Aðeins eins mánaða og þriggja mánaða gamlar þegar við unnum síðast Ítali

Ísland mætir Ítalíu í kvöld í öðrum leik þjóðanna í D-riðli á Evrópumótinu í Englandi.

Ísland vann Ítalíu í fyrsta og eina skiptið á Laugardalsvellinum 8. september 2001. Olga Færseth skoraði bæði mörk íslenska liðsins í leiknum sem komu á 40. og 55. mínútu.

Tveir lykilmenn íslenska landsliðsins í dag voru báðar nýfæddar á þessum tíma.

Karólína Lea Vilhjálmsdóttir er fædd í ágúst og var nákvæmlega eins mánaða þegar leikurinn fór fram.

Sveindís Jane Jónsdóttir er fædd í júní og var því orðin þriggja mánaða á þessum tíma.

Þær Amanda Jacobsen Andradóttir og Auður Sveinbjörnsdóttir Scheving voru ekki fæddar og Áslaug Munda Gunnlaugsdóttir var þriggja mánaða eins og Sveindís.

Frá þessum sigurleik Íslands þremur dögum fyrir 11. september atburðina í New York þá hafa þjóðirnar spilað fjórum sinnum. Ítalía hefur unnið tvo leiki og tveir hafa endaði með jafntefli.

Olga hefur enn skorað helming markanna sem íslenskt kvennalandslið hefur skorað á móti Ítalíu.