Arnar Daði óvænt hættur: „Ég var bara orðinn bensínlaus“ Sindri Sverrisson skrifar 20. maí 2022 15:57 Arnar Daði Arnarsson kom Gróttu upp í úrvalsdeild og var hársbreidd frá því að stýra liðinu í úrslitakeppnina í Olís-deildinni í vor. vísir/hulda margrét Arnar Daði Arnarsson er óvænt hættur sem þjálfari Gróttu í handbolta karla, mánuði eftir að hafa skrifað undir nýjan samning til þriggja ára. Hann segist hreinlega hafa lent á vegg. Handbolti.is greindi fyrst frá því að Arnar Daði væri hættur og að Róbert Gunnarsson, silfurdrengur, tæki við af honum. Tíðindin koma mjög á óvart en á Arnari Daða er að heyra að það spili inn í ákvörðun hans að hafa ekki fengið nægan stuðning í leikmannamálum til að byggja ofan á árangur Gróttu undir hans stjórn síðustu ár. Fyrst og fremst hafi hann þó þurft frí sem sé einfaldlega ekki í boði fyrir þjálfara. „Ég var bara í raun orðinn bensínlaus og ég sá ekki fyrir mér að geta fyllt á tankinn fyrir næsta tímabil,“ segir Arnar Daði við Vísi. Átti erfitt með svefn eftir tímabilið Tímabilinu hjá Gróttu lauk með grátlegum hætti en liðið var hársbreidd frá því að komast í úrslitakeppnina í Olís-deildinni og rangur dómur í leik gegn ÍBV í Vestmannaeyjum í næstsíðustu umferð reyndist liðinu dýrkeyptur. Arnar Daði var svo úrskurðaður í þriggja leikja bann vegna ummæla sinna í kjölfarið. „Eftir tímabilið „krassaði“ ég bara smá. Við vorum búnir að vera í góðum fílingi í nokkra mánuði og Grótta endaði með besta árangurinn í síðustu 5-6 umferðunum, ásamt Val. Það var nánast sjokk að vera flautaðir úr leik í Eyjum og svo fylgdi þetta þriggja leikja bann, og þá hugsaði maður með sér til hvers maður væri að gera þetta. Ég átti í erfiðleikum með svefn eftir tímabilið. Eins og ég hef sagt við stjórnina þá er ég léttklikkaður og líf mitt hefur snúist um ekkert annað en handbolta síðustu tvö ár. Ég varð að setja mig í fyrsta sæti núna,“ segir Arnar Daði sem eins og fyrr segir skrifaði þó undir nýjan samning í síðasta mánuði. Arnar Daði Arnarsson er hættur með Gróttu og hefur ekki hug á að hlusta á tilboð um þjálfun á næstunni.vísir/vilhelm „Aðrar forsendur þegar ég skrifaði undir“ „Það voru aðrar forsendur þegar ég skrifaði undir samninginn, það verða breytingar á liðinu og mér fannst réttast fyrir liðið og hópinn að það kæmi inn ný rödd og nýr þjálfari sem gæti haldið áfram að þróa liðið eins og við Maksim [Akbachev, aðstoðarþjálfari] höfum gert síðustu tvö ár. Við höfum verið í miklu uppbyggingarstarfi með lítinn pening á milli handanna, og höfum unnið með leikmenn sem kostuðu lítið en eru allt í einu orðnir meðal betri leikmanna deildarinnar og eftirsóttir af öðrum liðum. Það hefur tekið mikinn tíma og vinnu að framlengja við þá leikmenn sem þó hafa framlengt samninga sína en svo eru aðrir sem hafa yfirgefið liðið. Þá hugsaði maður með sér hver framtíðarplön Gróttu væru og hver framtíðarplön mín og Maksims væru. Mér fannst við eiginlega vera komnir aftur á byrjunarreit og þurfa að fá 3-4 leikmenn til að byrja upp á nýtt. Við Maksim eru metnaðarfullir og vildum ná lengra, og liðið