Vaktin: Fundi slitið og ríkissáttasemjari lagstur undir feld

Ástráður Haraldsson, settur ríkissáttasemjari í kjaradeilu Eflingar og SA, boðaði samninganefndir beggja aðila á fund sinn í Karphúsinu í kvöld. Ástráður sagði í samtali við fréttastofu í dag að hann ætli að nýta fundinn til að ráðgast við samningsaðila um mögulega nýja miðlunartillögu.

Eftir að Ástráður boðaði til fundarins barst tilkynning frá SA. Í tilkynningunni kom fram að búið væri að fresta boðuðu verkbanni sem átti að hefjast þann 2. mars næstkomandi. Verkbannið mun nú að óbreytta hefjast klukkan fjögur mánudaginn 6. mars. 

Fylgst verður með þróun mála í vaktinni hér fyrir neðan.