddi við Soffíu Böðvarsdóttur, eiganda ForsetansCafé, sem sagði þetta vera annað skiptið sem blómapottar eru fjarlægðir fyrir utan staðinn. „Í fyrra skiptið var farið klukkan hálf þrjú um nótt og einn pottur tekinn og settur í stigaganginn á næsta veitingastað. Það var nágranni okkar sem sagði að blómið væri þar. Við gátum þá tekið það til baka,“ sagði Soffía. „Svo kom þetta fólk og ákvað að taka báða pottana,“ sagði hún og bætti við „fólk er labbandi um bæinn eftir djammið og finnst þetta eitthvað voða sniðugt. Ég skil það þannig.“ Lítil verðmæti en kostar tíma og vinnu Soffía segir að þó um sé að ræða lítil verðmæti þá kosti það tíma, vinnu og pening að standa í því að fegra umhverfi sitt og það sé leiðinlegt að fólk geti ekki látið hlutina í friði. „Ég er búin að kaupa tvo blómapotta og allt skiptir nú máli í rekstri þó fólk átti sig kannski ekki á því. Maður er búinn að hafa fyrir því að kaupa þetta og setja þarna út til að fegra umhverfið á okkar stutta sumri hérna heima og manni finnst leiðinlegt að þetta skuli vera í gangi,“ segir Soffía. Búið er að má burt andlit þjófanna að beiðni eiganda ForsetansCafé. Einn þeirra heldur á monsteru en að sögn Soffíu tóku þau tvo potta.Aðsent „Ég sá á viðbrögðunum hjá mér að þetta er ekki bara hjá okkur. Þetta er eitthvað sem virðist vera mjög algengt hérna niðri í bæ, að eyðileggja fyrir fólki,“ segir hún. En við færsluna skrifaði kona nokkur að hún hefði lent í því daginn áður að blómapotti hefði verið stolið fyrir utan húsið hennar um miðjan dag. „Svo finnst manni mjög leiðinlegt að fólk skuli hugsa svona og geti ekki látið hlutina í friði,“ segir Soffía. Þið hafið ekkert heyrt meira um blómaþjófana eftir að þið greinduð frá þessu? „Það kemur bara í ljós. Við ætlum bara að halda því fyrir okkur og þá mundum við kannski bara tala við viðkomandi ef þetta er einhver sem fólk kannast við úr nærumhverfinu,“ sagði Soffía. Hortensíur hverfa sporlaust Forsvarsmenn ForsetansCafé eru þó ekki þeir einu sem hafa lent í því að blómapottum er hnuplað. Hannes Björnsson, íbúi í Miðbænum, greindi frá því í færslu á hópnum 21. júní að tvær hortensíur hefðu horfið fyrir utan Bergstaðastræti 14 á milli hálf sex og hálf sjö á miðvikudag. Þær hafi kostað sitt í Gróðrastöðinni Mörk og upplýsingar væru vel þegnar. Við færsluna skrifar Guðbjörg Lilja Pétursdóttir „Ég lenti í þessu er á Skólavörðustíg, er löngu hætt að gera fínt við gangstéttina fékk aldrei frið með blómin.“ Myndir frá því fyrir og eftir að hortensíum var stolið fyrir framan inngang á Bergstaðastræti 14,Facebook/Skjáskot Sunnudaginn 18. júní birti Hanna G. Sigurðardóttir, fyrrverandi útvarpskona, einnig færslu um hortensíuhvarf. „Það var dapurlegt að koma út um fjögurleytið í dag og sjá að búið var að fjarlægja fallegu hortensíuna sem komið var fyrir í potti fyrir utan húsið okkar að Óðinsgötu 6 aðeins nokkrum dögum áður. Þarna virðist hafa verið einbeittur brotavilji því þetta lítur út eins og notuð hafi verið skófla,“ skrifaði Hanna í færslunni. Þá óskaði hún eftir upplýsingum um stuldinn og hvort fólk hafi séð til hortensíunnar eða þjófsins. Hortensía horfin. Við færslu Hönnu skrifaði Erik Hirt að fyrir nokkrum árum hafi maður keyrt um á pickup-bíl og stolið sumarblómum og nýgróðursettum trjám, meðal annars kirsuberjaréi. Erik segist ekki muna hvort sá aðili náðist en það gæti verið „eitthvað svipað í gangi núna“. Hann bætti við að hortensíur væru ekki ódýrar, kostuðu á bilinu fjögur til sjö þúsund krónur. Það virðist þó ekki bara vera að blómapottar hverfi í Miðborginni heldur birtast þeir einnig fyrirvaralaust. Arnheiður Bjarnadóttir birti mynd í íbúahópinn af stjúpum í blómapotti og skrifar við hana „Er einhver sem saknar blómapotts?“ Í pottinum sem birtist fyrirvaralaust voru gular og fjólubláar stjúpur.Facebook/Skjáskot
Reykjavík Blóm Mest lesið Fjölskylda flugmanns Icelandair vill að lögregla rannsaki andlát hans Innlent Telur fleiri falla á nýju bílprófi Innlent Mamma bara María þegar mæðgurnar eru saman á vakt Innlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Önnur vopnageymsla í ljósum logum í Rússlandi Erlent Ekkert sem bendir til þess að sakborningum fjölgi Innlent „Spurðu svo fyrirtækið þitt af hverju það leggur fé í heimsendakölt“ Innlent Hvers vegna að fella ísbirni? Innlent Maður margra storma íhugar stöðu sína Innlent Drengnum hafi ekki verið trúað í fyrstu Innlent Fleiri fréttir „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sjá meira
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent