Hættir að grípa bolta í von um að grípa ástina

Hinn 22 ára gamli Van-der-Sluis kemur frá Wales en samdi við Shelbourne á síðasta ári. Hann bað félagið um að rifta samningi sínum til að taka þátt í hinum gríðarvinsælu þáttum og varð félagið við bón hans.

„Mér krossbrá þegar Scott ákvað frekar að fara í glæsihýsi á Mallorca með fullt af einhleypum kvenmönnum frekar en að vera hér með mér, starfsliðinu og leikmönnum Shelbourne,“ sagði þjálfari liðsins, Damien Duff, kíminn á vef félagsins.

Markvörðurinn þakkar að sama skapi Shelbourne fyrir allt sem félagið hefur gert fyrir hann. Hann segir félagið vera á réttri leið og hann muni styðja það sem stuðningsmaður þegar hann yfirgefur glæsihúsið á Mallorca.