Afþreying í einangrun

Unforgettable

Sakamálaþættir um rannsóknarlögreglukonu sem er gædd þeim hæfileika að muna bókstaflega allt það sem hún hefur upplifað og getur séð það fyrir sér myndrænt.

Dr. Death

Sönn saga um skurðlækninn Christopher Duntsch sem skildi eftir sig blóðuga slóð.

Svörtu sandar

Íslenskir sakamálaþættir um lögreglukonuna Anítu sem snýr aftur á æskuslóðir, sem hún flúði 15 árum áður. Á meðan hún rannsakar andlát konu sem finnst á ströndinni tekst hún á við fortíðardrauga sem sækja á hana. Fyrstu sex þættirnir eru komnir inn á Stöð 2+ en seinustu tveir þættirnir koma næsta sunnudagskvöld.

Temptation Island

Fjögur pör leggja samband sitt á línuna þegar þau dvelja á eyju þar sem þau munu búa ásamt einhleypum einstaklingum sem hafa það markmið að stía pörunum í sundur.

Schitt‘s Creek

Þegar Rose fjölskyldan tapar aleigu sinni neyðast þau til að byrja upp á nýtt í smábænum Schitt‘s Creek.

Agent Hamilton

Sænskir spennuþættir um Carl Hamilton sem hefur nýverið lokið leynilegri þjálfun þegar röð hryðjuverka eru framin í Svíþjóð. Hann er fenginn til að aðstoða við rannsókn málsins en áttar sig þó fljótlega á því að hann er kominn í lífshættulega stöðu á móti óvini sem teygir anga sína inn í rússnesku-, sænsku- og bandarísku leyniþjónustuna.

Anna Eiríks – Hreyfum okkur saman

Skemmtilegir 15 mínútna þættir með mismunandi áherslum. Anna Eiríks sýnir okkur æfingar sem flest allir ættu að ráða við. Í sóttkví eða einangrun getur verið gott að standa upp og hreyfa sig smá.

House

Læknirinn Gregory House tekur að sér furðulegustu og flóknustu málin og reynir að leysa þau í tæka tíð ásamt teyminu sínu.

Coroner

Leyndardómsfullir sakamálaþættir um Jenny Cooper sem starfar sem dánardómstjóri í Toronto. Hún hefur sína djöfla að draga ásamt því að hafa óheilbrigðan áhuga á dauðanum. Fyrstu tvær þáttaraðirnar af þessum dularfullu þáttum eru aðgengilegar á Stöð 2+ og nýr þáttur í þriðju seríu bætist við í viku hverri.