Messi tryggði meisturunum sigur gegn Lyon

Messi kom gestunum yfir strax á fimmtu mínútu leiksins eftir stoðsendingu frá Neymar. Þrátt fyrir nokkur ákjósanleg færi í fyrri hálfleiknum tókst liðunum ekki að bæta við mörkum og staðan því 0-1 þegar gengið var til búningsherbergja.

Ekki tókst þeim heldur að bæta við mörkum í síðari hálfleik og niðurstaðan varð því 0-1 sigur PSG.

PSG trónir því enn á toppi frönsku úrvalsdeildarinnar með 22 stig eftir átta leiki, níu stigum meira en Lyon sem situr í sjötta sæti deildarinnar.