Fótbolti

Bæjarar skoruðu fjögur í síðari hálfleik

Runólfur Trausti Þórhallsson skrifar
Serge Gnabry skoraði eitt og lagði upp annað í 4-1 sigri.
Serge Gnabry skoraði eitt og lagði upp annað í 4-1 sigri. EPA-EFE/RONALD WITTEK

Þýskalandsmeistarar Bayern München unnu 4-1 útisigur á Freiburg í þýsku úrvalsdeildinni í knattspyrnu í dag.

Eftir markalausan fyrri hálfleik kom Leon Goretzka gestunum yfir þegar tæp klukkustund var liðin af leiknum. Nils Petersen jafnaði metin fyrir heimamenn áður en gestirnir tóku yfir.

Serge Gnabry kom Bayern yfir á nýjan leik á 73. mínútu og tæpum tíu mínútum síðar skoraði Kingsley Coman þriðja mark gestanna. Marcel Sabitzer skoraði svo fjórða og síðasta markið þegar sex mínútur voru komnar fram yfir venjulegan leiktíma.

Lokatölur 4-1 og Bayern nú með níu stiga forystu á Borussia Dortmund sem á þó lek til góða gegn RB Leipzig síðar í dag.

Fótbolti Þýski boltinn

Mest lesið


Fleiri fréttir

Sjá meira


×

Mest lesið