Sagði nei þegar Bjarni bað hana um að byrja með sér Elma Rut Valtýsdóttir skrifar 16. september 2021 06:00 Bjarni Benediktsson og Þóra Margrét Baldvinsdóttir byrjuðu saman þegar þau voru táningar og eiga saman fjögur börn. Betri helmingurinn Þau Bjarni Benediktsson og Þóra Margrét Baldvinsdóttir byrjuðu saman þegar þau voru táningar. Þóru leist þó ekki alveg nógu vel á Bjarna í fyrstu og sagði nei þegar hann bað hana fyrst um að byrja með sér. Í dag eiga þau þó yfir þrjátíu ára samband að baki, þótt Bjarni viðurkenni að þau séu vissulega þrjú í sambandinu; Þóra, Bjarni og farsíminn hans. Bjarni er fjármálaráðherra Íslands ásamt því að hafa verið formaður Sjálfstæðisflokksins síðan árið 2009. Bjarni var í lögmennsku áður en hann sneri sér að pólitík en hann hefur verið alþingismaður frá árinu 2003. Betri helmingur Bjarna, Þóra Margrét , er mikill fagurkeri og hefur hjálpað fjölmörgum Íslendingum að fegra heimili sín. Hún hefur starfað sem hönnunarráðgjafi, ásamt því að sjá um stórt heimili þeirra Bjarna. Saman eiga þau fjögur börn en tuttugu ár eru á milli þess elsta og þess yngsta. Þau Bjarni og Þóra voru gestir í tuttugasta og öðrum þætti af hlaðvarpinu Betri helmingurinn með Ása sem hóf göngu sína síðasta vor. Umsjónarmaður þáttanna er Ásgrímur Geir Logason. Hann fær til sín þjóðþekkta einstaklinga ásamt þeirra betri helming og ræðir um ástarsambandið, lífið og tilveruna. Hafnaði Bjarna en snerist hugur Í þættinum segja þau Bjarni og Þóra frá því þegar þau kynntust þegar þau voru táningar í sama vinahópnum í Garðabænum. „Bjarni bað mig um að byrja með sér í einhverju partýi og ég sagði nei. Svo tveimur dögum seinna þá sá ég nú svolítið eftir þessu, þannig ég bað frænku mína um að fara og spyrja Bjarna hvort hann meinti nú eitthvað með þessu og hvort þetta stæði ennþá til boða. Þannig við byrjuðum saman eftir það,“ segir Þóra um upphafið að þeirra ástarsögu. Það slitnaði þó upp úr sambandinu eins og gengur og gerist á unglingsárunum en það leið þó ekki nema rúmt ár þar til þau tóku saman á ný. „Bjarni var í Menntaskólanum í Reykjavík og ég var í Fjölbraut í Garðabæ. Hann var mjög mikið í íþróttum og ég var í dansi. Við vorum ekki alltaf að hittast og það voru auðvitað engir gsm símar. Ef ég ætlaði að hringja í Bjarna þá hringdi ég í heimasímann og mamma hans svaraði. Þetta var bara öðruvísi og stundum hittumst við bara um helgar.“ Fljótlega eftir framhaldsskóla eignuðust þau sitt fyrsta barn. Í dag eiga þau fjögur börn á tuttugu ára tímabili. Þóra segist hafa verið mikið ein með börnin og það hafi verið full vinna fyrir hana á tímabili. „Bjarni vinnur auðvitað rosalega mikið og það hefur tekið rosalega stóran bita af okkar lífi.“ „Ég finn til með ungu fólki sem er að fara inn á þetta svið“ Þóra segist vera orðin vön því að mæta ein í afmæli, út að borða, í leikhús eða jafnvel til útlanda. Það hafi komið fyrir oftar en einu sinni að þau Bjarni séu á leiðinni til útlanda en hann þurfi að hætta við á síðustu stundu vegna vinnu. „Þetta er bara endalaust og við gerum alltaf ráð fyrir því þegar við erum einhvers staðar að hann þurfi að fara og auðvitað getur þetta pirrað mig alveg rosalega. Ég finn til með ungu fólki sem er að fara inn á þetta svið því þetta er ekki auðvelt heimilislíf.“ „Maður venst þessu ekki en maður sættir sig svolítið við þetta, en ég hlakka til þegar þessu tímabili lýkur,“ segir Þóra. Bjarni segir að í starfi sínu sem ráðherra líði gjarnan dagar þar sem það er svo mikið að gera að hann nái ekki einu sinni að setjast niður við skrifborðið sitt. Þá daga getur farsíminn komið að góðum notum. Með honum nær Bjarni gjarnan að stýra hlutunum, senda mikilvæga tölvupósta eða jafnvel mæta á fundi. En þrátt fyrir að síminn sé gagnlegur, getur hann einnig verið til ama. „Við erum eiginlega þrjú í þessu sambandi. Það er ég, Þóra og síminn minn,“ viðurkennir Bjarni sem segist mega vera duglegri að leggja hann frá sér þegar hann kemur heim. „Síðan heyrist bara „ding-dong“ og þar stendur Bretinn spariklæddur með blóm og rauðvínsflösku“ Þau Bjarni og Þóra segjast vera lítið fyrir klisjukennda rómantík en eru þó rómantísk hvort á sinn hátt. Þau eru miklir húmoristar, hlægja mikið saman og segjast ekki taka sér of hátíðlega. Í þættinum segja þau frá spauglegu atviki sem þau lentu í fyrir stuttu þegar þau höfðu boðið afar fáguðum, breskum ráðgjafa fjármálaráðuneytisins í matarboð en höfðu gleymt því. „Þetta var breskur ráðgjafi sem hafði verið okkur innan handar í undirbúningi við sölu á Íslandsbanka. Hann hafði oft komið og sinnt mikilvægum verkum fyrir okkur í ráðuneytinu. Ég hafði séð fyrir mér að við þyrftum að bjóða honum í mat. Þannig ég hringi í Guðmund, ráðuneytisstjórann minn, og sting upp á því að hann komi með Bretann í mat á sunnudaginn,“ segir Bjarni. Þegar sunnudagurinn rann upp ákváðu þau Bjarni og Þóra að skella sér í göngu úti á landi. Þau komu heim seinnipart sunnudags, dauðþreytt eftir gönguna. „Það var seríós á borðinu og það var allt í klessu. Þóra sofnar í sófanum ennþá í gönguskónum. Síðan heyrist bara „ding-dong“. Ég fer til dyra og þar stendur Bretinn, spariklæddur með blóm og rauðvínsflösku.“ Í þættinum fá hlustendur að heyra hvernig Bjarna og Þóru tókst að skipta um föt og henda upp matarboði á nokkrum mínútum. Þá ræða þau einnig ömmu- og afahlutverkið, hvernig Bjarni byrjaði í pólitík, djúskúra og margt fleira. Hér að neðan má hlusta á viðtalið við þau Bjarna og Þóru í heild sinni. Betri helmingurinn með Ása Ástin og lífið Sjálfstæðisflokkurinn Mest lesið Svona verður dagskráin á Menningarnótt Lífið Bjargaði lífi systur sinnar ellefu ára gömul Lífið Níu ástæður fyrir því að stunda morgunkynlíf Lífið Serena Williams opnar sig um notkun þyngdarstjórnunarlyfja Lífið Woody Allen aðalnúmerið hjá Rússum Bíó og sjónvarp Fréttatía vikunnar: Svíþjóð, sektir og vextir Lífið Stjörnum prýdd dagskrá Bylgjunnar í Hljómskálagarðinum Lífið samstarf Ný viðbygging við Þjóðleikhúsið „langþráður draumur“ Menning Mamman grét, eiginmaðurinn fraus en Veru var létt Lífið Hlynur Pálmason með þrennu í San Sebastian Bíó og sjónvarp Fleiri fréttir Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig Sjá meira
Bjarni er fjármálaráðherra Íslands ásamt því að hafa verið formaður Sjálfstæðisflokksins síðan árið 2009. Bjarni var í lögmennsku áður en hann sneri sér að pólitík en hann hefur verið alþingismaður frá árinu 2003. Betri helmingur Bjarna, Þóra Margrét , er mikill fagurkeri og hefur hjálpað fjölmörgum Íslendingum að fegra heimili sín. Hún hefur starfað sem hönnunarráðgjafi, ásamt því að sjá um stórt heimili þeirra Bjarna. Saman eiga þau fjögur börn en tuttugu ár eru á milli þess elsta og þess yngsta. Þau Bjarni og Þóra voru gestir í tuttugasta og öðrum þætti af hlaðvarpinu Betri helmingurinn með Ása sem hóf göngu sína síðasta vor. Umsjónarmaður þáttanna er Ásgrímur Geir Logason. Hann fær til sín þjóðþekkta einstaklinga ásamt þeirra betri helming og ræðir um ástarsambandið, lífið og tilveruna. Hafnaði Bjarna en snerist hugur Í þættinum segja þau Bjarni og Þóra frá því þegar þau kynntust þegar þau voru táningar í sama vinahópnum í Garðabænum. „Bjarni bað mig um að byrja með sér í einhverju partýi og ég sagði nei. Svo tveimur dögum seinna þá sá ég nú svolítið eftir þessu, þannig ég bað frænku mína um að fara og spyrja Bjarna hvort hann meinti nú eitthvað með þessu og hvort þetta stæði ennþá til boða. Þannig við byrjuðum saman eftir það,“ segir Þóra um upphafið að þeirra ástarsögu. Það slitnaði þó upp úr sambandinu eins og gengur og gerist á unglingsárunum en það leið þó ekki nema rúmt ár þar til þau tóku saman á ný. „Bjarni var í Menntaskólanum í Reykjavík og ég var í Fjölbraut í Garðabæ. Hann var mjög mikið í íþróttum og ég var í dansi. Við vorum ekki alltaf að hittast og það voru auðvitað engir gsm símar. Ef ég ætlaði að hringja í Bjarna þá hringdi ég í heimasímann og mamma hans svaraði. Þetta var bara öðruvísi og stundum hittumst við bara um helgar.“ Fljótlega eftir framhaldsskóla eignuðust þau sitt fyrsta barn. Í dag eiga þau fjögur börn á tuttugu ára tímabili. Þóra segist hafa verið mikið ein með börnin og það hafi verið full vinna fyrir hana á tímabili. „Bjarni vinnur auðvitað rosalega mikið og það hefur tekið rosalega stóran bita af okkar lífi.“ „Ég finn til með ungu fólki sem er að fara inn á þetta svið“ Þóra segist vera orðin vön því að mæta ein í afmæli, út að borða, í leikhús eða jafnvel til útlanda. Það hafi komið fyrir oftar en einu sinni að þau Bjarni séu á leiðinni til útlanda en hann þurfi að hætta við á síðustu stundu vegna vinnu. „Þetta er bara endalaust og við gerum alltaf ráð fyrir því þegar við erum einhvers staðar að hann þurfi að fara og auðvitað getur þetta pirrað mig alveg rosalega. Ég finn til með ungu fólki sem er að fara inn á þetta svið því þetta er ekki auðvelt heimilislíf.“ „Maður venst þessu ekki en maður sættir sig svolítið við þetta, en ég hlakka til þegar þessu tímabili lýkur,“ segir Þóra. Bjarni segir að í starfi sínu sem ráðherra líði gjarnan dagar þar sem það er svo mikið að gera að hann nái ekki einu sinni að setjast niður við skrifborðið sitt. Þá daga getur farsíminn komið að góðum notum. Með honum nær Bjarni gjarnan að stýra hlutunum, senda mikilvæga tölvupósta eða jafnvel mæta á fundi. En þrátt fyrir að síminn sé gagnlegur, getur hann einnig verið til ama. „Við erum eiginlega þrjú í þessu sambandi. Það er ég, Þóra og síminn minn,“ viðurkennir