Enginn tekið fleiri skot en Messi án þess að skora

Argentínumaðurinn hefur ekki enn skorað deildarmark fyrir frönsku risana í fjórum leikjum, en hann var tekinn af velli í hálfleik er liðið vann 2-1 endurkomusigur gegn Lille í gærkvöldi.

Messi er raunar sá leikmaður sem hefur tekið flest skot í deildinni án þess að boltinn endi í netinu. Hann hefur látið vaða 15 sinnum, en á enn eftir að finna netmöskvana. Þetta er versta byrjun á tímabili hjá Messi í 16 ár.

Á tíma sínum hjá Barcelona skoraði Messi 474 mörk í 520 deildarleikjum.

Argentínski galdramaðurinn hefur þó farið vel af stað í Meistaradeildinni, en þar hefur hann skorað þrjú mörk í jafn mörgum leikjum.