vildi það líka,“ segir Arnar Daði. Segir félög geta sleppt því að hringja næstu vikurnar Hann segist ekki útiloka að snúa aftur í þjálfun á næstu leiktíð en vill þó sem minnst hugsa um það núna. „Félög geta alveg sleppt því að heyra í mér næstu vikurnar og bjóða mér eitthvað starf. Ég er ekki að fara að hoppa á neitt. Mér líður eins og ég sé að yfirgefa barnið mitt og geri það ekki að ástæðulausu,“ sagði Arnar Daði og bætti við: „Eins og staðan er núna er ég búinn að panta mér þrjár utanlandsferðir í sumar og er með í huga að fara til útlanda næsta vetur líka. En eins og ég hef sagt við strákana í Gróttu þá ætla ég ekki að útiloka að þjálfa einhvers staðar á næsta ári. Líf mitt hefur snúist um handbolta síðan ég var smákrakki og ég held að ég hafi alveg náð að stimpla mig inn sem ágætis nafn í þjálfun. “ „Það er með miklum trega sem ég hef tekið þá ákvörðun að stíga til hliðar sem þjálfari meistaraflokks Gróttu eftir þriggja ára veru,“ segir Arnar Daði um afsögn sína á Facebook en færslu hans má lesa hér að neðan: Olís-deild karla Grótta Seltjarnarnes Mest lesið „Tappinn var settur aftur á kampavínsflöskuna“ Sport Englandsmeistaratitillinn tryggður með stæl Enski boltinn Tvö ólík framboð bárust áður en fresturinn rann út Sport Rosalegt reiðikast Rüdiger sem reyndi að kasta hlut í dómarann Fótbolti Leik lokið: Vestri-Breiðablik 0-1 | Höskuldur hetja Blika annan leikinn í röð Íslenski boltinn Höjlund bjargaði United i blálokin á móti tíu mönnum Bournemouth Enski boltinn Glódís Perla innsiglaði sigur og meistaratitil Bayern Fótbolti Tímabilið gæti verið búið hjá Marcus Rashford Enski boltinn Fjögur lið gætu staðið heiðursvörð fyrir Liverpool Enski boltinn Bellingham fékk líka rautt en Rüdiger gæti fengið tólf leikja bann Fótbolti Fleiri fréttir Sandra og Daníel koma heim og semja bæði við ÍBV Ómar Ingi frábær i fimmta sigri Magdeburg í röð Blomberg-Lippe í undanúrslit og Metzingen tryggði oddaleik Sjö mörk Viggós dugðu ekki til í Íslendingaslagnum Óðinn með stórleik er Kadetten flaug í úrslit Afturelding jafnaði metin í baráttunni um sæti í Olís-deildinni Uppgjörið og viðtöl: Fram - Haukar 18-30 | Gestirnir tóku forsytuna með risasigri Valskonur komust í 13-1 í fyrsta leik sinum í úrslitakeppninni Valur einum sigri frá úrslitum Aldís Ásta og stöllur í úrslitaeinvígið Hópur Snorra fyrir síðustu leikina: Reynir að verða einn af strákunum okkar „Náðum að opna hlutina vel fyrir Ása“ „Magnús Öder hefði fengið þrjú rauð fyrir sömu brot“ Uppgjörið: FH - Fram 36-20 | FH ætlaði augljóslega ekki í snemmbúið sumarfrí Andri Már magnaður í naumu tapi Alfreð kom öllum á óvart með vali sínu „Hætti þessari fortíðarþráhyggju minni með Vestmannaeyjar“ Embla og Eva Björk í ham þegar Stjarnan komst yfir Orri rólegur þegar Sporting tapaði fyrri leiknum Aron tryggði Veszprém jafntefli í Magdeburg Óvænt tap hjá Kolstad en Dana og Óðinn með allt á hreinu „Svona er úrslitakeppnin“ ÍR í undanúrslit eftir sigur með minnsta mun Elvar Örn frábær þegar Melsungen marði sigur Uppgjörið: Afturelding - Valur 31-23 | Mosfellingar jöfnuðu metin með stæl Anton og Jónas dæma stórleikinn í Ungverjalandi Selfoss jafnaði metin Fram einum sigri frá úrslitum Höfðu betur eftir framlengdan leik Aldís Ásta og stöllur einum sigri frá úrslitunum Sjá meira
