Haki sendir frá sér sína aðra plötu

Á plötunni vinnur Viktor Frank flest lögin með Haka, aðrir upptökustjórar sem komu við sögu eru Ásgeir Orri Ásgeirsson, Ýmir Rúnarsson (Whyrun) og Eyþór Andri. Áður hafa komið út lögin Flýg sem var eitt mest spilaða lagið árið 2020, Ekkert vesen á mér (feat. Huginn) og Hverfisgata.

Í laginu Flýg notar Haki brot úr lagi Bubba Morthens, Velkomin. Lagið er af plötunni Regnbogans stræti sem Bubbi gaf út árið 2019. Haki gaf út plötuna OFFLINE í september 2019. Platan var unnin með pródúsernum Ými Rúnarssyni (Whyrun) og Sæmundi Hrafni Lindusyni (Slæmi). Skellið essu á fóninn og hækkið í botn!

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.