Inga skaut fast í ýmsar áttir í fjörugu viðtali Tryggvi Páll Tryggvason skrifar 11. janúar 2022 10:57 Inga Sæland lét vaða á súðum í Bítinu á Bylgjunni í morgun. Vísir/Vilhelm Nýr heilbrigðisráðherra, stjórnvöld, þáttastjórnendur Bítisins á Bylgjunni, fjölmiðlamaðurinn Einar Þorsteinsson og kaffið í Bylgjustúdíóinu á Suðurlandsbraut fengu að heyra það þegar Inga Sæland mætti í viðtal í Bítið í morgun. Tilefni viðtalsins var Facebook-færsla Ingu þar sem hún sagði ríkisstjórnina og Willum Þór Þórsson heilbrigðisráðherra vera að bjóða upp á sænsku leiðina svokölluðu í viðbrögðum vegna kórónuveirufaraldursins. „Ég er bara að meina það að það er verið að láta veiruna gossa yfir okkur eins og sést á öllum tölum, smittölum, sóttkvíar og einangrunartölum,“ sagði Inga aðspurð um hvað hún ætti við með sænsku leiðinni. Gunnlaugur Helgason, annar þáttastjórnandi þáttarins, benti henni þá á að ómíkronafbrigðið væri meira smitandi en önnur afbrigði. „Kommon, í guðanna bænum. Hverjir heldur þú að stjórni hérna sóttvörnum, heldur þú að það sé veiran sjálf? Heldur þú að við vitum ekki að hún gengur í gegnum landamærin?“ sagði Inga. Sagðist hún vilja mun hertari aðgerðir á landamærum svo að lífið innanlands gæti verið sem eðlilegast fyrir landsmenn og þá sem búa hérna. Skaut fast á Willum fyrir undanþágur á Þorláksmessu Hófst þá umræða um skimanir á landamærum og hvort nóg væri að gert þar. Færðist fjör í leikinn þegar þáttastjórnendur gengu á Ingu og spurðu hana hvað hún myndi vilja gera á landamærunum. „Ég var að segja það, eruð þið treggáfaðir? Hvað er að ykkur eiginlega? Ég er að segja það að ég vildi halda þessu þannig sem það var. Það var þannig í ágætis tíma. Við höfðum þannig control að við þurftum ekki að hafa áhyggjur af því að spítalinn okkar væri að fara á hliðina, við þurftum ekki að hafa áhyggjur af því að það væru að leggjast inn 39 einstaklingar, einn tveir og þrír. Við þyrftum ekki að hafa áhyggjur af því að loka Klíníkinni eða einu eða neinu til að kalla eftir hjúkrunarfræðingum inn í heilbrigðiskerfið okkar vegna þess að það er hreinlega að gefast upp og sligast,“ sagði Inga. Inga skaut á suma kalla á þingi í viðtalinu.Vísir/Vilhelm Sagði hún Íslendinga vera í kjöraðstæðum, búandi á eyju, til að halda kórónuveirunni frá Íslandi. Sendi hún þá Willumi Þór Þórssyni heilbrigðisráðherra væna pillu. „En það sem er að gerast núna eins og nýr heilbrigðisráðherra setur allt í einu fullt af undanþágum á Þorláksmessuda, mesta fyllerísdag ársins,“ sagði Inga Sæland. „Allt í lagi komið bara til okkar, við skulum bara djamma og hafa það næs, í blússandi Covid. Hver í ósköpunum gerir svona?“ „Þú gafst mér þetta kaffi, Gulli. Hvað er í þessu?“ Þegar Heimir Karlsson, hinn þáttastjórnandi Bítisins, sagði við Ingu að hún hafi verið ósátt við viðbrögð stjórnvalda við faraldrinum frá upphafi, svaraði hún til að Heimir væri að verða eins og sumir kallarnir á þinginu. „Þú ert að verða eins og sumir karlarnir í þinghúsinu sem leggja manni orð í munn. Þetta er alveg með ólíkindum,“ sagði Inga. Barst þá talið af kaffinu sem boðið var upp í Bylgjustúdíóinu en Heimir velti því upp hvað væri eiginlega í kaffinu. „Það varst þú sem gafst mér þetta kaffi. Þú gafst mér þetta kaffi, Gulli. Hvað er í þessu?