Forsætisráðherra fundaði einnig með öldungadeildarþingmönnum frá Maine og Alaska en þar hafi frumvarp þingmannanna um Norðurslóðir verið rætt.
Katrín og Pelosi eru sagðar hafa rætt samstarf og samskipti Íslands og Bandaríkjanna og samstarf þjóðanna á sviði umhverfis- og loftslagsmála. Þá hafi þær einnig rætt málefni Úkraínu og bakslagið sem hafi orðið í jafnréttismálum víða um heim.
Fundurinn á milli þeirra fór fram á skrifstofu Pelosi í þinghúsinu á Capitol Hill.
