Róbert fær liðsstyrk til Gróttu

Elvar er uppalinn hjá Fjölni í Grafarvoginum en hann hefur leikið síðustu fjögur ár með meistaraflokk liðsins þrátt fyrir að vera einungis 21 árs gamall.

Elvar spilaði stórt hlutverk hjá Fjölni á síðasta tímabili en Fjölnir rétt missti af sæti í efstu deild þegar þeir töpuðu gegn ÍR í úrslitaleiknum í umspili um sæti í efstu deild.

„Elvar Otri er efnilegur leikmaður sem gaman verður að vinna með hjá okkur í Gróttu. Hann býr yfir miklum hæfileikum og er útsjónarsamur leikmaður. Við ætlum að mæta með breiðan og góðan hóp til leiks í haust,“ segir Róbert Gunnarsson þjálfari Gróttu í tilkynningu sem send var á fjölmiðla í kjölfar félagaskiptanna.