Gordon Murray er ábyrgur fyrir hönnun einhverra mögnuðustu Formúlu 1 bíla sögunnar. Brabham BT52 sem dæmi. Auk þess hannaði hann einn beinskeyttasta götubíl sögunnar í hinum einstaka McLaren F1. Hönnuður T.33 hefur því ágætis ferilskrá.
Myndband frá kynningu á T.33 frá GMA (Gordon Murray Automotive)
„Með T.33 öðrum nýja bílnum okkar [bílasmíðafyrirtækis Murray] var markmiðið einfalt. Að skapa aðra tímalausa hönnun. Hann hefur verið hannaður og smíðaður samkvæmt sömu stöðlum og T.50, með sömu áherslu á ökumanninn, frammistöðu, léttan bíl, yfirburði og hreina hönnun en útkoman er allt öðru vísi bifreið [en T.50]. Þetta er bíll þar sem þægindi, áreynslulaus frammistaða og dagleg notagildi voru sett framar í forgangsröðina.“ sagði Murray við kynningu bílsins. „Hann er ekki stór eða breiður miðað við nútíma ofurbíla,“ bætti Murray við.
Murray segir að þegar maður er með bestu V12 vél í sögu sprengihreyfla þá er bilun að nota hana ekki aftur. Að því sögðu hefur hún verið aðlöguð og stillt til að henta betur langferðum sem T.33 er ætlaður í.
„Ég hef alltaf viljað hanna bifreið þar sem loftinntakið er á vélinni líkt og á Formúlu 1 bílum á áttunda áratugnum. Á T.33 hreyfist loftinntakið á bílnum sjálfstætt þrátt fyrir að það nái upp fyrir þakið,“ sagði Murray að lokum.
