Umfjöllun: Aftur spillti svekkjandi víti fyrir góðri byrjun stelpnanna okkar á EM Óskar Ófeigur Jónsson skrifar 11. júlí 2022 08:15 Berglind Björg Þorvaldsdóttir fagnaði markinu sínu vel en gat ekki gleymt vítinu sem hún lét verja frá sér í fyrri hálfleik. Tilfinningatárin flæddu í leikslok. Vísir/Vilhelm Íslenska kvennalandsliðið í fótbolta var nálægt því að byrja Evrópumótið í Englandi á besta mögulega hátt en varð á endanum að sætta sig við 1-1 jafntefli á móti Belgíu í dag. Íslensku stelpurnar klúðruðu víti, komust yfir og fengu síðan nokkur ágæt tækifæri en niðurstaðan var engu að síður bara eitt stig. Berglind Björg Þorvaldsdóttir bætti fyrir vítaklúður sitt í fyrri hálfleik með því að opna markareikning íslenska landsliðsins á EM í Englandi í þeim síðari en um leið má segja að dómarinn hafi síðan bætt upp fyrir vítadóminn sinn með því að gefa Belgum strangt víti eftir rúmlega klukkutíma leik. Það voru þrjú stig á borðinu í þessum leik og því svekkjandi að ná þeim ekki öllum í hús. Mótið er samt enn þá galopið fyrir okkar konur en leikurinn á móti Ítalíu hefur nú breyst í hálfgerðan úrslitaleik fyrir íslenska liðið. Aftur var það vítaspyrna sem spillti fyrir góðri byrjun en á síðasta Evrópumóti í Hollandi 2017 var það víti rétt fyrir leikslok á móti stórliði Frakka í fyrsta leik. Að þessu var það víti sem færði Belgum stig úr leik þar sem íslenska liðið átti mun meira skilið. Þá hefði jafntefli verið sigur en nú líður stelpunum örugglega eins og þær hafi rétt misst af draumabyrjun. Belgarnir sköpuðu vissulega mikla hættu en færin voru líka að falla til íslenska liðsins og þá sérstaklega til Sveindísar Jane Jónsdóttur. Íslenska liðið gerði strax tilkall til að uppskera meira úr fyrri hálfleik en raun bar vitni. Það skorti hins vegar aðeins upp á gæðin í spilamennskunni í gegnum miðjuna en ungu stelpurnar á köntunum voru beittasta vopnið. Sveindís Jane Jónsdóttir var nálægt þvi að skora í þessum leik og átti afbragðsleik.Vísir/Vilhelm Byrjuðu leikinn á stórsókn Íslensku stelpurnar byrjuðu leikinn samt með stórsókn en það varð framhaldið á því að þrátt fyrir margar lofandi sóknir gekk illa að klára þær markvisst með góðum tækifærum. Belgarnir fengu jafnvel hættulegri færi úr hröðum sóknum sóknum. Íslenska liðinu gekk illa að loka á Janice Cayman í byrjun sem var mikið opin og komst mikið í boltann. Sem betur fer fannst nógu snemma lausn á því. Á móti lyftust allir úr sætunum þegar Sveindís Jane Jónsdóttir fékk boltann. Oft lofaði það góðu en niðurstaðan var ekki eins góð. Það var þó skot hennar sem gaf vítaspyrnu eftir að Varsjáin greip inn í. Gunnhildur Yrsa Jónsdóttir gerði mjög vel í að tryggja það að dómararnir í myndherberginu fengju tækifæri til að skoða atvikið. Berglind Björg Þorvaldsdóttir lét hins vegar Nicky Evrard verja frá sér vítaspyrnuna og gullið tækifæri rann út í sandinn. Hún virkaði ekki sannfærandi fyrir vítið og fór því miður á taugum á þessu stóra augnabliki. Dagný Brynjarsdóttir fór meira að láta til sín taka í föstu leikatriðunum var tvisvar ógnandi, fyrst með skalla og svo þegar hún tæklaði frákast eftir sinn eigin skalla í teignum en boltinn fór yfir. Belgarnir fengu stórhættulegt færi undir lok fyrri hálfleiksins en í framhaldinu fékk íslenska liðið líka nokkur skotfæri í og við teiginn eftir þvögu í kjölfarið á innkasti Sveindísar. Berglind Björg Þorvaldsdóttir