Fótbolti

Kristall skoraði tvö í fyrsta byrjunarliðsleiknum með Rosenborg

Atli Arason skrifar
Kristall Máni er mættur til Noregs.
Kristall Máni er mættur til Noregs. RBK.NO

Kristall Máni Ingason var í fyrsta skipti í byrjunarliði Rosenborg þegar liðið fór í heimsókn til Tromsø í norsku úrvalsdeildinni í fótbolta. Kristall skoraði tvö mörk í leiknum sem Rosenborg tapaði 4-3.

August Mikkelsen og Waren Kamanzi komu Tromsø tveimur mörkum yfir áður en Kristall Máni skoraði tvö mörk á fimm mínútum, úr opnum leik og vítaspyrnu. Samuel Rogers náði svo forystu fyrir Rosenborg rétt fyrir leikhlé þar sem hálfleikstölur voru 2-3.

Því miður fyrir Kristall og félaga þá jafnaði Ruben Jenssen leikinn í upphafi síðari hálfleiks áður en August Mikkelsen skoraði sigurmark Tromsø á 92. mínútu.

Sigurinn kemur Tromsø upp í 8. sæti norsku úrvalsdeildarinnar með 24 stig. Rosenborg er hins vegar í 4. sætinu með 37 stig, 11 stigum á eftir toppliði Molde.

Norski boltinn

Mest lesið


Fleiri fréttir

Sjá meira


×

Mest lesið