“ sagði Inga á léttu nótunum. Inga Sæland sagði að væri hún heilbrigðisráherra þyrfti Bjarni Benediktsson, fjármálaráðherra, að finna út úr því hvernig ætti að bæta þeim sem yrðu fyrir barðinu á hertum sóttvarnaraðgerðum tjónið.Vísir/Vilhelm „Ég er næstum því farin að halda að ég sé komin í Kastljós með Einari Þorsteinssyni,“ sagði Inga og uppskar mikinn hlátur. Myndi herða aðgerðir á landamærum væri hún við stjórnartaumana Í viðtalinu báðu Heimir og Gunnlaugur um að segja hvað hún myndi gera ef hún væri heilbrigðisráðherra í dag. „Ég myndi negla niður á landamærunum algjörlega á stundinni og fækka hér innkomu ferðamanna þangað til ég væri búinn að ná valdi á því að geta skimað alla sem koma hingað.“ Hvað ætlarðu að gera fyrir ferðafyrirtækin í staðinn? „Bara gefa þeim fullt af peningum“ Og hvar eiga þeir peningar að koma? „Spurðu Bjarna, þú varst bara að biðja mig um að vera heilbrigðisráðherra,“ svaraði Inga sem taldi ríkissjóð eiga næga fjármuni til þess að leysa úr þeim vanda. Viðtalinu lauk á léttu nótunum þegar Gunnlaugur Helgason lýsti því yfir að líklega hafi þetta verið skemmtilegasta viðtal sem þeir Bítismenn hefðu tekið við Ingu. Sjálf deilir Inga viðtalinu á Facebook með broskalli og textanum „Eldhress þáttur í Bítinu svona í morgunsárið“. Horfa má á viðtalið í heild sinni hér að ofan. Faraldur kórónuveiru (COVID-19) Bítið Flokkur fólksins Mest lesið Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Svikahrappur beið eftir flugferð framkvæmdastjórans Innlent Hvalreki í Njarðvík við Borgarfjörð eystri Innlent Forsætisráðherra vill sjá nýtt fangelsi á Stóra Hrauni sem fyrst Innlent Stöðvaður á 116 kílómetra hraða Innlent Greint frá dánarorsök páfans Erlent Dæmi um að fyrirtæki tapi tugum milljóna í „forstjórasvindli“ Innlent Vildu ekki til Íslands þegar loks bauðst að snúa heim Innlent Fleiri fréttir Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Sjá meira
Tilefni viðtalsins var Facebook-færsla Ingu þar sem hún sagði ríkisstjórnina og Willum Þór Þórsson heilbrigðisráðherra vera að bjóða upp á sænsku leiðina svokölluðu í viðbrögðum vegna kórónuveirufaraldursins. „Ég er bara að meina það að það er verið að láta veiruna gossa yfir okkur eins og sést á öllum tölum, smittölum, sóttkvíar og einangrunartölum,“ sagði Inga aðspurð um hvað hún ætti við með sænsku leiðinni. Gunnlaugur Helgason, annar þáttastjórnandi þáttarins, benti henni þá á að ómíkronafbrigðið væri meira smitandi en önnur afbrigði. „Kommon, í guðanna bænum. Hverjir heldur þú að stjórni hérna sóttvörnum, heldur þú að það sé veiran sjálf? Heldur þú að við vitum ekki að hún gengur í gegnum landamærin?“ sagði Inga. Sagðist hún vilja mun hertari aðgerðir á landamærum svo að lífið innanlands gæti verið sem eðlilegast fyrir landsmenn og þá sem búa hérna. Skaut fast á Willum fyrir undanþágur á Þorláksmessu Hófst þá umræða um skimanir á landamærum og hvort nóg væri að gert þar. Færðist fjör í leikinn þegar þáttastjórnendur gengu á Ingu og spurðu hana hvað hún myndi vilja gera á landamærunum. „Ég var að segja það, eruð þið treggáfaðir? Hvað er að ykkur eiginlega? Ég er að segja það að ég vildi halda þessu þannig sem það var. Það var þannig í ágætis tíma. Við höfðum þannig control að við þurftum ekki að hafa áhyggjur af því að spítalinn okkar væri að fara á hliðina, við þurftum ekki að hafa áhyggjur af því að það væru að leggjast inn 39 einstaklingar, einn