Handbolti.is greindi fyrst frá því að Arnar Daði væri hættur og að Róbert Gunnarsson, silfurdrengur, tæki við af honum. Tíðindin koma mjög á óvart en á Arnari Daða er að heyra að það spili inn í ákvörðun hans að hafa ekki fengið nægan stuðning í leikmannamálum til að byggja ofan á árangur Gróttu undir hans stjórn síðustu ár. Fyrst og fremst hafi hann þó þurft frí sem sé einfaldlega ekki í boði fyrir þjálfara. „Ég var bara í raun orðinn bensínlaus og ég sá ekki fyrir mér að geta fyllt á tankinn fyrir næsta tímabil,“ segir Arnar Daði við Vísi. Átti erfitt með svefn eftir tímabilið Tímabilinu hjá Gróttu lauk með grátlegum hætti en liðið var hársbreidd frá því að komast í úrslitakeppnina í Olís-deildinni og rangur dómur í leik gegn ÍBV í Vestmannaeyjum í næstsíðustu umferð reyndist liðinu dýrkeyptur. Arnar Daði var svo úrskurðaður í þriggja leikja bann vegna ummæla sinna í kjölfarið. „Eftir tímabilið „krassaði“ ég bara smá. Við vorum búnir að vera í góðum fílingi í nokkra mánuði og Grótta endaði með besta árangurinn í síðustu 5-6 umferðunum, ásamt Val. Það var nánast sjokk að vera flautaðir úr leik í Eyjum og svo fylgdi þetta þriggja leikja bann, og þá hugsaði maður með sér til hvers maður væri að gera þetta. Ég átti í erfiðleikum með svefn eftir tímabilið. Eins og ég hef sagt við stjórnina þá er ég léttklikkaður og líf mitt hefur snúist um ekkert annað en handbolta síðustu tvö ár. Ég varð að setja mig í fyrsta sæti núna,“ segir Arnar Daði sem eins og fyrr segir skrifaði þó undir nýjan samning í síðasta mánuði. Arnar Daði Arnarsson er hættur með Gróttu og hefur ekki hug á að hlusta á tilboð um þjálfun á næstunni.vísir/vilhelm „Aðrar forsendur þegar ég skrifaði undir“ „Það voru aðrar forsendur þegar ég skrifaði undir samninginn, það verða breytingar á liðinu og mér fannst réttast fyrir liðið og hópinn að það kæmi inn ný rödd og nýr þjálfari sem gæti haldið áfram að þróa liðið eins og við Maksim [Akbachev, aðstoðarþjálfari] höfum gert síðustu tvö ár. Við höfum verið í miklu uppbyggingarstarfi með lítinn pening á milli handanna, og höfum unnið með leikmenn sem kostuðu lítið en eru allt í einu orðnir meðal betri leikmanna deildarinnar og eftirsóttir af öðrum liðum. Það hefur tekið mikinn tíma og vinnu að framlengja við þá leikmenn sem þó hafa framlengt samninga sína en svo eru aðrir sem hafa yfirgefið liðið. Þá hugsaði maður með sér hver framtíðarplön Gróttu væru og hver framtíðarplön mín og Maksims væru. Mér fannst við eiginlega vera komnir aftur á byrjunarreit og þurfa að fá 3-4 leikmenn til að byrja upp á nýtt. Við Maksim eru metnaðarfullir og vildum ná lengra, og liðið vildi það líka,“ segir Arnar Daði. Segir félög geta sleppt því að hringja næstu vikurnar Hann segist ekki útiloka að snúa aftur í þjálfun á næstu leiktíð en vill þó sem minnst hugsa um það núna. „Félög geta alveg