Meistaradeildin á Viaplay

Streymisþjónustan Viaplay hefur hafið beinar útsendingar á Meistaradeild Evrópu og kemur til með að deila sýningaréttinum að stærstu keppni heims næstu árin með Sýn.

Með því mun Viaplay sýna frá sextíu leikjum í Meistaradeild Evrópu á hverju ári og úrslitaleikinn árið 2022. Viaplay og Sýn munu deila íslenskum einkarétti til sýninga á Europa League og Conference League á sama hátt.

Meistaradeild Evrópu, sem er einn virtasti og vinsælasti íþróttaviðburður ársins, leiðir saman félög á borð við Liverpool, Manchester United, Bayern Munich, FC Barcelona, Real Madrid, Juventus og Paris Saint-Germain og heimsins bestu leikmenn, í úrvals viðureignir sem íþróttaáhugafólk frá öllum heimshornum fylgist með.

Til viðbótar við Meistaradeild Evrópu, Europa League og Conference League er Viaplay með íslenskan einkarétt til sýninga á knattspyrnu frá Bundesligunni, Superliga, Scottish Premiership, Eredivisie, Allsvenskan, Division 1 Féminine (fyrsta deild kvenna í Frakklandi), French Cup, CONCACAF Nations League og FIFA World Cup 2022 African qualifiers. Viaplay sýnir líka Formúlu 1, NHL, IIHF Ice Hockey World Championship, UFC, Bundesliga handball, Major League Baseball og NASCAR kappaksturinn.

Sjónvarpsþátta- og kvikmyndapakka Viaplay var hleypt af stokkunum í apríl 2020, og á fyrstu vikunum gerðust yfir 5% af heimilum þjóðarinnar áskrifendur. Stuttu síðar, eða 15. maí 2020 varð Viaplay Total áskriftarpakkinn aðgengilegur, en hann inniheldur lifandi íþróttir.

Riðlakeppni Meistaradeildarinnar hefst þriðjudaginn 14.september og hægt er að kaupa sér áskrift og fá nánari upplýsingar inná viaplay.is"