Félagsmenn VR samþykktu kjarasamninga við SA og FA Fanndís Birna Logadóttir skrifar 21. desember 2022 14:56 Kristján Þórður Snæbjarnarson, formaður Rafiðnaðarsambandsins og forseti ASÍ og Ragnar Þór Ingólfsson, formaður VR, skrifuðu undir kjarasamninga við Samtök atvinnulífsins í síðustu viku. Vísir/Vilhelm Félagsmenn VR hafa samþykkt kjarasamninga við Samtök atvinnulífsins og Félag atvinnurekenda en atkvæðagreiðslu lauk á hádegi í dag og voru niðurstöðurnar kynntar rétt í þessu. Báðir samningar voru samþykktir með yfir 80 prósent atkvæða. Kjarasamningur VR við SA var samþykktur með ríflega 7.800 atkvæðum, 81,91 prósent, en rúmlega fimmtán hundruð greiddu atkvæði gegn samningum. Alls greiddu 9.523 atkvæði og var kjörsókn því 24,37 prósent. Hvað samning VR við FA varðar var samningurinn samþykktur með 85,17 prósent atkvæða en 247 greiddu atkvæði með samningnum og 38 sögðu nei. Alls greiddu 290 atkvæði og kjörsókn því 30,88 prósent. Félagsmenn VR eru alls ríflega 39 þúsund talsins. VR, Landssamband íslenskra verslunarmanna og samflot tækni- og iðnaðarmanna skrifuðu undir kjarasamning við Samtök atvinnulífsins þann tólfta desember og síðar sama dag skrifuðu VR og LÍV undir samninga við Félag atvinnurekenda. Kjarasamningarnir, sem eru í meginatriðum samhljóða, eru til fimmtán mánaða eða frá fyrsta nóvember 2022 til 31. janúar 2023. Þeir fela í sér 6,75 prósent almenna launahækkun, að hámarki 66 þúsund krónur á mánuði. Í viðtali eftir að samningarnir voru undirritaðir sagðist Ragnar Þór Ingólfsson, formaður VR, ekki geta mælt með þeim né á móti. Aðstæður til samninga hafa verið erfiðar og lengra hafi ekki verið komist í viðræðunum. „Ég mun ekki mæla gegn þeim og ég mun heldur ekkert mæla sérstaklega með þeim. Ég held að fólk sé bara það upplýst að það geti tekið ákvörðun um það sjálft en ég held að fólk trúi því að við reyndum það sem við gátum. Við augljóslega vildum fá meira í gegn en þetta var niðurstaðan.“ Ellefu prósenta hækkun að meðaltali Líkt og Vísir greindi frá í síðustu viku fá félagsmenn VR á taxta að meðaltali ellefu prósenta hækkun á launum sínum frá því sem var í apríl, samkvæmt nýjustu kjarasamningunum. Mesta hækkunin er hjá þeim starfsmönnum sem hafa unnið lengur en fimm ár hjá fyrirtæki sínu, allt að þrettán prósent, en lægsta hækkunin er í byrjunarlaunum hjá afgreiðslufólki og sérþjálfuðu afgreiðslufólki í verslunum, um 9,7 prósent. Desemberuppbótin hækkar úr 98 þúsund krónur í 103 þúsund krónur og orlofsuppbót úr 53 þúsund krónum í 56 þúsund krónur. Þá er hagvaxtarauka, sem hefði átt að koma til greiðslu fyrsta maí 2023, flýtt og hann greiddur út strax. Starfsgreinasambandið komið með samninga Atkvæðagreiðslu um kjarasamninga Starfsgreinasambandsins við Samtök atvinnulífsins, sem undirritaður var þriðja desember, lauk á mánudag en yfirgnæfandi meirihluti hjá sautján af nítján félögum samþykktu samninginn. Hjá fimmtán félögum var samningurinn samþykktur með yfir áttatíu prósent atkvæða. Alls greiddu tæplega 86 prósent atkvæði með samningnum en að aðeins tæp sautján prósent af þeim tæplega 24 þúsund sem voru á kjörskrá greiddu atkvæði. Um 72 þúsund félagsmenn eru í aðildarfélögum Starfsgreinasambandsins. „Þessi niðurstaða