sleppt því að heyra í mér næstu vikurnar og bjóða mér eitthvað starf. Ég er ekki að fara að hoppa á neitt. Mér líður eins og ég sé að yfirgefa barnið mitt og geri það ekki að ástæðulausu,“ sagði Arnar Daði og bætti við: „Eins og staðan er núna er ég búinn að panta mér þrjár utanlandsferðir í sumar og er með í huga að fara til útlanda næsta vetur líka. En eins og ég hef sagt við strákana í Gróttu þá ætla ég ekki að útiloka að þjálfa einhvers staðar á næsta ári. Líf mitt hefur snúist um handbolta síðan ég var smákrakki og ég held að ég hafi alveg náð að stimpla mig inn sem ágætis nafn í þjálfun. “ „Það er með miklum trega sem ég hef tekið þá ákvörðun að stíga til hliðar sem þjálfari meistaraflokks Gróttu eftir þriggja ára veru,“ segir Arnar Daði um afsögn sína á Facebook en færslu hans má lesa hér að neðan:
Olís-deild karla Grótta Seltjarnarnes Mest lesið „Tappinn var settur aftur á kampavínsflöskuna“ Sport Englandsmeistaratitillinn tryggður með stæl Enski boltinn Tvö ólík framboð bárust áður en fresturinn rann út Sport Rosalegt reiðikast Rüdiger sem reyndi að kasta hlut í dómarann Fótbolti Leik lokið: Vestri-Breiðablik 0-1 | Höskuldur hetja Blika annan leikinn í röð Íslenski boltinn Höjlund bjargaði United i blálokin á móti tíu mönnum Bournemouth Enski boltinn Glódís Perla innsiglaði sigur og meistaratitil Bayern Fótbolti Tímabilið gæti verið búið hjá Marcus Rashford Enski boltinn Fjögur lið gætu staðið heiðursvörð fyrir Liverpool Enski boltinn Bellingham fékk líka rautt en Rüdiger gæti fengið tólf leikja bann Fótbolti Fleiri fréttir Sandra og Daníel koma heim og semja bæði við ÍBV Ómar Ingi frábær i fimmta sigri Magdeburg í röð Blomberg-Lippe í undanúrslit og Metzingen tryggði oddaleik Sjö mörk Viggós dugðu ekki til í Íslendingaslagnum Óðinn með stórleik er Kadetten flaug í úrslit Afturelding jafnaði metin í baráttunni um sæti í Olís-deildinni Uppgjörið og viðtöl: Fram - Haukar 18-30 | Gestirnir tóku forsytuna með risasigri Valskonur komust í 13-1 í fyrsta leik sinum í úrslitakeppninni Valur einum sigri frá úrslitum Aldís Ásta og stöllur í úrslitaeinvígið Hópur Snorra fyrir síðustu leikina: Reynir að verða einn af strákunum okkar „Náðum að opna hlutina vel fyrir Ása“ „Magnús Öder hefði fengið þrjú rauð fyrir sömu brot“ Uppgjörið: FH - Fram 36-20 | FH ætlaði augljóslega ekki í snemmbúið sumarfrí Andri Már magnaður í naumu tapi Alfreð kom öllum á óvart með vali sínu „Hætti þessari fortíðarþráhyggju minni með Vestmannaeyjar“ Embla og Eva Björk í ham þegar Stjarnan komst yfir Orri rólegur þegar Sporting tapaði fyrri leiknum Aron tryggði Veszprém jafntefli í Magdeburg Óvænt tap hjá Kolstad en Dana og Óðinn með allt á hreinu „Svona er úrslitakeppnin“ ÍR í undanúrslit eftir sigur með minnsta mun Elvar Örn frábær þegar Melsungen marði sigur Uppgjörið: Afturelding - Valur 31-23 | Mosfellingar jöfnuðu metin með stæl Anton og Jónas dæma stórleikinn í Ungverjalandi Selfoss jafnaði metin Fram einum sigri frá úrslitum Höfðu betur eftir framlengdan leik Aldís Ásta og stöllur einum sigri frá úrslitunum Sjá meira