Ætlaði á hlaupaæfingu en hætti við og varð Íslandsmeistari og setti Íslandsmet Ingvi Þór Sæmundsson skrifar 29. mars 2023 08:01 Andreu Kolbeinsdóttur er ýmislegt til lista lagt. vísir/egill Laugardagurinn tók nokkuð óvænta stefnu hjá íþróttakonunni fjölhæfu, Andreu Kolbeinsdóttur. Hún ætlaði að skella sér á hlaupaæfingu en endaði á því að verða Íslandsmeistari í skíðagöngu og slá 29 ára gamalt Íslandsmet í fimm þúsund metra hlaupi innanhúss. Andrea leggur aðallega áherslu á utanvegahlaup en er býsna fjölhæf eins og hún sýndi um helgina. Hún vann til fernra verðlauna á Íslandsmótinu í skíðagöngu, þar á meðal gull í liðakeppni og í fimm kílómetra göngu með hefðbundinni aðgerð. Já, og svo sló hún Íslandsmet Fríðu Rúnar Þórðardóttur í fimm þúsund metra hlaupi innanhúss sem hafði staðið frá 1994. Plön Andreu fyrir laugardaginn, þar sem hún vann gull í skíðagöngunni og setti Íslandsmetið, voru þó öllu hófsamari. „Laugardagurinn stendur upp úr þar sem ég keppti í fimm kílómetra skíðagöngu fyrir hádegi og vann hana og skellti mér svo í fimm þúsund metra hlaup innanhúss eftir hádegi. Þetta var alls ekki planað,“ sagði Andrea í samtali við Vísi. „Á föstudagskvöldið hringdi ég í hlaupaþjálfarana mína því ég var svo óviss hvort ég ætti að keppa í skíðagöngu eða mæta hlaupaæfingu með hópnum mínum. Ég var eiginlega komin að þeirri niðurstöðu að mig langaði frekar á hlaupaæfinguna því aðaleinbeitingin og stærstu markmiðin snúa að hlaupunum.“ Mamma tók í taumana Andrea skipti um skoðun á síðustu stundu og mamma hennar hafði ýmislegt um það að segja. „Þegar ég var komin í hlaupaskóna á leiðinni út á laugardagsmorguninn kom mamma fram. Ég sagði henni að ég væri á leið á hlaupaæfingu og hún spurði hvort ég ætlaði í alvörunni að sleppa Íslandsmótinu í skíðagöngu. Það er geggjað veður í Bláfjöllum og þú getur hlaupið alla aðra daga ársins. Þá sneri ég við og ákvað frekar að keppa í skíðagöngunni og sé ekki eftir því,“ sagði Andrea. Klippa: Viðtal við Andreu Kolbeinsdóttur Sem fyrr sagði vann hún gull í fimm kílómetra göngu og hélt síðan í Kaplakrika til að taka þátt á Góumóti Gaflarans. Það var heldur ekki á planinu. „Alls ekki. Ég var að keyra heim úr Bláfjöllum og hringdi í vinkonu mína sem var að keppa á mótinu og spurði hvort það væri of seint að skrá sig. Ég ákvað bara eftir hina keppnina að það væri nú frekar skemmtilegt að keppa í fimm kílómetra hlaupi eftir fimm kílómetra skíðagöngu. Ég vissi að Íslandsmetið að ég gæti náð Íslandsmetinu og það var mjög skemmtilegt,“ sagði Andrea. Metið slegið með stæl Hún gerði gott betur en að slá metið, hún rústaði því svo gott sem. Andrea hljóp metrana fimm þúsund á 16:46,18 mín en met Fríðu var 17,25:35 mín. Þrátt fyrir það æfir hún svona langhlaup á braut frekar stopult enda með aðaleinbeitinguna á utanvegahlaupum. „Að taka langar hlaupaæfingar hjálpar auðvitað í fimm þúsund metra hlaupi. Þótt einbeiting sé ekki aðallega á því er maður í góðu formi. Allt sem er fimm þúsund metrar eða upp úr er ég ágæt í,“ sagði Andrea. Þrátt fyrir að hafa gengið fimm kílómetra á skíðum átti Andrea nóg eftir á tankinum til að hlaupa metrana fimm þúsund. Tuttuguogfimm hringir inni! „Ég var alveg þreytt eftir gönguna en var mætt á brautina í Kaplakrika, tók nokkrar hraðaaukningar og hugsaði hvað ég væri að gera mér. Það er svona hringateljari þarna og ég sá töluna 25. Tuttuguogfimm hringir inni! En ég var mætt og þá var eins gott að gera þetta almennilega. Og mér tókst þetta,“ sagði Andrea. Eins og áður sagði liggur ástríða Andreu, sem var valin íþróttakona Reykjavíkur í fyrra, aðallega í utanvegahlaupum. „Hjartað á mest heima þar. Ég elska að hlaupa um í fjöllum og stærsta markmiðið er HM í fjallahlaupum í júní. Allar æfingar miðast að því. Við erum tíu Íslendingar sem keppa á HM í Austurríki,“ sagði Andrea sem vann til að mynda Laugavegshlaupið í fyrra sem og Reykjavíkurmaraþonið. Býr á fimm stjörnu hótel mömmu Þessi 24 ára Árbæingur hefur nóg að gera en auk þess að stunda hlaup og skíðagöngu af kappi er hún í læknanámi og að klára þriðja árið sitt í því. „Ég sef mjög mikið og næ oftast níu tímum. Það er held ég lykilinn að þessu,“ sagði Andrea aðspurð hvenær hún hafi tíma til að sofa. „En ég er svo heppin að búa á fimm stjörnu hótel mömmu. Ég er ekki í vinnu og ekki með börn þannig þetta gengur mjög vel.“ Hlaup Skíðaíþróttir Frjálsar íþróttir Mest lesið „Þá leið mér frekar illa eftir leik“ Fótbolti Fyrrum leikmaður Liverpool að ganga í raðir Stjörnunnar Íslenski boltinn Kaupa Delap og eru í viðræðum við Sancho Enski boltinn Sér á eftir Earps en vill ekki ræða hvað fór þeirra á milli Fótbolti Þeir bestu (1. sæti): Afrekaði allt Íslenski boltinn Eitt Íslandsmet og þrjú gullverðlaun Sport „Eitthvað sem er í vinnslu og gerist kannski“ Fótbolti Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn Fulltrúi Íslands í áfalli eftir aðalfund sem fór í háaloft: „Eins og eldur í púðurtunnu“ Sport Gamla brýnið Allegri tekur við AC Milan Fótbolti Fleiri fréttir Eitt Íslandsmet og þrjú gullverðlaun Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Gamla brýnið Allegri tekur við AC Milan Melsungen tapaði toppslagnum „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar „Lið mega varla komast inn í teig án þess að skora“ Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ FC Kaupmannahöfn vann tvöfalt Tókst ekki verja titilinn í vítaspyrnukeppni Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Hafnaði Manchester fyrir borg englanna Uppgjörið: Vestri - Víkingur | Víkingur vann toppslaginn fyrir vestan Tah til Bayern og sögulegt lið Leverkusen að sundrast Næstyngsta liðið fyrst til að rústa fjórum leikjum á leið í úrslitaeinvígið Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til Fulltrúi Íslands í áfalli eftir aðalfund sem fór í háaloft: „Eins og eldur í púðurtunnu“ Sjá meira
Andrea leggur aðallega áherslu á utanvegahlaup en er býsna fjölhæf eins og hún sýndi um helgina. Hún vann til fernra verðlauna á Íslandsmótinu í skíðagöngu, þar á meðal gull í liðakeppni og í fimm kílómetra göngu með hefðbundinni aðgerð. Já, og svo sló hún Íslandsmet Fríðu Rúnar Þórðardóttur í fimm þúsund metra hlaupi innanhúss sem hafði staðið frá 1994. Plön Andreu fyrir laugardaginn, þar sem hún vann gull í skíðagöngunni og setti Íslandsmetið, voru þó öllu hófsamari. „Laugardagurinn stendur upp úr þar sem ég keppti í fimm kílómetra skíðagöngu fyrir hádegi og vann hana og skellti mér svo í fimm þúsund metra hlaup innanhúss eftir hádegi. Þetta var alls ekki planað,“ sagði Andrea í samtali við Vísi. „Á föstudagskvöldið hringdi ég í hlaupaþjálfarana mína því ég var svo óviss hvort ég ætti að keppa í skíðagöngu eða mæta hlaupaæfingu með hópnum mínum. Ég var eiginlega komin að þeirri niðurstöðu að mig langaði frekar á hlaupaæfinguna því aðaleinbeitingin og stærstu markmiðin snúa að hlaupunum.“ Mamma tók í taumana Andrea skipti um skoðun á síðustu stundu og mamma hennar hafði ýmislegt um það að segja. „Þegar ég var komin í hlaupaskóna á leiðinni út á laugardagsmorguninn kom mamma fram. Ég sagði henni að ég væri á leið á hlaupaæfingu og hún spurði hvort ég ætlaði í alvörunni að sleppa Íslandsmótinu í skíðagöngu. Það er geggjað veður í Bláfjöllum og þú getur hlaupið alla aðra daga ársins. Þá sneri ég við og ákvað frekar að keppa í skíðagöngunni og sé ekki eftir því,“ sagði Andrea. Klippa: Viðtal við Andreu Kolbeinsdóttur Sem fyrr sagði vann hún gull í fimm kílómetra göngu og hélt síðan í Kaplakrika til að taka þátt á Góumóti Gaflarans. Það var heldur ekki á planinu. „Alls ekki. Ég var að keyra