Búinn að vinna alla leikina eftir vonbrigðin með Íslandi á HM

Guðmundur Guðmundsson hélt ekki áfram sem landsliðsþjálfari eftir vonbrigði íslenska handboltalandsliðsins á HM í handbolta í janúar. Hann hefur hins vegar ekki tapað leik síðan að mætti aftur í hina vinnuna.

Guðmundur þjálfar Fredericia í dönsku úrvalsdeildinni og liðið tapaði þremur síðustu deildarleikjum sínum fyrir HM-frí og vann aðeins einn af sex deildarleikjum sínum frá 15. nóvember fram að jólafríi.

Það var því kominn pressa á Guðmund eftir þennan slaka mánuð fyrir HM-frí og það þurfti eitthvað að breytast ef liðið ætlaði að komst í úrslitakeppnina.

Guðmundur náði að rífa sína menn í gang um leið og hann mætti á ný til Danmerkur eftir heimsmeistaramótið í Svíþjóð.

Eftir að Guðmundur snéri heim af HM hefur Fredericia unnið alla fjóra leiki í sína í deildinni.

Fredericia vann eins marks sigur á Álaborg um helgina, 29-28, en hafði á undan unnið Mors-Thy, Sonderjyske og Midtjylland.

Fredericia er nú komið upp í sjöunda sæti deildarinnar en liðið vann topplið Álaborgar á laugardaginn.

Nú tekur við landsleikjahlé þar sem Guðmundur hefði átt að vera á leiðinni til Íslands en hann getur nú einmitt sér að því að undirbúa Fredericia fyrir átökin framundan en fjórar umferðir eru eftir af deildarkeppninni í Danmörku.