HK enn á toppnum eftir hádramatík

HK hélt sér á toppnum með því að vinna Selfoss 2-1 á útivelli í toppslag þar sem heimamenn klikkuðu á tveimur vítaspyrnum.

Adam Örn Sveinbjörnsson kom Selfossi yfir og Gary Martin gat aukið muninn í 2-0 fyrir hálfleik en Arnar Freyr Ólafsson varði vítaspyrnu hans.

Í seinni hálfleik komst HK yfir með mörkum frá Stefáni Inga Sigurðarsyni og Arnþóri Ara Atlasyni en Selfoss fékk annað víti tíu mínútum fyrir leikslok, þegar Ívar Örn Jónsson var rekinn af velli. Gonzalo Zamorano tók þá spyrnuna en hitti ekki markið.

Fylkir vann KV 3-2 í Vesturbænum eftir að hafa lent tvívegis undir í leiknum. Þorður Gunnar Hafþórsson skoraði sigurmarkið um miðjan seinni hálfleik.

Níu mörk voru svo skoruð í Grindavík þar sem Afturelding náði að vinna 5-4 sigur í hreint ótrúlegum leik. Marciano Aziz skoraði sigurmark leiksins á 89. mínútu.

Loks unnu Fjölnismenn 6-0 stórsigur á botnliði Þróttar Vogum og komu sér þannig upp í 3. sæti. Fjölnir er með 23 stig, fjórum stigum á eftir Fylki og fimm stigum á eftir toppliði HK.

Á morgun mætast svo Kórdrengir og Þór en umferðinni lýkur á laugardag þegar Vestri tekur á móti Gróttu.

Allar upplýsingar um markaskorara og úrslit eru af Fótbolti.net.