heim úr Bláfjöllum og hringdi í vinkonu mína sem var að keppa á mótinu og spurði hvort það væri of seint að skrá sig. Ég ákvað bara eftir hina keppnina að það væri nú frekar skemmtilegt að keppa í fimm kílómetra hlaupi eftir fimm kílómetra skíðagöngu. Ég vissi að Íslandsmetið að ég gæti náð Íslandsmetinu og það var mjög skemmtilegt,“ sagði Andrea. Metið slegið með stæl Hún gerði gott betur en að slá metið, hún rústaði því svo gott sem. Andrea hljóp metrana fimm þúsund á 16:46,18 mín en met Fríðu var 17,25:35 mín. Þrátt fyrir það æfir hún svona langhlaup á braut frekar stopult enda með aðaleinbeitinguna á utanvegahlaupum. „Að taka langar hlaupaæfingar hjálpar auðvitað í fimm þúsund metra hlaupi. Þótt einbeiting sé ekki aðallega á því er maður í góðu formi. Allt sem er fimm þúsund metrar eða upp úr er ég ágæt í,“ sagði Andrea. Þrátt fyrir að hafa gengið fimm kílómetra á skíðum átti Andrea nóg eftir á tankinum til að hlaupa metrana fimm þúsund. Tuttuguogfimm hringir inni! „Ég var alveg þreytt eftir gönguna en var mætt á brautina í Kaplakrika, tók nokkrar hraðaaukningar og hugsaði hvað ég væri að gera mér. Það er svona hringateljari þarna og ég sá töluna 25. Tuttuguogfimm hringir inni! En ég var mætt og þá var eins gott að gera þetta almennilega. Og mér tókst þetta,“ sagði Andrea. Eins og áður sagði liggur ástríða Andreu, sem var valin íþróttakona Reykjavíkur í fyrra, aðallega í utanvegahlaupum. „Hjartað á mest heima þar. Ég elska að hlaupa um í fjöllum og stærsta markmiðið er HM í fjallahlaupum í júní. Allar æfingar miðast að því. Við erum tíu Íslendingar sem keppa á HM í Austurríki,“ sagði Andrea sem vann til að mynda Laugavegshlaupið í fyrra sem og Reykjavíkurmaraþonið. Býr á fimm stjörnu hótel mömmu Þessi 24 ára Árbæingur hefur nóg að gera en auk þess að stunda hlaup og skíðagöngu af kappi er hún í læknanámi og að klára þriðja árið sitt í því. „Ég sef mjög mikið og næ oftast níu tímum. Það er held ég lykilinn að þessu,“ sagði Andrea aðspurð hvenær hún hafi tíma til að sofa. „En ég er svo heppin að búa á fimm stjörnu hótel mömmu. Ég er ekki í vinnu og ekki með börn þannig þetta gengur mjög vel.“
Hlaup Skíðaíþróttir Frjálsar íþróttir Mest lesið „Þá leið mér frekar illa eftir leik“ Fótbolti Fyrrum leikmaður Liverpool að ganga í raðir Stjörnunnar Íslenski boltinn Kaupa Delap og eru í viðræðum við Sancho Enski boltinn Sér á eftir Earps en vill ekki ræða hvað fór þeirra á milli Fótbolti Þeir bestu (1. sæti): Afrekaði allt Íslenski boltinn Eitt Íslandsmet og þrjú gullverðlaun Sport „Eitthvað sem er í vinnslu og gerist kannski“ Fótbolti Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn Fulltrúi Íslands í áfalli eftir aðalfund sem fór í háaloft: „Eins og eldur í púðurtunnu“ Sport Gamla brýnið Allegri tekur við AC Milan Fótbolti Fleiri fréttir Eitt Íslandsmet og þrjú gullverðlaun Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Gamla brýnið Allegri tekur við AC Milan Melsungen tapaði toppslagnum „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar „Lið mega varla komast inn í teig án þess að skora“ Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ FC Kaupmannahöfn vann tvöfalt Tókst ekki verja titilinn í vítaspyrnukeppni Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Hafnaði Manchester fyrir borg englanna Uppgjörið: Vestri - Víkingur | Víkingur vann toppslaginn fyrir vestan Tah til Bayern og sögulegt lið Leverkusen að sundrast Næstyngsta liðið fyrst til að rústa fjórum leikjum á leið í úrslitaeinvígið Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til Fulltrúi Íslands í áfalli eftir aðalfund sem fór í háaloft: „Eins og eldur í púðurtunnu“ Sjá meira
Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn
Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Íslenski boltinn