Miklu æstari en Gummi Ben þegar Benzema kláraði þrennuna á móti PSG

Parísarliðið var í frábærum málum eftir að það komst í 1-0 í leiknum og hafði auk þess unnið fyrri leikinn 1-0.

Benzema var hins vegar örlagavaldur Parísarliðsins og þriðja markið hans, sem á endanum afgreiddi einvígið, kom mjög óvænt strax eftir annað markið.

Guðmundur Benediktsson lýsti markinu á sinn snilldarhátt á Stöð 2 Sport þar sem hann var kominn á sama tíðnisvið og á EM 2016 þegar lýsingar hans gerðu hann heimsfrægan.

Gummi Ben var hins vegar ekki sá eini sem missti sig við þriðja markið hans Benzema.

Einn ágætur fjölskyldufaðir var líka afar sáttur með Benzema á þessum tímapunkti eins og sjá má hér fyrir neðan. Dóttirin skilur ekki alveg í pabba sínum sem missir sig.