Kvöldfréttir Stöðvar 2

Við fjöllum nánar um viðkvæma stöðu margra á leigumarkaði í kvöldfréttum og verðum í beinni frá Alþingi þar sem við ræðum við formann Samfylkingarinnar um málið.

Íbúar í hjólhýsabyggðinni í Laugardal fá ekki að skrá lögheimili sín þar og eru samkvæmt kerfinu heimilislaus. Við ræðum við fólkið sem býr þar og kallar eftir langtímalausnum fyrir þá sem kjósa þessa búsetu.

Nýbygging sem stendur til að reisa á bak við stjórnarráðið er sögð ógna æðstu stjórn landsins. Við kynnum okkur þetta sérstaka mál í kvöldfréttum, ræðum svo við sérfræðing um bestu leiðina til þess að skafa bílrúður auk þess sem við verðum í beinni frá Jólahúsinu á Akureyri – þar sem allir eru skiljanlega komnir í sérstaklega mikinn jólagír.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Hlusta má á kvöldfréttirnar í beinni í spilaranum hér að ofan.