Rekst á við hefðbundnar hugmyndir um karlmennsku

Stelpustrákur er um að rekast á við hefðbundnar hugmyndir um karlmennsku, að eiga sér ekki uppáhalds lið í ensku deildinni, að vita ekki muninn á pool og snóker, að velja sojaborgara fram yfir hinn, að vera ekki handlaginn, að vilja frekar horfa á Star Trek heldur en fótbolta.

Lagið samdi Sveinn með bróður sínum Kristmundi þegar þeir voru í hljómsveitinni Girlieboys með Daníel vini þeirra. Kristmundur samdi lagið og Sveinn textann. Þegar bandið hætti fór lagið ofan í skúffu en nýlega dustaði Sveinn rykið af því og setti í nýjan búning.

Lagið er fyrsta smáskífan af plötu sem Sveinn er að taka upp í hljóðverinu Aldingarðurinn en Magnús Leifur Sveinsson stýrir upptökum og leikur með Sveini á ýmis hljóðfæri.

Fylgstu mð Sveini á:Sveinngudmundsson.com /Facebook/ Instagram