tveir og þrír. Við þyrftum ekki að hafa áhyggjur af því að loka Klíníkinni eða einu eða neinu til að kalla eftir hjúkrunarfræðingum inn í heilbrigðiskerfið okkar vegna þess að það er hreinlega að gefast upp og sligast,“ sagði Inga. Inga skaut á suma kalla á þingi í viðtalinu.Vísir/Vilhelm Sagði hún Íslendinga vera í kjöraðstæðum, búandi á eyju, til að halda kórónuveirunni frá Íslandi. Sendi hún þá Willumi Þór Þórssyni heilbrigðisráðherra væna pillu. „En það sem er að gerast núna eins og nýr heilbrigðisráðherra setur allt í einu fullt af undanþágum á Þorláksmessuda, mesta fyllerísdag ársins,“ sagði Inga Sæland. „Allt í lagi komið bara til okkar, við skulum bara djamma og hafa það næs, í blússandi Covid. Hver í ósköpunum gerir svona?“ „Þú gafst mér þetta kaffi, Gulli. Hvað er í þessu?“ Þegar Heimir Karlsson, hinn þáttastjórnandi Bítisins, sagði við Ingu að hún hafi verið ósátt við viðbrögð stjórnvalda við faraldrinum frá upphafi, svaraði hún til að Heimir væri að verða eins og sumir kallarnir á þinginu. „Þú ert að verða eins og sumir karlarnir í þinghúsinu sem leggja manni orð í munn. Þetta er alveg með ólíkindum,“ sagði Inga. Barst þá talið af kaffinu sem boðið var upp í Bylgjustúdíóinu en Heimir velti því upp hvað væri eiginlega í kaffinu. „Það varst þú sem gafst mér þetta kaffi. Þú gafst mér þetta kaffi, Gulli. Hvað er í þessu?“ sagði Inga á léttu nótunum. Inga Sæland sagði að væri hún heilbrigðisráherra þyrfti Bjarni Benediktsson, fjármálaráðherra, að finna út úr því hvernig ætti að bæta þeim sem yrðu fyrir barðinu á hertum sóttvarnaraðgerðum tjónið.Vísir/Vilhelm „Ég er næstum því farin að halda að ég sé komin í Kastljós með Einari Þorsteinssyni,“ sagði Inga og uppskar mikinn hlátur. Myndi herða aðgerðir á landamærum væri hún við stjórnartaumana Í viðtalinu báðu Heimir og Gunnlaugur um að segja hvað hún myndi gera ef hún væri heilbrigðisráðherra í dag. „Ég myndi negla niður á landamærunum algjörlega á stundinni og fækka hér innkomu ferðamanna þangað til ég væri búinn að ná valdi á því að geta skimað alla sem koma hingað.“ Hvað ætlarðu að gera fyrir ferðafyrirtækin í staðinn? „Bara gefa þeim fullt af peningum“ Og hvar eiga þeir peningar að koma? „Spurðu Bjarna, þú varst bara að biðja mig um að vera heilbrigðisráðherra,“ svaraði Inga sem taldi ríkissjóð eiga næga fjármuni til þess að leysa úr þeim vanda. Viðtalinu lauk á léttu nótunum þegar Gunnlaugur Helgason lýsti því yfir að líklega hafi þetta verið skemmtilegasta viðtal sem þeir Bítismenn hefðu tekið við Ingu. Sjálf deilir Inga viðtalinu á Facebook með broskalli og textanum „Eldhress þáttur í Bítinu svona í morgunsárið“. Horfa má á viðtalið í heild sinni hér að ofan.
Faraldur kórónuveiru (COVID-19) Bítið Flokkur fólksins Mest lesið Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Svikahrappur beið eftir flugferð framkvæmdastjórans Innlent Hvalreki í Njarðvík við Borgarfjörð eystri Innlent Forsætisráðherra vill sjá nýtt fangelsi á Stóra Hrauni sem fyrst Innlent Stöðvaður á 116 kílómetra hraða Innlent Greint frá dánarorsök páfans Erlent Dæmi um að fyrirtæki tapi tugum milljóna í „forstjórasvindli“ Innlent Vildu ekki til Íslands þegar loks bauðst að snúa heim Innlent Fleiri fréttir Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Sjá meira
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent