Dusty mætir á BLAST: „Spenntir að sýna hvað við getum á móti alvöru andstæðingum“ Hjörtur Leó Guðjónsson skrifar 22. september 2022 14:30 Dusty mætir til leiks í BLAST á morgun. Ljósleiðaradeildarmeistarar Dusty mæta til leiks á BLAST Premier mótinu í CS:GO í beinni útsendingu á Stöð 2 eSport á morgun. Mótið er í raun forkeppni norðurlandana fyrir BLAST mótaröðina, sem mætti líkja við Evrópukeppni í rafíþróttum. Þetta verður í annað sinn sem Dusty tekur þátt í forkeppninni. Liðið mætti til leiks í vor, stuttu eftir að hafa tryggt sér sigur í Ljósleiðaradeildinni, og mætti þá danska liðinu ECSTATIC og stórliðinu Dignitas. Liðsmenn Dusty máttu þola tap í báðum viðureignum sínum í vor og féllu því úr leik. Liðið gaf þó ekkert eftir í þessum viðureignum sínum og leikmaður Dusty, TH0R, segir að liðið ætli sér lengra í þetta sinn. „Við erum bara fáránlega spenntir. Við erum einmitt að æfa okkur og undirbúa okkur núna þegar þú náðir í mig,“ sagði TH0R þegar blaðamaður Vísis náði tali af honum í gærkvöldi. „Í þessu móti sem við erum að fara að keppa í eru alveg stór lið eins og ENCE sem er 17. besta lið í heiminum núna og svo er Copenhagen Flames sem hefur verið í topp átta á „Majors“ tvisvar og HAVU sem er besta finnska liðið. Þannig að það eru fullt af góðum liðum þarna, en þau eru samt í öðrum riðli en við. Við fengum aðeins auðveldari riðil þannig að við erum sáttir með það.“ Að sögn TH0R hafa æfingar liðsins gengið vel hingað til og þrátt fyrir það að titilvörn liðsins í Ljósleiðaradeildinni sé hafin hafi fókusinn verið settur á Blast-mótið sem framundan er. „Allur fókusinn okkar er búinn að vera á þessu móti núna og það er mjög mikil spenna. Við erum auðvitað bara allir spenntir að fara að spila og sýna hvað við getum á móti alvöru andstæðingum.“ Telur liðið eiga betri möguleika en áður gegn sömu andstæðingum TH0R telur að Dusty eigi nokkuð góða möguleika í forkeppni BLAST. En hvernig eru möguleikar Dusty á jafn stóru móti og þessu? „Ég held að við eigum alveg góða möguleika á að vinna allavega eitt eða tvö lið þarna,“ sagði TH0R. „Við þurfum að vinna tvo leiki til að komast í undanúrslit í mótinu og við megum ekki tapa tveim. Við erum meira að segja að spila á móti sama liði og við gerðum á móti síðast. Þá var það mjög tæpt og núna eru þeir með aðeins verra lið en þá þannig að ég tel okkur eiga betri möguleika en þá,“ sagði TH0R að lokum. Sýnt verður frá Blast Premier mótinu í beinni útsendingu á Stöð 2 eSport á morgun og mætir Dusty til leiks klukkan 10:00 gegn danska liðinu ECSTATIC. Rafíþróttir Dusty Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Gísli Þorgeir bar af í Íslendingaslag kvöldsins Handbolti Atlético lagði sprækt lið Leipzig Fótbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Dusty og 354 keyrðu sig í gang með geggjaðri viðureign Frábær endasprettur hjá Veca gerði út af við Hött Óvenju mörg ný andlit í Rocket League Grimm barátta og sviptingar í Fortnite Samstilltir Þórsarar afgreiddu ryðgaða Böðla Klutz réði ekkert við GoldDiggers Dusty enn á toppnum eftir tvær umferðir Metþátttaka í kvennadeildinni í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira
Þetta verður í annað sinn sem Dusty tekur þátt í forkeppninni. Liðið mætti til leiks í vor, stuttu eftir að hafa tryggt sér sigur í Ljósleiðaradeildinni, og mætti þá danska liðinu ECSTATIC og stórliðinu Dignitas. Liðsmenn Dusty máttu þola tap í báðum viðureignum sínum í vor og féllu því úr leik. Liðið gaf þó ekkert eftir í þessum viðureignum sínum og leikmaður Dusty, TH0R, segir að liðið ætli sér lengra í þetta sinn. „Við erum bara fáránlega spenntir. Við erum einmitt að æfa okkur og undirbúa okkur núna þegar þú náðir í mig,“ sagði TH0R þegar blaðamaður Vísis náði tali af honum í gærkvöldi. „Í þessu móti sem við erum að fara að keppa í eru alveg stór lið eins og ENCE sem er 17. besta lið í heiminum núna og svo er Copenhagen Flames sem hefur verið í topp átta á „Majors“ tvisvar og HAVU sem er besta finnska liðið. Þannig að það eru fullt af góðum liðum þarna, en þau eru samt í öðrum riðli en við. Við fengum aðeins auðveldari riðil þannig að við erum sáttir með það.“ Að sögn TH0R hafa æfingar liðsins gengið vel hingað til og þrátt fyrir það að titilvörn liðsins í Ljósleiðaradeildinni sé hafin hafi fókusinn verið settur á Blast-mótið sem framundan er. „Allur fókusinn okkar er búinn að vera á þessu móti núna og það er mjög mikil spenna. Við erum auðvitað bara allir spenntir að fara að spila og sýna hvað við getum á móti alvöru andstæðingum.“ Telur liðið eiga betri möguleika en áður gegn sömu andstæðingum TH0R telur að Dusty eigi nokkuð góða möguleika í forkeppni BLAST. En hvernig eru möguleikar Dusty á jafn stóru móti og þessu? „Ég held að við eigum alveg góða möguleika á að vinna allavega eitt eða tvö lið þarna,“ sagði TH0R. „Við þurfum að vinna tvo leiki til að komast í undanúrslit í mótinu og við megum ekki tapa tveim. Við erum meira að segja að spila á móti sama liði og við gerðum á móti síðast. Þá var það mjög tæpt og núna eru þeir með aðeins verra lið en þá þannig að ég tel okkur eiga betri möguleika en þá,“ sagði TH0R að lokum. Sýnt verður frá Blast Premier mótinu í beinni útsendingu á Stöð 2 eSport á morgun og mætir Dusty til leiks klukkan 10:00 gegn danska liðinu ECSTATIC.
Rafíþróttir Dusty Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Gísli Þorgeir bar af í Íslendingaslag kvöldsins Handbolti Atlético lagði sprækt lið Leipzig Fótbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Dusty og 354 keyrðu sig í gang með geggjaðri viðureign Frábær endasprettur hjá Veca gerði út af við Hött Óvenju mörg ný andlit í Rocket League Grimm barátta og sviptingar í Fortnite Samstilltir Þórsarar afgreiddu ryðgaða Böðla Klutz réði ekkert við GoldDiggers Dusty enn á toppnum eftir tvær umferðir Metþátttaka í kvennadeildinni í Valorant Bestu hakkavélarnar byrja mótið sem þjálfarar Þór byrjar Ljósleiðaradeildina með látum Spennan magnast í Fortnite-samfélaginu Tölvuleikir auðvelda krökkum að kynnast og upplifa sögur Stærðin og áhorfið eru leynivopn Counter Strike Fólk á öllum aldri keppir í Fortnite Einbeittur sigurvilji hjá nýliðunum í Ljósleiðaradeildinni Gríðarlegar sviptingar á undanmóti Íslandsmótsins í netskák Ljóngrimmir keppendur mætast á Íslandsmótinu í netskák Háhraðahressleiki og hugsjónaorka hjá Next Level Gaming Sjá meira