Hag­stæð lang­tíma­leiga hjá Brim­borg á nýjum raf­bílum

„Rétti tíminn til að taka rafbíl á langtímaleigu er akkúrat núna,“ segir Anton Smári Rúnarsson, framkvæmdastjóri Bílaleigusviðs Brimborgar. „Mörgum finnst þetta frábær kostur, frekar en að kaupa bíl enda þarf ekki háa útborgun til að taka rafbíl í langtímaleigu.“

Hann segir ótrúlega marga aðra kosti við að leigja bíl í stað þess að kaup hann. „Sé bíll leigður þarf til dæmis ekki að eiga og geyma dekk, ekki þarf að hafa áhyggjur af viðgerð ef bíllinn bilar auk þess sem fólk sleppur við að hugsa út í tryggingar, borga bifreiðagjöld, sjá um dekkjaskipti og ýmislegt þessu tengt. Þú sleppur því við allt vesenið sem fylgir því að kaupa, selja, gera við og reka bílinn. Fólk er farið að verðmeta tíma sinn betur og spáir meira í hvað það er að eyða orkunni í á hverjum degi.”

Enginn eldsneytiskostnaður

Hann segir margt fólk einnig farið að átta sig á því að þegar það tekur rafbíl á langtímaleigu er heldur enginn eldsneytiskostnaður þannig að mánaðarleg greiðsla er mjög stöðug. „Ódýrasti rafbíllinn kostar 89.900 kr. á mánuði í langtímaleigu og kostnaðurinn við raforkuna er lítill fyrir utan að keyrt er á endurnýjanlegri íslenskri orku.“

Nú orðið er hægt að hlaða rafbíla mjög víða og stöðugt fjölgar hleðslustöðum. „Rafbílar eru svo snöggir að hlaðast í hraðhleðslu að fólk setur það ekki lengur fyrir sig að geta ekki hlaðið heima hjá sér. Auk þess er hægt að tryggja sig enn frekar fyrir óvæntum útgjöldum í langtímaleigu ef það skyldi koma til tjóns á bíl því við bjóðum upp á víðtækar tryggingar með engri sjálfsábyrgð.“

Hann bendir líka sérstaklega á að Brimborg tekur bíla upp í langtímaleigu svo fólk getur líka sloppið við umstangið við að selja gamla bílinn. „Það eru mjög margir sem nýta sér það. Þá er ekki um að ræða lækkun á langtímaleiguverðinu heldur staðgreiðum við hreinlega gamla bílinn á uppítökuverði.“

Algjör bylting hjá fyrirtækjum

Fyrirtæki er líka í auknum mæli að skipta út sínum bílaflota yfir í rafbíla. „Við sjáum fyrir okkur algjöra byltingu hjá fyrirtækjum í rafbílavæðingu þessi misserin. Íslensk fyrirtæki hafa keypt 113,5% fleiri rafsendibíla á árinu en á sama tíma og í fyrra og við hjá Brimborg erum með 62% hlutdeild á þeim markaði. Þegar fyrirtækjaeigendur skoða muninn á rekstrarkostnaði rafsendibíla miðað við aðra, svo ekki sé minnst á þægindin fyrir bílstjórann í formi hljóðlátara vinnuumhverfis með minni titringi, eru þau fljót að skipta.“

Það eru auðvitað ekki allir sem vilja leigja bíl segir Anton. „Þau sem vilja frekar kaupa geta skoðað bæði kaupverð og langtímaleiguverð á einum og sama staðnum, í vefsýningarsal nýrra bíla. Nú er einnig hægt að sjá notaða langtímaleigubíla sem eru í boði bæði í vefsýningarsal notaðra bíla og inni á langtimaleigaabil.is. Þannig að við erum klárlega með eitthvað fyrir alla.“