Innlent

3.372 greindust innanlands í gær

Vésteinn Örn Pétursson skrifar
Nú liggja 56 inni á Landspítalanum með Covid-19.
Nú liggja 56 inni á Landspítalanum með Covid-19. Vísir/Vilhelm

Í gær greindust 3.412 með Covid-19 hér á landi. Þar af greindust 40 á landamærunum. Það gera 3.372 innanlandssmit sem greindust í gær.

Þetta kemur fram í bráðabirgðatölum frá Almannavörnum. Covid.is, upplýsingasíða Almannavarna og Landlæknisembættisins, er sem fyrr uppfærð á virkum dögum og því verður hægt að nálgast nánari tölulegar upplýsingar um framgang faraldursins á mánudag.

Nú liggja 56 inni á Landspítala með Covid-19, að því er fram kemur í tilkynningu á vef Landspítala. Tveir þeirra eru á gjörgæslu, en annar þeirra er í öndunarvél.

Í tilkynningu spítalans kemur ekki fram hversu stór hluti inniliggjandi Covid-sjúklinga lagðist inn vegna veikinda af völdum Covid.

Faraldur kórónuveiru (COVID-19) Landspítalinn

Mest lesið


Fleiri fréttir

Sjá meira


×

Mest lesið