í ljósi alls þessa er alveg ótrúleg í mínum huga og staðfestir það sem við vorum algjörlega sannfærð um. Þetta er ótrúlega góður kjarasamningur,“ sagði Vilhjálmur Birgisson, formaður SGS og Verkalýðsfélags Akraness, eftir að samningarnir voru samþykktir. Efling stendur eftir Þriðja stærsta félagið á eftir Starfsgreinasambandinu og VR er Efling en samkvæmt félagatali ársin 2021 var meðalfjöldi félagsmanna 26 þúsund talsins. Samninganefnd Eflingar fundaði í fyrsta sinn með Samtökum atvinnulífsins undir stjórn ríkissáttasemjara í síðustu viku og fer annar fundur fram á morgun. Sólveig Anna Jónsdóttir formaður Eflingar sagði eftir fundinn í síðustu viku að hennar fólk væri til í aðgerðir náist ekki samningar um kröfur félagsins. Var hún fullviss um að þau myndu ná fram meiru en í öðrum samningum en taldi ekki miklar líkur á að samningar myndu nást fyrir jól. „Ekki nema einhver stórkostlegur árangur náist þá. Samtök atvinnulífsins fallist á röksemdarfærslu okkar um að okkur hentar ekki samningurinn sem gerður hefur verið við Starfsgreinasambandið. Við þurfum að fá betri samning, við þurfum meiri hækkanir,“ sagði Sólveig. Kjaraviðræður 2022 Kjaramál Vinnumarkaður Stéttarfélög Tengdar fréttir Níu af tíu samþykktu SGS-samninginn á Akranesi Félagsmenn í Verkalýðsfélagi Akraness samþykktu með yfirgnæfandi meirihluti kjarasamning við Samtök atvinnulífsins til fimmtán mánaða. Formaður félagsins og Starfsgreinasambandsins á von á að samningurinn verði samþykktur. 19. desember 2022 13:18 Minntu á mikilvægi sitt við upphaf fyrsta fundar í Karphúsinu Samninganefnd Eflingar er mætt til fundar við fulltrúa Samtaka atvinnulífsins í Karphúsinu. Félagsmenn mættu með spjöld til að minna á mikilvægi sitt í samfélaginu. 16. desember 2022 13:36 SSF vísar til ríkissáttasemjara og vill prósentuhækkanir Samtök starfsmanna fjármálafyrirtækja hafa vísað viðræðum um nýjan kjarasamning við Samtök atvinnulífsins til ríkissáttasemjara. 15. desember 2022 06:53 „Ég reikna ekki með því að samningurinn verði felldur“ Formaður VR segist hvorki geta mælt með né á móti nýgerðum kjarasamningum en telur þó að þeir verði samþykktir af félagsmönnum. Verkalýðshreyfingin þurfi nú að líta inn á við og þétta raðirnar svo hægt sé að ná fram raunverulegum breytingum. 13. desember 2022 19:23 „Ég tel að menn hafi þarna samið af sér“ Formaður Eflingar segir nýundirritaða kjarasamninga á almennum vinnumarkaði fela í sér kaupmáttarrýrnun fyrir vinnandi fólk. Menn hafi samið af sér við gerð kjarasamninganna og hún harmi það. 13. desember 2022 10:47 Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Sjá meira
Kjarasamningur VR við SA var samþykktur með ríflega 7.800 atkvæðum, 81,91 prósent, en rúmlega fimmtán hundruð greiddu atkvæði gegn samningum. Alls greiddu 9.523 atkvæði og var kjörsókn því 24,37 prósent. Hvað samning VR við FA varðar var samningurinn samþykktur með 85,17 prósent atkvæða en 247 greiddu atkvæði með samningnum og 38 sögðu nei. Alls greiddu 290 atkvæði og kjörsókn því 30,88 prósent. Félagsmenn VR eru alls ríflega 39 þúsund talsins. VR, Landssamband íslenskra verslunarmanna og samflot tækni- og iðnaðarmanna skrifuðu undir kjarasamning við Samtök atvinnulífsins þann tólfta