The Ellen DeGeneres Show stjarnan Sophia Grace er orðin móðir

Í dag er Sophia Grace nítján ára gömul og starfar sem áhrifavaldur. Í haust tilkynnti hún fylgjendum sínum að hún ætti von á barni. Hún viðurkenndi þó að sér hafi orðið brugðið við fréttirnar í fyrstu.

Mörgum aðdáendum varð einnig brugðið og einhverjir sögðu Sophiu of unga til þess að eignast barn. Sophia sagðist aftur á móti gefa lítið fyrir slíkar athugasemdir.

„Þetta snýst bara um manneskjuna sjálfa. Svo lengi sem þér finnst þú vera tilbúin og þetta er eitthvað sem þú ert ánægð með, þá kemur þetta engum öðrum við,“ sagði hún.

Í gær tilkynnti Sophia að henni hefði fæðst drengur þann 26. febrúar síðastliðinn. Hamingjuóskum rignir yfir nýbökuðu móðurina, meðal annars frá Ellen DeGeneres sjálfri sem skrifar: „Velkomin í heiminn, Nicki Minaj hin þriðja“ og vitnar þar í atriði Sophia Grace og Rosie.