Leikkonan Kaley Cuoco sprangar um Reykjavík

Leikkonan er hvað þekktust fyrir hlutverk sitt í hinum gríðarlega vinsælu gamanþáttum The Big Bang Theory sem lauk árið 2019. Þar lék Cuoco hina góðkunnu Penny í alls tólf þáttaröðum.

Síðastliðinn sólarhring hefur leikkonan deilt myndum frá Íslandsferð sinni á Instagram-hringrás sinni þar sem hún sýnir meðal annars frá fundi með jólasveini við Novasvellið á Ingólfstorgi og þegar hún drekkur alsæl úr nýju íslensku kaffikönnunni sinni. 

Þá greinir hún stolt frá því að vinahópurinn hafi gert sér leið á Domino‘s og Aktu taktu til að kynna sér íslenska matarmenningu.