gat ekki leynt vonbrigðum sínum með vítið eftir leikinn.Vísir/Vilhelm Bætti fyrir vítaklúðrið Sveindís Jane byrjaði seinni hálfleikinn á því að koma sér í frábært færi eftir mikið einstaklingsframtak. Markvörður Belga, Nicky Evrard, var aftur á móti að fara breytast í hetju leiksins og varði vel frá henni. Tónninn var gefinn og Berglind Björg bætti fyrir vítaklúðrið með því að skora með skalla á fjærstöng eftir frábæran undirbúning frá Karólínu Leu Vilhjálmsdóttur. Gleðin var mikil og smitandi hjá öllu liðinu og í framhaldinu fóru íslensku stelpurnar að herja meira á þær belgísku. Það var því þvert gegn gangi leiksins þegar Belgarnir fengu víti eftir brot Gunnhildar Yrsu á vítateigslínunni. Strangur dómur en líklegast rétt víti. Justine Vanhaevermaet skoraði af miklu öryggi úr spyrnunni. Eftir þetta ógnuðu bæði lið en mörkin urðu þó ekki fleiri. Sandra Sigurðardóttir markvörður slapp með að gefa vítaspyrnu eftir rangstöðu og Sveindís vildi aftur fá víti eftir að varnarmaður fór fyrir skot hennar. Varamennirnir bjuggu næstum því til mark en á endanum kom ekkert í veg fyrir að liðin skiptust á stigi. Það var margt gott við þennan leik og auðvitað má segja að hlutirnir hafi ekki fallið með stelpunum. Þetta var aftur á móti algjört dauðafæri til að ná í þrjú stig. Glódís Perla Viggósdóttir var frábær í miðri vörninni og ungu stelpurnar Sveindís Jane Jónsdóttir og Karólína Lea Vilhjálmsdóttir voru sískapandi hættu. Það er ekki hægt að gagnrýna neinn leikmann liðsins fyrir baráttuleysi eða skort á vinnusemi. Þær lögðu augljóslega allt í þetta og áttu líka meira skilið. EM 2022 í Englandi Landslið kvenna í fótbolta Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Atlético lagði sprækt lið Leipzig Fótbolti Fleiri fréttir Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Sjá meira
Berglind Björg Þorvaldsdóttir bætti fyrir vítaklúður sitt í fyrri hálfleik með því að opna markareikning íslenska landsliðsins á EM í Englandi í þeim síðari en um leið má segja að dómarinn hafi síðan bætt upp fyrir vítadóminn sinn með því að gefa Belgum strangt víti eftir rúmlega klukkutíma leik. Það voru þrjú stig á borðinu í þessum leik og því svekkjandi að ná þeim ekki öllum í hús. Mótið er samt enn þá galopið fyrir okkar konur en leikurinn á móti Ítalíu hefur nú breyst í hálfgerðan úrslitaleik fyrir íslenska liðið. Aftur var það vítaspyrna sem spillti fyrir góðri byrjun en á síðasta Evrópumóti í Hollandi 2017 var það víti rétt fyrir leikslok á móti stórliði Frakka í fyrsta leik. Að þessu var það víti sem færði Belgum stig úr leik þar sem íslenska liðið átti mun meira skilið. Þá hefði jafntefli verið sigur en nú líður stelpunum örugglega eins og þær hafi rétt misst af draumabyrjun. Belgarnir sköpuðu vissulega mikla hættu en færin voru líka að falla til íslenska liðsins og þá sérstaklega til Sveindísar Jane Jónsdóttur. Íslenska liðið gerði strax tilkall til að uppskera meira úr fyrri hálfleik en raun bar vitni. Það skorti hins vegar aðeins upp á gæðin í spilamennskunni í gegnum miðjuna en ungu stelpurnar á köntunum voru beittasta vopnið. Sveindís Jane Jónsdóttir var nálægt þvi að skora í þessum leik og átti afbragðsleik.Vísir/Vilhelm Byrjuðu leikinn á stórsókn Íslensku stelpurnar byrjuðu leikinn samt með stórsókn en það varð framhaldið á því að þrátt fyrir margar lofandi sóknir gekk illa að klára þær markvisst með góðum tækifærum. Belgarnir fengu jafnvel hættulegri færi úr hröðum sóknum sóknum. Íslenska liðinu gekk illa að loka á Janice Cayman í byrjun sem var mikið opin og komst mikið í boltann. Sem betur fer fannst nógu snemma lausn á því. Á móti lyftust allir úr sætunum þegar Sveindís Jane Jónsdóttir fékk boltann. Oft lofaði það góðu en niðurstaðan var ekki eins góð. Það var þó skot hennar sem gaf vítaspyrnu eftir að Varsjáin greip inn í. Gunnhildur Yrsa Jónsdóttir gerði mjög vel í að tryggja það að dómararnir í myndherberginu fengju tækifæri til að skoða atvikið. Berglind Björg Þorvaldsdóttir lét hins vegar Nicky Evrard verja frá sér vítaspyrnuna og gullið tækifæri rann út í sandinn. Hún virkaði ekki sannfærandi fyrir vítið og fór því miður á taugum á þessu stóra augnabliki. Dagný Brynjarsdóttir fór meira að láta til sín taka í föstu leikatriðunum var tvisvar ógnandi, fyrst með skalla og svo þegar hún tæklaði frákast eftir sinn eigin skalla í teignum en boltinn fór yfir. Belgarnir fengu stórhættulegt færi undir lok fyrri hálfleiksins en í framhaldinu fékk íslenska liðið líka nokkur skotfæri í og við teiginn eftir þvögu í kjölfarið á innkasti Sveindísar. Berglind Björg Þorvaldsdóttir gat ekki leynt vonbrigðum sínum með vítið eftir leikinn.Vísir/Vilhelm Bætti fyrir vítaklúðrið Sveindís Jane byrjaði seinni hálfleikinn á því að koma sér í frábært færi eftir mikið einstaklingsframtak. Markvörður Belga, Nicky Evrard, var aftur á móti að fara breytast í hetju leiksins og varði vel frá henni. Tónninn var gefinn og Berglind Björg bætti fyrir vítaklúðrið með því að skora með skalla á fjærstöng eftir frábæran undirbúning frá Karólínu Leu Vilhjálmsdóttur. Gleðin var mikil og smitandi hjá öllu liðinu og í framhaldinu fóru íslensku stelpurnar að herja meira á þær belgísku. Það var því þvert gegn gangi leiksins þegar Belgarnir fengu víti eftir brot Gunnhildar Yrsu á vítateigslínunni. Strangur dómur en líklegast rétt víti. Justine Vanhaevermaet skoraði af miklu öryggi úr spyrnunni. Eftir þetta ógnuðu bæði lið en mörkin urðu þó ekki fleiri. Sandra Sigurðardóttir markvörður slapp með að gefa vítaspyrnu eftir rangstöðu og Sveindís vildi aftur fá víti eftir að varnarmaður fór fyrir skot hennar. Varamennirnir bjuggu næstum því til mark en á endanum kom ekkert í veg fyrir að liðin skiptust á stigi. Það var margt gott við þennan leik og auðvitað má segja að hlutirnir hafi ekki fallið með stelpunum. Þetta var aftur á móti algjört dauðafæri til að ná í þrjú stig. Glódís Perla Viggósdóttir var frábær í miðri vörninni og ungu stelpurnar Sveindís Jane Jónsdóttir og Karólína Lea Vilhjálmsdóttir voru sískapandi hættu. Það er ekki hægt að gagnrýna neinn leikmann liðsins fyrir baráttuleysi eða skort á vinnusemi. Þær lögðu augljóslega allt í þetta og áttu líka meira skilið.
EM 2022 í Englandi Landslið kvenna í fótbolta Mest lesið Slæm byrjun Vals hélt áfram í Garðabænum Handbolti „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Atlético lagði sprækt lið Leipzig Fótbolti Fleiri fréttir Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Stjarnan í vondum málum eftir tap í Írlandi Var hetjan framan af en stóð uppi sem skúrkurinn Markalaust á Etihad Íslendingalið Vålerenga og Wolfsburg með misgóða sigra í Meistaradeildinni Man City saknaði ekki þeirrar markahæstu og Arsenal tapaði í Svíþjóð Keflavík í góðri stöðu Sjá meira