Handbolti

Aron skoraði tvö er Álaborg tyllti sér á toppinn

Hjörtur Leó Guðjónsson skrifar
Aron Pálmarsson og félagar hans eru á toppi dönsku úrvalsdeildarinnar í handbolta.
Aron Pálmarsson og félagar hans eru á toppi dönsku úrvalsdeildarinnar í handbolta. Álaborg

Aron Pálmarsson skoraði tvö mörk fyrir Álaborg er liðið vann öruggan átta marka sigur gegn Skjern í dönsku úrvalsdeildinni í handbolta í dag, 32-24. Með sigrinum komu Aron og félagar sér á topp deildarinnar.

Álaborgarliðið náði snemma tökum á leiknum og náði strax fimm marka forskoti í stöðunni 9-4. Liðið hélt fimm til sex marka forskoti út fyrri hálfleikinn og staðan var 17-12 þegar liðin gegnu til búningsherbergja.

Heimamenn í Álaborg hertu svo tökin í síðari hálfleik og náðu mest ellefu marka forskoti. Sigur þeirra var því aldrei í hættu ig liðið vann að lokum öruggan átta marka sigur, 32-24.

Álaborg er nú á toppi dönsku úrvalsdeildarinnar í handbolta með 29 stig eftir 17 leiki, líkt og GOG, en með mun betri markatölu. Skjern situr hins vegar í fimmta sæti með 21 stig.

Danski handboltinn

Mest lesið


Fleiri fréttir

Sjá meira


×

Mest lesið