Fótbolti

Mbappe fór mikinn í endurkomusigri PSG

Arnar Geir Halldórsson skrifar
Skytturnar þrjár.
Skytturnar þrjár. vísir/Getty

Lionel Messi, Kylian Mbappe og Neymar voru allir í byrjunarliði PSG sem fékk Saint-Etienne í heimsókn í frönsku úrvalsdeildinni í fótbolta í kvöld.

Það blés ekki byrlega fyrir stjörnum prýddu liði Parísar því Denis Bouanga kom gestunum yfir snemma leiks.

Mbappe náði að jafna metin fyrir PSG fyrir leikhlé og var staðan jöfn í leikhléi, 1-1.

Strax í upphafi síðari hálfleiks skoraði Mbappe sitt annað mark þegar hann skoraði eftir góðan undirbúning Messi. 

Á 52.mínútu var komið að Mbappe að leggja upp mark en það gerði hann fyrir hinn portúgalska Danilo Pereira.

Fleiri urðu mörkin ekki og 3-1 sigur PSG staðreynd en liðið hefur fjórtán stiga forystu á toppi deildarinnar.

Franski boltinn

Mest lesið


Fleiri fréttir

Sjá meira


×

Mest lesið