Innlent

Nýtt tríó hluti af sextettnum sem ákveður hverjir fái fálkaorðuna

Kolbeinn Tumi Daðason skrifar
Sigríður Snævarr er ein þriggja nýrra í orðunefnd.
Sigríður Snævarr er ein þriggja nýrra í orðunefnd. Vísir/Vilhelm

Ákveðið hefur verið að skipa Drífu Hjartardóttur, fyrrverandi alþingismann, Sigríði Snævarr, fyrrverandi sendiherra, og Sigurbjörn Árna Arngrímsson, skólameistara, í orðunefnd. Orðunefnd fer með málefni hinnar íslensku fálkaorðu.

Það er Guðni Th. Jóhannesson forseti Íslands sem gerir tillögu um veitingu orðunnar. Í tilkynningu á vef stjórnarráðsins kemur fram að þau Katrín Jakobsdóttir forsætisráðherra hafi í samráði skipað Drífu, Sigríði og Sigurbjörn Árna í nefndina.

Skipunartími þriggja nefndarmanna, þeirra Guðrúnar Nordal, forstöðumanns, Jóns Egils Egilssonar, fyrrverandi sendiherra, og Svanfríðar Jónasdóttur, fyrrverandi alþingismanns, rennur senn út.

Kristín Ingólfsdóttir, fv. háskólarektor er formaður nefndarinnar en til viðbótar sitja Bogi Ágústsson fréttamaður og Sif Gunnarsdóttir orðuritari í nefndinni sem telur sex manns. 

Fálkaorðan Forseti Íslands Guðni Th. Jóhannesson Ríkisstjórn Katrínar Jakobsdóttur

Tengdar fréttir

For­seti sæmdi fjór­tán fálka­orðu

Guðni Th. Jóhannesson forseti Íslands sæmdi fjórtán manns heiðursmerki hinnar íslensku fálkaorðu við hátíðlega athöfn á Bessastöðum í dag.

Mest lesið


Fleiri fréttir

Sjá meira


×

Mest lesið