desember og síðar sama dag skrifuðu VR og LÍV undir samninga við Félag atvinnurekenda. Kjarasamningarnir, sem eru í meginatriðum samhljóða, eru til fimmtán mánaða eða frá fyrsta nóvember 2022 til 31. janúar 2023. Þeir fela í sér 6,75 prósent almenna launahækkun, að hámarki 66 þúsund krónur á mánuði. Í viðtali eftir að samningarnir voru undirritaðir sagðist Ragnar Þór Ingólfsson, formaður VR, ekki geta mælt með þeim né á móti. Aðstæður til samninga hafa verið erfiðar og lengra hafi ekki verið komist í viðræðunum. „Ég mun ekki mæla gegn þeim og ég mun heldur ekkert mæla sérstaklega með þeim. Ég held að fólk sé bara það upplýst að það geti tekið ákvörðun um það sjálft en ég held að fólk trúi því að við reyndum það sem við gátum. Við augljóslega vildum fá meira í gegn en þetta var niðurstaðan.“ Ellefu prósenta hækkun að meðaltali Líkt og Vísir greindi frá í síðustu viku fá félagsmenn VR á taxta að meðaltali ellefu prósenta hækkun á launum sínum frá því sem var í apríl, samkvæmt nýjustu kjarasamningunum. Mesta hækkunin er hjá þeim starfsmönnum sem hafa unnið lengur en fimm ár hjá fyrirtæki sínu, allt að þrettán prósent, en lægsta hækkunin er í byrjunarlaunum hjá afgreiðslufólki og sérþjálfuðu afgreiðslufólki í verslunum, um 9,7 prósent. Desemberuppbótin hækkar úr 98 þúsund krónur í 103 þúsund krónur og orlofsuppbót úr 53 þúsund krónum í 56 þúsund krónur. Þá er hagvaxtarauka, sem hefði átt að koma til greiðslu fyrsta maí 2023, flýtt og hann greiddur út strax. Starfsgreinasambandið komið með samninga Atkvæðagreiðslu um kjarasamninga Starfsgreinasambandsins við Samtök atvinnulífsins, sem undirritaður var þriðja desember, lauk á mánudag en yfirgnæfandi meirihluti hjá sautján af nítján félögum samþykktu samninginn. Hjá fimmtán félögum var samningurinn samþykktur með yfir áttatíu prósent atkvæða. Alls greiddu tæplega 86 prósent atkvæði með samningnum en að aðeins tæp sautján prósent af þeim tæplega 24 þúsund sem voru á kjörskrá greiddu atkvæði. Um 72 þúsund félagsmenn eru í aðildarfélögum Starfsgreinasambandsins. „Þessi niðurstaða í ljósi alls þessa er alveg ótrúleg í mínum huga og staðfestir það sem við vorum algjörlega sannfærð um. Þetta er ótrúlega góður kjarasamningur,“ sagði Vilhjálmur Birgisson, formaður SGS og Verkalýðsfélags Akraness, eftir að samningarnir voru samþykktir. Efling stendur eftir Þriðja stærsta félagið á eftir Starfsgreinasambandinu og VR er Efling en samkvæmt félagatali ársin 2021 var meðalfjöldi félagsmanna 26 þúsund talsins. Samninganefnd Eflingar fundaði í fyrsta sinn með Samtökum atvinnulífsins undir stjórn ríkissáttasemjara í síðustu viku og fer annar fundur fram á morgun. Sólveig Anna Jónsdóttir formaður Eflingar sagði eftir fundinn í síðustu viku að hennar fólk væri til í aðgerðir náist ekki samningar um kröfur félagsins. Var hún fullviss um að þau myndu ná fram meiru en í öðrum samningum en taldi ekki miklar líkur á að samningar myndu nást fyrir jól. „Ekki nema einhver stórkostlegur árangur náist þá. Samtök atvinnulífsins fallist á röksemdarfærslu okkar um að okkur hentar ekki samningurinn sem gerður hefur verið við Starfsgreinasambandið. Við þurfum að fá betri samning, við þurfum meiri hækkanir,“ sagði Sólveig.
Kjaraviðræður 2022 Kjaramál Vinnumarkaður Stéttarfélög Tengdar fréttir Níu af tíu samþykktu SGS-samninginn á Akranesi Félagsmenn í Verkalýðsfélagi Akraness samþykktu með yfirgnæfandi meirihluti kjarasamning við Samtök atvinnulífsins til fimmtán mánaða. Formaður félagsins og Starfsgreinasambandsins á von á að samningurinn verði samþykktur. 19. desember 2022 13:18 Minntu á mikilvægi sitt við upphaf fyrsta fundar í Karphúsinu Samninganefnd Eflingar er mætt til fundar við fulltrúa Samtaka atvinnulífsins í Karphúsinu. Félagsmenn mættu með spjöld til að minna á mikilvægi sitt í samfélaginu. 16. desember 2022 13:36 SSF vísar til ríkissáttasemjara og vill prósentuhækkanir Samtök starfsmanna fjármálafyrirtækja hafa vísað viðræðum um nýjan kjarasamning við Samtök atvinnulífsins til ríkissáttasemjara. 15. desember 2022 06:53 „Ég reikna ekki með því að samningurinn verði felldur“ Formaður VR segist hvorki geta mælt með né á móti nýgerðum kjarasamningum en telur þó að þeir verði samþykktir af félagsmönnum. Verkalýðshreyfingin þurfi nú að líta inn á við og þétta raðirnar svo hægt sé að ná fram raunverulegum breytingum. 13. desember 2022 19:23 „Ég tel að menn hafi þarna samið af sér“ Formaður Eflingar segir nýundirritaða kjarasamninga á almennum vinnumarkaði fela í sér kaupmáttarrýrnun fyrir vinnandi fólk. Menn hafi samið af sér við gerð kjarasamninganna og hún harmi það. 13. desember 2022 10:47 Mest lesið Alvarlegt slys á starfsmönnum á Íslandsmeistarmóti í rallycross Innlent Lést við tökur á Emily in Paris Erlent Grunur um brot gegn fleiri börnum Innlent Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Leiðist „linnulaust væl” Íslendinga yfir réttu málfari Innlent Eigandi Sante segir málið gjörunnið: „Frelsið sigrar alltaf að lokum” Innlent Stungumanni í Bankastrætismálinu aftur stungið í steininn Innlent Gríðarlegt magn myndefnis til skoðunar hjá lögreglu Innlent „Forsetinn var aldrei óviðeigandi við neinn“ Erlent Fleiri fréttir Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Sjá meira
Níu af tíu samþykktu SGS-samninginn á Akranesi Félagsmenn í Verkalýðsfélagi Akraness samþykktu með yfirgnæfandi meirihluti kjarasamning við Samtök atvinnulífsins til fimmtán mánaða. Formaður félagsins og Starfsgreinasambandsins á von á að samningurinn verði samþykktur. 19. desember 2022 13:18
Minntu á mikilvægi sitt við upphaf fyrsta fundar í Karphúsinu Samninganefnd Eflingar er mætt til fundar við fulltrúa Samtaka atvinnulífsins í Karphúsinu. Félagsmenn mættu með spjöld til að minna á mikilvægi sitt í samfélaginu. 16. desember 2022 13:36
SSF vísar til ríkissáttasemjara og vill prósentuhækkanir Samtök starfsmanna fjármálafyrirtækja hafa vísað viðræðum um nýjan kjarasamning við Samtök atvinnulífsins til ríkissáttasemjara. 15. desember 2022 06:53
„Ég reikna ekki með því að samningurinn verði felldur“ Formaður VR segist hvorki geta mælt með né á móti nýgerðum kjarasamningum en telur þó að þeir verði samþykktir af félagsmönnum. Verkalýðshreyfingin þurfi nú að líta inn á við og þétta raðirnar svo hægt sé að ná fram raunverulegum breytingum. 13. desember 2022 19:23
„Ég tel að menn hafi þarna samið af sér“ Formaður Eflingar segir nýundirritaða kjarasamninga á almennum vinnumarkaði fela í sér kaupmáttarrýrnun fyrir vinnandi fólk. Menn hafi samið af sér við gerð kjarasamninganna og hún harmi það. 13. desember 2022 10:47