Skráning opin í neðri deildir Ljós­leiðara­deildarinnar

Skráning er nú opin í neðri deildir Ljósleiðaradeildarinnar þar sem liðum gefst tækifæri til að sanna sig gegn öðrum liðum landsins.

Lið sem kepptu á síðasta tímabili deildarinnar halda sæti sínu aðeins ef þau skrá sig og greiða þátttökugjaldið fyrir miðnætti 21. september, en hægt er að skrá lið með því að smella hér.

Önnur lið sem ekki hafa átt sæti í neðri deildum Ljósleiðaradeildarinnar get skráð sig í svokallað Fast-Trac mót sem gefur þátttökurétt í neðri deildunum. Ekki er nauðsynlegt að taka þátt í mótinu til að fá sæti í deildinni en niðurstöður mótsins verða til hliðsjónar þegar raðað verður í deildir með opin pláss. Ókeypis er að keppa í mótinu en þátttökugjald verður í deildarkeppni.

Skráning í neðri deildir Ljósleiðaradeildarinnar stendur yfir fram á miðnætti þann 21. september næstkomandi, en allar upplýsingar um mótin má finna á heimasíðu Rafíþróttasamtaka Íslands.