Bjarni sem segist mega vera duglegri að leggja hann frá sér þegar hann kemur heim. „Síðan heyrist bara „ding-dong“ og þar stendur Bretinn spariklæddur með blóm og rauðvínsflösku“ Þau Bjarni og Þóra segjast vera lítið fyrir klisjukennda rómantík en eru þó rómantísk hvort á sinn hátt. Þau eru miklir húmoristar, hlægja mikið saman og segjast ekki taka sér of hátíðlega. Í þættinum segja þau frá spauglegu atviki sem þau lentu í fyrir stuttu þegar þau höfðu boðið afar fáguðum, breskum ráðgjafa fjármálaráðuneytisins í matarboð en höfðu gleymt því. „Þetta var breskur ráðgjafi sem hafði verið okkur innan handar í undirbúningi við sölu á Íslandsbanka. Hann hafði oft komið og sinnt mikilvægum verkum fyrir okkur í ráðuneytinu. Ég hafði séð fyrir mér að við þyrftum að bjóða honum í mat. Þannig ég hringi í Guðmund, ráðuneytisstjórann minn, og sting upp á því að hann komi með Bretann í mat á sunnudaginn,“ segir Bjarni. Þegar sunnudagurinn rann upp ákváðu þau Bjarni og Þóra að skella sér í göngu úti á landi. Þau komu heim seinnipart sunnudags, dauðþreytt eftir gönguna. „Það var seríós á borðinu og það var allt í klessu. Þóra sofnar í sófanum ennþá í gönguskónum. Síðan heyrist bara „ding-dong“. Ég fer til dyra og þar stendur Bretinn, spariklæddur með blóm og rauðvínsflösku.“ Í þættinum fá hlustendur að heyra hvernig Bjarna og Þóru tókst að skipta um föt og henda upp matarboði á nokkrum mínútum. Þá ræða þau einnig ömmu- og afahlutverkið, hvernig Bjarni byrjaði í pólitík, djúskúra og margt fleira. Hér að neðan má hlusta á viðtalið við þau Bjarna og Þóru í heild sinni.
Betri helmingurinn með Ása Ástin og lífið Sjálfstæðisflokkurinn Mest lesið Svona verður dagskráin á Menningarnótt Lífið Bjargaði lífi systur sinnar ellefu ára gömul Lífið Níu ástæður fyrir því að stunda morgunkynlíf Lífið Serena Williams opnar sig um notkun þyngdarstjórnunarlyfja Lífið Woody Allen aðalnúmerið hjá Rússum Bíó og sjónvarp Fréttatía vikunnar: Svíþjóð, sektir og vextir Lífið Stjörnum prýdd dagskrá Bylgjunnar í Hljómskálagarðinum Lífið samstarf Ný viðbygging við Þjóðleikhúsið „langþráður draumur“ Menning Mamman grét, eiginmaðurinn fraus en Veru var létt Lífið Hlynur Pálmason með þrennu í San Sebastian Bíó og sjónvarp Fleiri fréttir Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Þungarokkstjarna lést í mótorhjólaslysi Lil Nas X handtekinn og vistaður á sjúkrahúsi Fjögurra daga Njáluhátíð sett á Hvolsvelli í kvöld Tvö maraþon eftir af sex: Úr þoku í sól, misörlátir ferðamenn og hálendið kvatt „Sjúllaður“ sítrónu og jarðaberja næturgrautur Draumadís Þórhildar og Hjalta komin í heiminn Svona verður dagskráin á Menningarnótt Breskur auðkýfingur brjálaður og norsku kafararnir of dýrir Nafn sonarins innblásið af Frakklandi Súrrealískt þegar Jay Leno vinkaði fjölskyldunni á Facetime Borgarstjóri fagnaði brúðkaupsafmæli með strætóferð og indverskum mat Svarar samskiptastjóra Trump sem kallaði hann lúser Þetta borðar Lína Birgitta alla morgna „Indælasti dómari í heimi“ er látinn Seiðandi víbrur sem virka í bólinu Þegar Jónas var jarðsettur hundrað árum eftir andlátið Ein frægasta bakrödd landsins gifti sig Sjá meira