Látin eftir stungu­á­rás á vinnu­mála­skrif­stofu í Bergen

Norskir fjölmiðlar segja frá því að maðurinn hafi stungið tvær konur, starfsmenn skrifstofunnar. Um eittleytið í dag var svo greint frá því að önnur þeirra hafi látist af sárum sínum. 

Hin konan sem særðist er á fertugsaldri og dvelur ná sjúkrahúsi. Hún er ekki alvarlega særð.

Tilkynnt var um árásina upp úr klukkan 10 að staðartíma í morgun. Hún átti sér stað á skrifstofu norsku Vinnumálastofnunarinnar við Danmerkurtorg í hverfinu Årstad í Bergen.

Árásarmaðurinn , sem er á fertugsaldri, var handtekinn á vettvangi af lögreglu.