Hreyfum okkur saman: Þol og styrkur

Þol- og styrktaræfingar eru gerðar til skiptis, unnið í 30 sekúndur og tíminn flýgur áfram. Eingöngu er unnið með eigin líkamsþyngd og einu áhöldin sem þú þarft er dýna. 

„Frábær æfing sem skilar góðum árangri,“ segir Anna um æfinguna. 

Líkt og alltaf er æfingin í kringum fimmtán mínútur en þeir sem vilja meiri áskorun geta gert æfinguna oftar en einu sinni.

Hreyfum okkur saman eru stuttir og fjölbreyttir æfingaþættir fyrir alla sem hafa heilsu til. Anna Eiríksdóttir leiðir þættina með frábærum æfingum og er markmiðið að fá sem flesta til að huga að heilsunni og hreyfa sig smá á hverjum degi.

Þættirnir Hreyfum okkur saman eru sýndir hér á Lífinu á Vísi og Stöð 2+. Næstu vikurnar munu koma út tveir þættir á viku en eldri þætti má finna HÉR.

Anna Eiríks er stofnandi annaeiriks.is og er með Instagram síðuna instagram.com/aeiriks.