Allt að 14 stiga hiti á morgun

Þetta kemur fram á vef Veðurstofunnar en þar segir að búast megi við suðaustan 8 til 15 metrum á morgun og rigningu, en bjartviðri norðaustanlands. Dregur úr vindi og úrkomu seinnipartinn á morgun og búast má við því að annað kvöld verði veðrið orðið nokkuð rólegt.

Helstu tíðindin eru kannski þau að spáð er 7 til 14 stiga hita á morgun, en hlýjast verður fyrir norðan.

Á sunnudag er búist við hægum vindi og lítilli úrkomu, en heldur mun kólna í veðri samanborið við daginn á undan.