Kaup hlutafjár eina leiðin í þröngri stöðu Árni Sæberg skrifar 12. september 2022 23:32 Margrét Pála Ólafsdóttir, Magga Pála, er höfundur Hjallastefnunnar. Vísir/Vilhelm Höfundi Hjallastefnunnar þykir afskaplega miður að félagið, sem rekur leik- og grunnskóla, hafi þurft að kaupa hlutafé fráfarandi framkvæmdastjóra félagsins með töluverðum hagnaði fyrir framkvæmdastjórann. Stundin greindi frá því á dögunum að einkarekna leik- og grunnskólafyrirtækið hafi greitt tæplega 55 milljónir króna út úr félaginu til þess að kaupa allt hlutafé framkvæmdastjórans Þórdísar Jónu Sigurðardóttur í félaginu við starfslok hennar. Í bréfi til foreldra barna sem ganga í skóla Hjallastefnunnar segir Margrét Pála Ólafsdóttir, höfundur Hjallastefnunnar, að frétt Stundarinnar sé rétt en að margt vanti til að fylla upp í myndina. Hennar mat sé að foreldrar og starfsfólk eigi skilið að fá fyllri upplýsingar um málið. Þórdís Jóna Sigurðardóttir er fyrrverandi framkvæmdastjóri Hjallastefnunnar. Hagur hennar vænkaðist vel þegar hún lét af störfum. „Enn frekar vil ég að þið vitið hversu miður mér þykir að mál skipuðust með þeim hætti sem fréttin lýsir,“ segir Magga Pála, líkt og hún er ævinlega kölluð. Verður aldrei gert aftur Magga Pála segir að hlutafjáreign Þórdísar Jónu hafi verið til komin vegna fjárfestingar hennar í félaginu, viðbótareign vegna kaupréttarsamninga og loks kaupum Þórdísar Jónu af henni frá upphafi starfs hennar. Söluhagnaður Þórdísar Jónu hafi numið um þrjátíu milljónum króna líkt og segir í fréttinni. „Í fréttinni kemur einnig skýrt fram að ferlið, sem þar er um fjallað, hefur aldrei átt sér stað áður innan félagsins og mun ekki verða aftur. Kaupréttarsamningar hafa hvorki fyrr né síðar verið gerðir og sala á hlutafé aldrei orðið til hagnaðar fyrir hluthafa í Hjallastefnunni. Arður hefur aldrei verið greiddur. Ég sjálf hef ekki hagnast á hlutafjársölu þar sem ofangreind kaup af mér var sala á litlum hluta sem ég hafði áður keypt á dýrara gengi og seldi því með gengistapi,“ segir í bréfi Möggu Pálu. Verkefni næstu ára að færa félagið inn í sjálfseignarstofnun Magga Pála segir að hugmyndafræði Hjallastefnunnar hafi ávallt verið að félagið sé ekki rekið í hagnaðarskyni heldur til að bjóða börnum og foreldrum valkost í uppeldis- og menntamálum. Sé afkoma félagsins jákvæð sé tækifærið ávallt notað til að styrkja starf skólanna og þróun Hjallastefnunnar. „Félagsformið er þó einkahlutafélag, form sem ég sem höfundur Hjallastefnunnar valdi við stofnun samnefnds rekstrarfélags — einfaldlega því aðrir kostir reyndust ekki færir á þeirri stundu,“ segir Magga Pála. Þá segir hún að undanfarin fimm ár hafi hún leitað ráðgjafar með að færa félagið inn í sjálfseignarstofnun eða samvinnufélag og að það sé verkefni hennar næstu fimm árin. Eini eigandinn þar til fé vantaði Magga Pála segir að hún hafi lengi vel verið eini eigandi Hjallastefnunnar eða fram til áranna 2008 til 2009. Þá hafi uppbygging fyrsta grunnskóla félagsins við Vífilsstaði staðið yfir en húsnæði þar dyggði aðeins fyrir börn á aldrinum fimm til sjö ára. Vilji hennar hafi verið að geta boðið börnum á öllu yngsta stigi grunnskóla skólavist en til þess hafi þurft að finna lausar skólastofur. Leikskólinn Litlu-Ásar er hluti af mikilli uppbyggingu Hjallastefnunnar á Vífilsstöðum, sem hófst á árunum eftir hrun.Vísir/Vilhelm „Engin bankalán voru í boði og aðstoð frá opinberum aðilum var engin utan tveggja skólastofa sem við leigðum af Garðabæ. Foreldrar vildu að venju allt gera til að finna leið fyrir kaupum á því sem upp á vantaði og leiðin var að selja hlutafé í Hjallastefnunni sem þá nam 20 prósent af heildareign,“ segir hún. Hún segir foreldra alltaf hafa verið það bakland sem hafi byggt upp og hvatt stjórnendur skólans og þarna hafi þeir keypt hlutafé í þeim tilgangi einum að borga fyrir viðbótarhúsin. Síðan þá hafi ekki verið sýslað með hlutafé í félaginu fyrir utan það að hún sjálf eða félagið hafi keypt hlutafé til baka af foreldrum. Það hafi ekki síst verið gert vegna stefnu hennar um að færa félagið inn í sjálfseignarstofnun. Stefnumótunarvinna skilaði ekki árangri Magga Pála segir að eina undantekningin á þeirri stefnu hafi verið við ráðningu Þórdísar Jónu. Þá hafi hún og hennar nánasta samstarfsfólk talið að hagsmunir Hjallastefnunnar væru að heimila nýjan, starfandi hluthafa til að deila ábyrgð og styrkja tengsl Þórdísar Jónu við félagið. Í skriflegu svari við fyrirspurn Stundarinnar segir Þórdís Jóna að hún hafi haft trú á félaginu, þrátt fyrir að það væri í fjárhagskröggum, og því keypt hlutafé í því fyrir tuttugu milljónir króna þegar hún hóf störf. „Forsendan var að um væri að ræða samvinnu til framtíðar á þeim tíma. Félagið greiðir aldrei arð og því væri eini tilgangurinn að veita viðkomandi aðgang að áhrifum á stefnu og starfsemi félagsins. Eftir nokkurra ára samstarf reyndist þó stefnumótunarvinna ekki skila tilætluðum árangri og því skildu leiðir,“ segir í bréfi Möggu Pálu. Hjallastefnan hafi þá leitað til bæði lögfræðinga og endurskoðenda sem hafi talið kaup félagsins á hlutafé Þórdísar Jónu eina leið færa í þröngri stöðu. „Mér þykir afskaplega miður hvernig þetta ferli gekk fyrir sig enda samræmist það ekki hugsjónum okkar og þeirri ráðstöfun fjár sem hefur ávallt verið leiðarljós okkar. Bæði félagið og ég sjálf höfum dregið lærdóm af þessari reynslu og áframhaldandi skref verða tekin í því ljósi,“ segir Magga Pála áður en hún skilar sínum hlýjustu kveðjum til foreldra. Skóla - og menntamál Leikskólar Grunnskólar Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn tveggja sorphirðufyrirtækja grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Stundin greindi frá því á dögunum að einkarekna leik- og grunnskólafyrirtækið hafi greitt tæplega 55 milljónir króna út úr félaginu til þess að kaupa allt hlutafé framkvæmdastjórans Þórdísar Jónu Sigurðardóttur í félaginu við starfslok hennar. Í bréfi til foreldra barna sem ganga í skóla Hjallastefnunnar segir Margrét Pála Ólafsdóttir, höfundur Hjallastefnunnar, að frétt Stundarinnar sé rétt en að margt vanti til að fylla upp í myndina. Hennar mat sé að foreldrar og starfsfólk eigi skilið að fá fyllri upplýsingar um málið. Þórdís Jóna Sigurðardóttir er fyrrverandi framkvæmdastjóri Hjallastefnunnar. Hagur hennar vænkaðist vel þegar hún lét af störfum. „Enn frekar vil ég að þið vitið hversu miður mér þykir að mál skipuðust með þeim hætti sem fréttin lýsir,“ segir Magga Pála, líkt og hún er ævinlega kölluð. Verður aldrei gert aftur Magga Pála segir að hlutafjáreign Þórdísar Jónu hafi verið til komin vegna fjárfestingar hennar í félaginu, viðbótareign vegna kaupréttarsamninga og loks kaupum Þórdísar Jónu af henni frá upphafi starfs hennar. Söluhagnaður Þórdísar Jónu hafi numið um þrjátíu milljónum króna líkt og segir í fréttinni. „Í fréttinni kemur einnig skýrt fram að ferlið, sem þar er um fjallað, hefur aldrei átt sér stað áður innan félagsins og mun ekki verða aftur. Kaupréttarsamningar hafa hvorki fyrr né síðar verið gerðir og sala á hlutafé aldrei orðið til hagnaðar fyrir hluthafa í Hjallastefnunni. Arður hefur aldrei verið greiddur. Ég sjálf hef ekki hagnast á hlutafjársölu þar sem ofangreind kaup af mér var sala á litlum hluta sem ég hafði áður keypt á dýrara gengi og seldi því með gengistapi,“ segir í bréfi Möggu Pálu. Verkefni næstu ára að færa félagið inn í sjálfseignarstofnun Magga Pála segir að hugmyndafræði Hjallastefnunnar hafi ávallt verið að félagið sé ekki rekið í hagnaðarskyni heldur til að bjóða börnum og foreldrum valkost í uppeldis- og menntamálum. Sé afkoma félagsins jákvæð sé tækifærið ávallt notað til að styrkja starf skólanna og þróun Hjallastefnunnar. „Félagsformið er þó einkahlutafélag, form sem ég sem höfundur Hjallastefnunnar valdi við stofnun samnefnds rekstrarfélags — einfaldlega því aðrir kostir reyndust ekki færir á þeirri stundu,“ segir Magga Pála. Þá segir hún að undanfarin fimm ár hafi hún leitað ráðgjafar með að færa félagið inn í sjálfseignarstofnun eða samvinnufélag og að það sé verkefni hennar næstu fimm árin. Eini eigandinn þar til fé vantaði Magga Pála segir að hún hafi lengi vel verið eini eigandi Hjallastefnunnar eða fram til áranna 2008 til 2009. Þá hafi uppbygging fyrsta grunnskóla félagsins við Vífilsstaði staðið yfir en húsnæði þar dyggði aðeins fyrir börn á aldrinum fimm til sjö ára. Vilji hennar hafi verið að geta boðið börnum á öllu yngsta stigi grunnskóla skólavist en til þess hafi þurft að finna lausar skólastofur. Leikskólinn Litlu-Ásar er hluti af mikilli uppbyggingu Hjallastefnunnar á Vífilsstöðum, sem hófst á árunum eftir hrun.Vísir/Vilhelm „Engin bankalán voru í boði og aðstoð frá opinberum aðilum var engin utan tveggja skólastofa sem við leigðum af Garðabæ. Foreldrar vildu að venju allt gera til að finna leið fyrir kaupum á því sem upp á vantaði og leiðin var að selja hlutafé í Hjallastefnunni sem þá nam 20 prósent af heildareign,“ segir hún. Hún segir foreldra alltaf hafa verið það bakland sem hafi byggt upp og hvatt stjórnendur skólans og þarna hafi þeir keypt hlutafé í þeim tilgangi einum að borga fyrir viðbótarhúsin. Síðan þá hafi ekki verið sýslað með hlutafé í félaginu fyrir utan það að hún sjálf eða félagið hafi keypt hlutafé til baka af foreldrum. Það hafi ekki síst verið gert vegna stefnu hennar um að færa félagið inn í sjálfseignarstofnun. Stefnumótunarvinna skilaði ekki árangri Magga Pála segir að eina undantekningin á þeirri stefnu hafi verið við ráðningu Þórdísar Jónu. Þá hafi hún og hennar nánasta samstarfsfólk talið að hagsmunir Hjallastefnunnar væru að heimila nýjan, starfandi hluthafa til að deila ábyrgð og styrkja tengsl Þórdísar Jónu við félagið. Í skriflegu svari við fyrirspurn Stundarinnar segir Þórdís Jóna að hún hafi haft trú á félaginu, þrátt fyrir að það væri í fjárhagskröggum, og því keypt hlutafé í því fyrir tuttugu milljónir króna þegar hún hóf störf. „Forsendan var að um væri að ræða samvinnu til framtíðar á þeim tíma. Félagið greiðir aldrei arð og því væri eini tilgangurinn að veita viðkomandi aðgang að áhrifum á stefnu og starfsemi félagsins. Eftir nokkurra ára samstarf reyndist þó stefnumótunarvinna ekki skila tilætluðum árangri og því skildu leiðir,“ segir í bréfi Möggu Pálu. Hjallastefnan hafi þá leitað til bæði lögfræðinga og endurskoðenda sem hafi talið kaup félagsins á hlutafé Þórdísar Jónu eina leið færa í þröngri stöðu. „Mér þykir afskaplega miður hvernig þetta ferli gekk fyrir sig enda samræmist það ekki hugsjónum okkar og þeirri ráðstöfun fjár sem hefur ávallt verið leiðarljós okkar. Bæði félagið og ég sjálf höfum dregið lærdóm af þessari reynslu og áframhaldandi skref verða tekin í því ljósi,“ segir Magga Pála áður en hún skilar sínum hlýjustu kveðjum til foreldra.
Skóla - og menntamál Leikskólar Grunnskólar Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Starfsmenn tveggja sorphirðufyrirtækja grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda